លោកពូទីន សន្យាដាក់ឱ្យប្រើមីស៊ីល SARMATក្នុងឆ្នាំនេះ
ប្រទេសរុស្ស៊ី ៖ ប្រធានាធិបតីរុស្ស៊ី លោកវ្ល៉ាឌីមៀរ ពូទីន កាលពីថ្ងៃទី២៣ កុម្ភៈ បានសន្យាពីការដាក់ឲ្យ
ប្រទេសរុស្ស៊ី ៖ ប្រធានាធិបតីរុស្ស៊ី លោកវ្ល៉ាឌីមៀរ ពូទីន កាលពីថ្ងៃទី២៣ កុម្ភៈ បានសន្យាពីការដាក់ឲ្យ
ប្រទេសរុស្ស៊ី ៖ ប្រធានាធិបតីរុស្ស៊ី លោកវ្ល៉ាឌីមៀរ ពូទីន កាលពីថ្ងៃទី២៣ កុម្ភៈ បានសន្យាពីការដាក់ឲ្យប្រើក្នុងឆ្នាំនេះ មីស៊ីលបាលីស្ទិករំលងទ្វីបដ៏ទំនើបចុងក្រោយធុនSARMAT ជាប្រព័ន្ធមីស៊ីលរំលងទ្វីបមហាខ្លាំង ដែលតាមប្រភពអាមេរិកថាទើបធ្វើតេស្តបរាជ័យ។
ក្នុងវីដេអូមួយចេញផ្សាយពេលឈានដល់ខួប១ឆ្នាំនៃសង្គ្រាមនៅអ៊ុយក្រែន និងក្នុងឱកាសទិវាអ្នកការពារមាតុភូមិ លោកពូទីនគូសបញ្ជាក់ថា យើងត្រៀមសម្រាប់បំណងពិសេសមួយពង្រឺងកម្លាំងនុយក្លេអ៊ែរ។ នាឆ្នាំនេះប្រព័ន្ធមីស៊ីលSARMATដំបូងៗនឹងដាក់ឲ្យប្រើប្រាស់។
កាលពីថ្ងៃទី២១ កុម្ភៈក្នុងសុន្ទរកថាប្រចាំឆ្នាំ លោកពូទីន ប្រកាសពីការដាក់ឲ្យប្រើប្រព័ន្ធនុយក្លេអ៊ែរដទៃៗទៀត ដែលលោកមិនបញ្ជាក់ច្បាស់ឡើយ ហើយលោកប្រកាសពីការផ្អាករបស់រុស្ស៊ីចូលរួមក្នុងសន្ធិសញ្ញា NEW START ជាកិច្ចព្រមព្រៀងទ្វេភាគីចុងក្រោយស្ដីពីការរំសាយអាវុ.ធនុយក្លេអ៊ែរទាក់ទងរវាងរុស្ស៊ី និងអាមេរិក។
SARMAT ដែលពីដំបូងប្រកាសថាដាក់ឲ្យប្រើក្នុងឆ្នាំ២០២២នោះ កាលពីខែមេសាកន្លង ទៅត្រូវបានលោកពូទីនអួតថា ជាមីស៊ីលអាចគេចផុតពីគ្រប់ប្រព័ន្ធការពារអាកាស ហើយឲ្យពួកអ្នកប្រឆាំងរុស្សុីពិចារណាឲ្យបាន២ដង មុនសាកល្បងគំរា.មកំហែងដល់រុស្ស៊ី។ វាស្ថិតក្នុងចំណោមមីស៊ីលដែលលោកពូទីន លើកឡើងកាលពីឆ្នាំ២០១៨ថា ជាមីស៊ីលមិនអាចផ្ចាញ់បាន។ កាលនោះលោកពូទីនអួតថា SARMAT ដែលពួកលោកខាងលិចហៅមីស៊ីលSATAN-2 ជាមីស៊ីលបាញ់ក្នុងចម្ងាយគ្មានការកម្រិតមានន័យថាបាញ់ដល់ទីណាក៏បានដែរ។
ទោះបីយ៉ាងណាទូរទស្សន៍អាមេរិកCNN ដែលថាដកស្រង់សម្ដីបណ្ដាអ្នកទទួលខុសត្រូវអាមេរិកមិនបញ្ចេញឈ្មោះថា ការសាកល្បងចុងក្រោយនៃមីស៊ីលធុននោះរបស់រុស្ស៊ីត្រូវបរាជ័យក្នុងសប្ដាហ៍នេះ៕
ចែករំលែកព័តមាននេះ