ទឹកជំនន់បណ្តាលមកពីភ្លៀងខ្លាំងស្លា.ប់600នាក់
មនុស្សយ៉ាងតិច៦០០នាក់ស្លា.ប់ ហើយច្រើនលាននាក់ទៀតរងការប៉ះពាល់ដោយសារទឹកជំនន់មកពីមានភ្លៀងធ្លាក់ខ្លាំងនៅ
អាស៊ីខាងត្បូង ៖ មនុស្សយ៉ាងតិច៦០០នាក់ស្លាប់ ហើយច្រើនលាននាក់ទៀតរងការប៉ះពាល់ដោយសារទឹកជំនន់មកពីមានភ្លៀងធ្លាក់ខ្លាំងនៅអាស៊ីខាងត្បូង ។ នេះជាការប្រកាសកាលពីថ្ងៃទី១៩ សីហា របស់បណ្តាអ្នកទទួលខុសត្រូវ ខណៈប្រតិបត្តិការជួយសង្គ្រោះកំពុងបន្ត ។
ទឹកជំនន់ និងការបាក់ដីថ្មីៗកើតមានចាប់តាំងពីសប្តាហ៍ទី២ នៃខែសីហាមក ពេលមានភ្លៀងធ្លាក់ខ្លាំងនៅផ្នែកខាងជើង និងខាងកើតតំបន់អាស៊ីខាងត្បូង ។
អាជ្ញាធរឥណ្ឌាស្នើជំនួយកងយោធាក្នុងស្រុក២នៃរដ្ឋ UTTAR PRADESH ភាគខាងជើងប្រទេសក្រោយភ្លៀងធ្លាក់ខ្លាំង ដែលធ្វើឱ្យភូមិជាច្រើនស្ថិតនៅឯកោ ។ ក្នុងរដ្ឋនេះស្រុកចំនួន៣៣ ក្នុងចំណោមស្រុកទាំង៧៥រងការប៉ះពាល់ដោយទឹកជំនន់ ដែលបណ្តាលឱ្យមនុស្សស្លាប់៥៥នាក់ ។ នៅរដ្ឋប៊ីហា ភាគខាងកើតឥណ្ឌាចំនួនអ្នកស្លាប់ឡើងដល់១៥៣នាក់ រួចមនុស្ស២លាននាក់រងការប៉ះពាល់ ដោយទឹកជំនន់យ៉ាងអាក្រក់ពុំធ្លាប់មាននៅទីនោះចាប់តាំងពីឆ្នាំ២០០៨មក ។
នៅប្រទេសនេប៉ាល់ ជាប់រដ្ឋប៊ីហា និងរដ្ឋ UTTAR PRADESH រយៈពេលប៉ុន្មានថ្ងៃចុងក្រោយនេះ ក៏រងការវាយប្រហារដោយទឹកជំនន់ធ្ងន់ធ្ងរ បណ្តាលឱ្យមនុស្សស្លាប់១២៣នាក់ រួច២០% នៃប្រជាជនប្រទេសនេះមាន២៨លាននាក់ រងការប៉ះពាល់ដោយទឹកជំនន់ ដែលអាក្រក់បំផុតពុំធ្លាប់មានចាប់តាំងពី១៥ឆ្នាំមកហើយ ។
ចំណែកនៅរដ្ឋ ASSAM ភាគខាងកើតឥណ្ឌា មនុស្សយ៉ាងតិច៦០នាក់ ស្លាប់ដោយទឹកជំនន់ជាលើកទី២រយៈពេលមិនដល់៤ខែផង ។ រួចអាជ្ញាធររដ្ឋបឹងហ្គាល់ខាងលិចរៀបរាប់ពីមនុស្សស្លាប់៥២នាក់ ហើយជាង១លាននាក់រងការប៉ះពាល់ ។
នៅប្រទេសបង់ក្លាដែសជាប់ជិតខាងឥណ្ឌា មនុស្សយ៉ាងតិច១០០នាក់ស្លាប់ ហើយជិត៦លាននាក់រងការប៉ះពាល់ដោយទឹកជំនន់ ៕
ចែករំលែកព័តមាននេះ