ប្រទេសឥណ្ឌា ៖ ប៉ូលិសរាយការណ៍ថា មនុស្សយ៉ាងតិច២៣នាក់ស្លាប់ ហើយជាង៤០នាក់ទៀតរងរបួស ក្នុងនោះមួយចំនួនរបួសធ្ងន់ធ្ងរ កាលពីថ្ងៃទី១៩ សីហា ក្រោយពីរថភ្លើងដឹកអ្នកដំណើរមួយជួបគ្រោះថ្នាក់ធ្លាក់ពីផ្លូវដែកនៅរដ្ឋ UTTAR PRADESH ភាគខាងជើងឥណ្ឌា ។
យោងតាមអ្នកនាំពាក្យរបស់ផ្នែកផ្លូវដែកឥណ្ឌាថា ទូរថភ្លើងដល់ទៅ១៤ធ្លាក់ចេញពីផ្លូវដែកក្នុងគ្រោះថ្នាក់នេះ ដែលកើតមាននៅស្រុក MUZAFFANAGAR រដ្ឋ UTTAR PRADESH ស្ថិតនៅចម្ងាយប្រមាណជា១០០ គីឡូម៉ែត្រ ពីក្រុងញូវដែល្លី ។ ទូរថភ្លើងមួយបានទៅបុកផ្ទះ១ខ្នង នៅជាប់ផ្លូវរថភ្លើងបណ្តាលឱ្យរងការខូចខាតធ្ងន់ធ្ងរ ។
ក្នុងសេចក្តីប្រកាសមួយចំពោះបណ្តាសារព័ត៌មានក្នុងស្រុក ប៉ូលិសរដ្ឋ UTTAR PRADESH ថ្លែងថា ក្នុងសោនាដកម្មនេះ មនុស្ស២៣នាក់ស្លាប់ ហើយជាង៤០នាក់ទៀតរងរបួស បញ្ជូនទៅកាន់មន្ទីរពេទ្យនានា ។ គេយល់ថា អ្នកដំណើរមួយចំនួនអាចជាប់នៅក្នុងទូរថយន្តទាំងឡាយដែលក្រឡាប់ ហើយតុល្យការជនរងគ្រោះអាចមានខ្ពស់ជាងនេះទៀត ។
រថភ្លើង UTKAL EXPRESS បានធ្លាក់ពីផ្លូវដែកក្នុងតំបន់ KHATAULI នាវេលាម៉ោង១៧និង៤៥នាទីម៉ោងក្នុងស្រុក ។ មនុស្សម្នាយ៉ាងច្រើនលើកគ្នាទៅចោមរោមនៅកន្លែងកើតគ្រោះថ្នាក់ ។ អាជ្ញាធរប្រកាសថា មូលហេតុនៃគ្រោះថ្នាក់នេះនៅពុំទាន់ដឹងនៅឡើយ ។ រដ្ឋមន្ត្រីផ្លូវដែកឥណ្ឌា លោក SURESH PRABHU ថ្លែងថា លោកបានចេញបញ្ជាឱ្យធ្វើការស៊ើបអង្កេតលើគ្រោះថ្នាក់នេះ ៕
ចែករំលែកព័តមាននេះ