តើត្រូវពិនិត្យរកមើលមហារីកមាត់ស្បូនទេ បើបានចាក់វ៉ាក់សាំងរួចហើយ ? នេះគឺជាសំណួរទី១ដែលស្ត្រីភាគច្រើនគិតក្នុងចិត្តនៅពេលនិយាយដល់ការពិនិត្យរកមើលជំងឺមហារីកមាត់ស្បូន ។ ស្ត្រីភាគច្រើនដឹងថា
តើត្រូវពិនិត្យរកមើលមហារីកមាត់ស្បូនទេ បើបានចាក់វ៉ាក់សាំងរួចហើយ ? នេះគឺជាសំណួរទី១ដែលស្ត្រីភាគច្រើនគិតក្នុងចិត្តនៅពេលនិយាយដល់ការពិនិត្យរកមើលជំងឺមហារីកមាត់ស្បូន ។ ស្ត្រីភាគច្រើនដឹងថាការចាក់វ៉ាក់សាំងការពារជំងឺ HPV ជួយកាត់បន្ថយអត្រាកើតជំងឺមហារីកមាត់ស្បូន ។
ទោះជាយ៉ាងណាក្តី វាមិនមែនមានន័យថាអ្នកមិនគួរពិនិត្យរកមើលជំងឺមហារីកនេះទេ ។ យោងតាមគោលការណ៍ណែនាំ ស្ត្រីគ្រប់រូបដែលមានអាយុចាប់ពី២១ទៅ៦៥ឆ្នាំត្រូវឆ្លងកាត់ការពិនិត្យរកមើលជំងឺមហារីកមាត់ស្បូន ដើម្បីអាចធ្វើរោគវិនិច្ឆ័យបានទាន់ពេលប្រសិនបើកើតជំងឺនេះ ។
ករណីភាគច្រើននៃជំងឺមហារីកមាត់ស្បូនឆ្លងតាមការរួមភេទដែលបណ្តាលមកពីប្រភេទវីរុស Human Papilloma Virus (HPV) ជាក់លាក់មួយចំនួន ។ គេបានប៉ាន់ប្រមាណថា ស្ត្រីប្រហែល៦,៦% ផ្ទុកមេរោគHPV នៅដំណាក់កាលណាមួយក្នុងជីវិតរបស់ពួកគេ ។ ក្នុងចំណោមនេះប្រហែល៧៥%នៃអ្នកដែលមានសកម្មភាពផ្លូវភេទបានឆ្លងវីរុស HPV យ៉ាងហោចណាស់មួយប្រភេទក្នុងជីវិតរបស់ពួកគេ ។
ក្នុងករណីភាគច្រើន ការឆ្លងមេរោគ HPV រាងកាយរបស់យើងអាចដោះស្រាយជាមួយបញ្ហានេះដោយខ្លួនឯង ប៉ុន្តែក្នុងករណីមួយចំនួនទៀតវាក្លាយទៅជាមហារីក ។ ជំងឺនេះត្រូវការពេលវេលាពី១៥ទៅ២០ឆ្នាំសម្រាប់ស្ត្រីដែលមានមុខងារប្រព័ន្ធភាពស៊ាំធម្មតាដើម្បីលូតលាស់ ដែលមិនមែនជាករណីចំពោះស្ត្រីមានប្រព័ន្ធការពាររាងកាយចុះខ្សោយទេ ។
ប្រសិនបើអ្នកឆ្លងមេរោគអេដស៍ ឬប្រព័ន្ធភាពស៊ាំចុះខ្សោយ ជំងឺនេះត្រូវការរយៈពេលត្រឹមតែ៥ទៅ១០ឆ្នាំដើម្បីរីកលូតលាស់ ប៉ុន្តែហានិភ័យនេះអាចថយចុះដោយការចាក់វ៉ាក់សាំង HPV ៕
ចែករំលែកព័តមាននេះ