ក្ដៅៗ! ឈ្នះបារាំងភ្លាម ស្មាត់ធំវិសាខា វឿន វាសនា ត្រូវបានផ្ទេរទៅក្លិបវៀតណាមមួយក្នុងតម្លៃខ្លួន ២ម៉ឺនដុល្លារ
- ភ្នំពេញ
រាធធានីភ្នំពេញ ៖ ជារឿងមួយដ៏គួរឲ្យចាប់អារម្មណ៍ ក្រោយបញ្ចប់ការប្រកួត ក៏ដូចជាទទួលជ័យជំនះ
រាធធានីភ្នំពេញ ៖ ជារឿងមួយដ៏គួរឲ្យចាប់អារម្មណ៍ ក្រោយបញ្ចប់ការប្រកួត ក៏ដូចជាទទួលជ័យជំនះ
រាធធានីភ្នំពេញ ៖ ជារឿងមួយដ៏គួរឲ្យចាប់អារម្មណ៍ ក្រោយបញ្ចប់ការប្រកួត ក៏ដូចជាទទួលជ័យជំនះលើក្រុមយុវជន ក្រោមអាយុ១៩ឆ្នាំ របស់បារាំង នៃជំនួបមិត្តភាពអន្តរជាតិជើងទី២ កាលពីល្ងាចថ្ងៃពុធ ទី២២ ខែកុម្ភៈ ឆ្នាំ ២០២៣ ដោយលទ្ធផលកម្ពុជា ៣សិត បារាំង ១ សិត ពេលនេះកីឡាករជម្រើសជាតិកម្ពុជា ដែលស្ថិតក្នុងក្លិបបាល់ទះវិសាខា វឿន វាសនា ត្រូវបានផ្ទេរទៅ ចូលរួមក្នុងរយៈពេលខ្លី ជាមួយក្លិបបាល់ទះ Lavie Long An របស់ប្រទេសវៀតណាម។ នេះបើយោងតាមការបញ្ជាក់ជាផ្លូវការរបស់ក្លិបបាល់ទះវិសាខា ។
ក្លិបបាល់ទះ វិសាខា បានប្រកាសនាព្រឹកនេះនៅលើបណ្ដាញសង្គមថា កីឡាករ វឿន វាសនា នឹងផ្ទេរទៅ ចូលរួមក្នុងរយៈពេលខ្លីជាមួយក្លិបបាល់ទះ Lavie Long An របស់ប្រទេសវៀតណាម ។ តាងនាមអោយថ្នាក់ដឹកនាំ ក្រុមការងារគ្រូបង្វឹក កីឡាករ យើងសូមជូនពរកីឡាករ វឿន វាសនា ជោគជ័យជាមួយក្រុមថ្មី។
បើតាមការឱ្យដឹងពីលោក អាំង សិរីពិសិដ្ឋ អគ្គលេខាធិការសហព័ន្ធកីឡាបាល់ទះកម្ពុជា បានប្រាប់សារព័ត៌មានឲ្យដឹងថា ការចូលរួមក្នុងរយៈពេលខ្លី ជាមួយក្លិបបាល់ទះ Lavie Long An របស់ប្រទេសវៀតណាម ស្មាត់ធំរបស់វិសាខារូបនេះទទួលបានតម្លៃខ្លួន២ម៉ឺនដុល្លារ ។លោកបន្តថា វឿន វាសនា ជាកីឡាករទីមួយរបស់កម្ពុជាដែលទទួលបានតម្លៃខ្លួនខ្ពស់បំផុត ។
យ៉ាងណាមិញ ក្រោយទទួលដំណឹងដ៏ភ្ញាក់ផ្អើលនេះ មហាជនអ្នកគាំទ្រ ក៏ដូចជាអ្នកស្នេហាវិស័យកីឡាបាល់ទះបានធ្វើការជូនពរកីឡាករ វឿន វាសនា ឲ្យធ្វើដំណើរប្រកបដោយសុវត្ថិភាព និងជួបតែសំណាងល្អ ជោគជ័យនៅភារកិច្ច ដែលត្រូវចេញទៅបំការងារជាមួយក្លិបបាល់ទះ Lavie Long An នៅប្រទេសវៀតណាម ក្នុងរួនាទីជាកីឡាករលំដាប់មួយរូបរបស់កម្ពុជា។
ជាមួយគ្នានេះ សូមជម្រាបជូនមហាជនឲ្យបានជ្រាបផងដែរថា វឿន វាសនា គឺជាកីឡាករលំដាប់មួយរូបរបស់ក្លិបបាល់ទះវិសាខា ក៏ដូចជាកីឡាលំដាប់ជម្រើសជាតិកម្ពុជា ដែលមានភាពលេចធ្លោខ្លាំងនៅលើវិស័យបាល់ទះស្ដង់ដា ដោយកីឡាកររូបនេះលោតបានខ្ពស់ ការម៉ាត់ផ្ដាច់ល្អ រនាំងបាំងធំនិងច្បាស់ និងផ្លែសេវាល្អ ហើយជាពិសេសមានបច្ចេកទេសខ្ពស់ក្នុងការលេង ។ បើតាមការសង្កេតឃើញ កីឡាកររូបនេះ ភាគច្រើននៅស្លាបខាងស្ដាំក្នុងតួរនាទីជាស្មាត់វៃផ្ដាច់ និងមានតួនាទីវៃផ្ដាច់បាល់ដឺមីឌុប៣ម៉ែត្រផងដែរ ។
កាលពីឆ្នាំ២០២២កន្លងទៅ កីឡាករវឿន វាសនា ស្មាត់ធំរបស់ក្លឹបបាល់ទះវិសាខ ក៏ធ្លាប់ត្រូវបានក្លឹបបាល់ទះអាជីពខាងលើ នាំទៅលេងឬហៅថាទិញទៅលេងក្នុងរយៈពេល២សប្ដាហ៍ម្ដងរួចមកហើយ ដោយទទួលបានតម្លៃខ្លួនប្រមាណ១ម៉ឺនដុល្លារ ។ នេះបើតាមការឱ្យដឹងពីលោក អាំង សិរីពិសិដ្ឋ អគ្គលេខាធិការសហព័ន្ធកីឡាបាល់ទះកម្ពុជាកាលពីកន្លងទៅ ។
អគ្គលេខាធិការសហព័ន្ធកីឡាបាល់ទះកម្ពុជា បានបន្ថែមទៀតថា ការបានទៅលេងនៅក្លឹបអាជីពក្នុងប្រទេសវៀតណាមរបស់កីឡាករ វឿន វាសនា ក៏ត្រូវបានទទួលស្គាល់ដោយសហព័ន្ធកីឡាបាល់ទះពិភពលោក FIVB ផងដែរ។ វឿន វាសនា ជាកីឡាករបាល់ទះទី៣របស់កម្ពុជា ដែលត្រូវបានទទួលស្គាល់ដោយសហព័ន្ធកីឡាបាល់ទះពិភពលោក FIVB ក្នុងនាមជាកីឡាករបានចេញទៅប្រកបអាជីពនៅក្លឹបក្រៅប្រទេស បន្ទាប់ពីអតីតកីឡាករបាល់ទះដ៏ល្បីល្បាញ សោម ចំណាប់ និងស្មាត់ធំរបស់វិសាខា គួន ម៉ុម ៕
ចែករំលែកព័តមាននេះ