អតីតរដ្ឋមន្ត្រីម៉ិកស៊ិក១រូប កាត់ទោសនៅអាមេរិកពីបទរត់ពន្ធគ្រឿងញៀ.ន
ប្រទេសម៉ិកស៊ិក ៖ អតីតរដ្ឋមន្ត្រីម៉ិកស៊ិក លោក GENARO GARCIA LULA ជាអតីតជើងឯកខាង
ប្រទេសម៉ិកស៊ិក ៖ អតីតរដ្ឋមន្ត្រីម៉ិកស៊ិក លោក GENARO GARCIA LULA ជាអតីតជើងឯកខាងតស៊ូប្រឆាំងគ្រឿងញៀ.នក្នុងប្រទេសលោក ត្រូវបានតុលាការអាមេរិកកាត់ទោសកាលពីថ្ងៃទី២១ កុម្ភៈ ពីបទពុករលួយនិងរត់ពន្ធកូកាអ៊ីន រវាងម៉ិកស៊ិក និងសហរដ្ឋអាមេរិក ហើយអាចត្រូវជាប់គុ.កអស់មួយជីវិត ។
លោក GENARO GARCIA LULA ជាអ្នកទទួលខុសត្រូវជាន់ខ្ពស់ម៉ិកស៊ិក១រូប ដែលរងការ
កាត់ទោសដោយតុលាការសហព័ន្ធក្រុងញូវយ៉ក ដែលកំពុងធ្វើសង្គ្រាមជាមួយបណ្ដាមេរត់ពន្ធគ្រឿងញៀ.នអាមេរិកកណ្ដាល និងអាមេរិកខាងត្បូង ដែលឆ្លៀតឱកាសឃុបឃិតគ្នាជាមួយបណ្ដារដ្ឋមន្ត្រីមូលដ្ឋាន បញ្ជូនគ្រឿងញៀ.នទៅកាន់ទីផ្សារអាមេរិកខាងជើង ។
ចៅក្រម១០រូបរបស់តុលាការអាមេរិកនោះបានវិនិច្ឆ័យថា អតីតរដ្ឋមន្ត្រីក្រសួងសន្តិសុខសាធារណៈរបស់អតីតប្រធានាធិបតីម៉ិកស៊ិក លោក FELIPE CALDERON (២០០៦-២០១២)រូបនោះ ពិតជាមានពិរុទ្ធលើបទចោទប្រកាន់៥ ក្នុងនោះមានបទចោទប្រកាន់ថា ទទួលប្រាក់ច្រើនលានដុល្លារ ដើម្បីជួយការពារស្ដេចរត់ពន្ធគ្រឿងញៀ.ន ក្រុម SINALOA និងចូលរួមក្នុងការរត់ពន្ធគ្រឿងញៀ.នកូកាអ៊ីនយ៉ាងតិច៥៣តោន ពីម៉ិកស៊ិកកទៅអាមេរិករវាងឆ្នាំ២០០១ទៅ២០១២ ។
មុនក្លាយជារដ្ឋមន្ត្រីលោក GENARO GARCIA LULA ជាវិស្វករមេកានិកអាជីព និងពីឆ្នាំ
២០០១ដល់២០០៥ ជាប៉ូលិសនិងជាប្រមុខទីភ្នាក់ងារស៊ើបការណ៍ ប្រឆាំងអំពើពុករលួយនិង
ឧក្រិដ្ឋកម្មមានការរៀបចំ ។ សាលក្រមកាត់ទោសរូបគេអាចចេញរយៈពេលច្រើនសប្ដាហ៍ទៀត ដោយរូបគេអាចមានទោសជាប់គុកពី១០ឆ្នាំទៅអស់មួយជីវិត ៕
ចែករំលែកព័តមាននេះ