បច្ចុប្បន្នបាតុភូតធម្មជាតិកើតឡើងដោយសារព្យុះភ្លៀងធ្លាក់ខ្លាំងវាយលុកនៅតាមប្រទេសនានានៅលើពិភពលោក ។ បាតុភូតទាំងនោះតែងតែធ្វើឱ្យមានទឹកជន់លិច ខូចខាតផ្ទះសម្បែងរបស់ពលរដ្ឋ ។ លើសពីនេះ
បច្ចុប្បន្នបាតុភូតធម្មជាតិកើតឡើងដោយសារព្យុះភ្លៀងធ្លាក់ខ្លាំងវាយលុកនៅតាមប្រទេសនានានៅលើពិភពលោក ។ បាតុភូតទាំងនោះតែងតែធ្វើឱ្យមានទឹកជន់លិច ខូចខាតផ្ទះសម្បែងរបស់ពលរដ្ឋ ។ លើសពីនេះ មានបាតុភូតធម្មជាតិគ្របដណ្តប់ដោយរលកកម្តៅ ភ្លើងឆេះព្រៃ និងនៅក្នុងស្រទាប់បរិយាកាសគ្របដណ្តប់ដោយជាតិពុលធ្វើឱ្យមនុស្សជួបការលំបាកក្នុងការរស់នៅ និងមានអ្នកស្លាប់បាត់បង់ជីវិតទៀតផង ។
កន្លងមកគេប្រទះឃើញបាតុភូតទាំងនោះវាយប្រហារនៅអូស្ត្រាលី សហរដ្ឋអាមេរិក ឥណ្ឌា ចិននិងបណ្តាប្រទេសដទៃទៀត បង្កឱ្យមានអ្នកស្លាប់ជាច្រើននាក់រួចមកហើយ។
ជាក់ស្តែងចំពោះបាតុភូតដែលកើតឡើងកាលពីពេលថ្មីៗកន្លងមកដែលវាយប្រហារនៅប្រទេសចិន គឺជាបាតុភូតពពកពណ៌ខ្មៅប្រៀបដូចនៅក្នុងខ្សែភាពយន្តហូលីវូដ ដោយលាតសន្ធឹងនៅលើវេហាស៍ក្នុងក្រុងស៊ីអាន ខេត្តសានស៊ី ប្រទេសចិន ។
ទិដ្ឋភាពបែបនោះ គឺជាសញ្ញាមួយបង្ហាញឱ្យពលរដ្ឋបានដឹងថា មិនយូរប៉ុន្មានទេ ទីតាំងនោះនឹងមានព្យុះភ្លៀងជាក់ជាមិនខាន ។
ព្យុះភ្លៀងបានវាយប្រហារនៅក្រុងស៊ីអាន បង្កឱ្យដើមឈើធំៗបាក់រលំជាច្រើនកន្លែង និងកើតមានទឹកជន់លិច ហើយមានពលរដ្ឋជាច្រើនខកខានក្នុងការធ្វើដំណើរ ។
ក្រៅពីនេះមានពលរដ្ឋមួយចំនួនបានថតទិដ្ឋភាពអួអាប់នោះបង្ហោះនៅតាមហ្វេសប៊ុក ដើម្បីឆ្លុះបញ្ចាំងឱ្យឃើញថា ផ្ទៃមេឃអួអាប់គួរឱ្យភ័យខ្លាចប្រៀបដូចជាថ្ងៃបញ្ចប់ផែនដី ៕
ចែករំលែកព័តមាននេះ