បឹងរទាំង ស្ថិតក្នុងឃុំភូមិធំ និងបឹងទួលត្នោត ស្ថិតក្នុងឃុំគគីរ ព្រមទាំងបឹងធំ ស្ថិតក្នុងឃុំឈើទាល ស្រុកកៀនស្វាយ ខេត្តកណ្តាល ដែលជាបឹងសម្បត្តិសាធារណៈរបស់រដ្ឋកើតមានឡើងតាំងពីដូនតា ដែលជាប្រយោជន៍សម្រាប់ប្រជាជនអាស្រ័យផលចិញ្ចឹមជីវិត និងជា
ខេត្តកណ្តាល ៖ បឹងរទាំង ស្ថិតក្នុងឃុំភូមិធំ និងបឹងទួលត្នោត ស្ថិតក្នុងឃុំគគីរ ព្រមទាំងបឹងធំ ស្ថិតក្នុងឃុំឈើទាល ស្រុកកៀនស្វាយ ខេត្តកណ្តាល ដែលជាបឹងសម្បត្តិសាធារណៈរបស់រដ្ឋកើតមានឡើងតាំងពីដូនតា ដែលជាប្រយោជន៍សម្រាប់ប្រជាជនអាស្រ័យផលចិញ្ចឹមជីវិត និងជាប្រព័ន្ធរំដោះជំនន់ទឹកភ្លៀង បញ្ជៀសកុំអោយមានការជន់លិចផលដំណាំ ផ្ទះសម្បែងរបស់បងប្អូនប្រជាជននារដូវវស្សាទៀតផង។
គួរបញ្ជាក់ផងដែរថា បឹងទាំង៣កន្លែងខាងលើនេះ ប្រសិនបើជាគ្មានការទប់ស្កាត់ពីសំណាក់អាជ្ញាធរមូលដ្ឋាននោះទេ អាចប្រឈមនឹងការបាត់បង់ ក្លាយទៅជាកម្មសិទ្ធិរបស់បុគ្គលឯកជនដែលជាអ្នកមានលុយ មានអំណាច ជាក់ជាមិនខានឡើយ។
ដោយបច្ចុប្បន្ន ដីមានហាងឆេង ឈ្មួញអ្នកមានលុយ មានអំណាច កំពុងតែប្រើរូបភាពឃុបឃិតគ្នា ប្រែក្លាយពីដីបឹងសាធារណៈរបស់រដ្ឋ អោយទៅជាដីអាស្រ័យផល រួចអោយប្រជាពលរដ្ឋជាអ្នកឈរឈ្មោះក្លែងបន្លំឯកសារ ធ្វើលិខិតទិញលក់ស្របច្បាប់ ក្នុងតម្លៃថោកៗ។ ហើយឥឡូវកន្លែងខ្លះ គេសង្កេតឃើញឈ្មួញបានចាក់ដី ឬខ្សាច់លុបស្ទើរតែមួយចំហៀងបឹងជាបណ្តើរៗទៅហើយ ខណៈដែលកន្លែងខ្លះទៀតកំពុងតែបោះបង្គោលថ្មី រំលោ.ភយកយ៉ាងគឃ្លើនតែម្តង ដោយយកលេសថា ទិញពីពលរដ្ឋ។
ពាក់ព័ន្ធបញ្ហាខាងលើនេះ លោក ឡូវ សុខសាន អភិបាលស្រុកកៀនស្វាយ បានប្រាប់អ្នកសារព័ត៌មានអោយដឹងតាមទូរស័ព្ទនាព្រឹកថ្ងៃទី១៨ ខែកុម្ភ: ឆ្នាំ២០២៣ យ៉ាងខ្លីដូច្នេះថា ចាំរូបលោកឆែកមើលសិន ព្រោះកំពុងជាប់រវល់ប្រជុំសន្និបាត។
ព័ត៌មានបន្ថែមនឹងមានផ្សាយជូននៅលើកាសែតកោះសន្តិភាព៕
ចែករំលែកព័តមាននេះ