ឡិចស៊ីសRX-470បើកលឿន រេចង្កូតទៅបុករថយន្តបែនដឹកដី…
រាជធានីភ្នំពេញ ៖ រថយន្តម៉ាកឡិចស៊ីសRX-470 មួយគ្រឿងបានរងការខូចខាតដាច់រយះមុខ និងរហែកសំបកកង់មុខ នៅសល់តែយ៉ាន់ទទេប៉ុណ្ណោះ
រាជធានីភ្នំពេញ ៖ រថយន្តម៉ាកឡិចស៊ីសRX-470 មួយគ្រឿងបានរងការខូចខាតដាច់រយះមុខ និងរហែកសំបកកង់មុខ នៅសល់តែយ៉ាន់ទទេប៉ុណ្ណោះ
រាជធានីភ្នំពេញ ៖ រថយន្តម៉ាកឡិចស៊ីសRX-470 មួយគ្រឿងបានរងការខូចខាតដាច់រយះមុខ និងរហែកសំបកកង់មុខ នៅសល់តែយ៉ាន់ទទេប៉ុណ្ណោះ ខណៈដែលបើកបរក្នុងល្បឿនលឿន ហើយបានរេចចង្កូតជ្រុលចូលទៅចំណែកផ្លូវម្ខាងទៀតបុកចំកង់ក្រោយ របស់រថយន្តបែនដឹកដី១គ្រឿងទៀត ដែលជារបស់មន្ទីរសារធារណៈការ និងដឹកជញ្ជូន សាលារាជធានីភ្នំពេញ ប៉ុន្តែមិនបានបណ្ដាលឲ្យអ្នកបើកបររថយន្តឡិចស៊ីសនោះ និងអ្នករួមដំណើររងរបួសនោះឡើយ។ ឧប្បត្តិហេតុគ្រោះថ្នាក់ចរាចរណ៍នោះ បានកើតឡើងកាលពីវេលាម៉ោង១ និង៣០នាទីរសៀល ថ្ងៃទី១០ ខែសីហា ឆ្នាំ២០១៧ នៅលើកំណាត់ផ្លូវជាតិ លេខ៤ ត្រង់ចំណុចភូមិអង្គ សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ។
តាមប្រភពព័ត៌មានបានឲ្យដឹងថា រថយន្តម៉ាកឡិចស៊ីសRX-470 មួយគ្រឿងនោះពណ៌ស្ករ ពាក់ស្លាកលេខ ភ្នំពេញ 2O-1233 បើកបរដោយបុរសមិនស្គាល់ឈ្មោះម្នាក់ ក្នុងទិសដៅពីកើតទៅលិចក្នុងល្បឿនលឿនគួរសមដែរ។ លុះពេលទៅដល់ត្រង់ចំណុច កើតហេតុខាងលើបានវ៉ារថយន្តផ្សេង១គ្រឿងទៀត ហើយក៏បានរេចង្កូតជ្រុលទៅចំណែកផ្លូវម្ខាងទៀត បុកសំដៅទៅរករថយន្តបែនដឹកដី១គ្រឿងទៀតពណ៌ក្រហម ពាក់ស្លាកលេខ ភ្នំពេញ 3A-3725 ដែលជារថយន្តដឹកដីរបស់ មន្ទីរសាធារណៈការ និងដឹកជញ្ជូន រាជធានីភ្នំពេញ ដែលកំពុងបើកបរក្នុងទិសដៅបញ្ច្រាសទិសគ្នា ពីលិចទៅកើតក្នុងល្បឿនលឿនដែរ។
ប្រភពដដែលបានបន្តទៀតថា ខណៈនោះរថយន្តបែនដឹកដីខាងលើនោះ បានខំបើកគេចចេញដែរដើម្បីកុំឲ្យបុកគ្នា ប៉ុន្តែគេចផុតតែក្បាលប៉ុណ្ណោះ ក៏ត្រូវបានរថយន្តឡិចស៊ីសនោះជ្រុលទៅបុកចំកង់ក្រោយខាងឆ្វេង បណ្ដាលឲ្យធ្លាក់កាង និងដាច់រយះមុខព្រមទាំងកង់មុខខាងឆ្វេងរហែកសំបកកង់បាត់នៅសល់តែយ៉ាន់ទទេប៉ុណ្ណោះ។ ខណៈនោះសំណាងណាស់ដែលមិនបានបណ្ដាលឲ្យមានមនុស្សណាម្នាក់រងគ្រោះថ្នាក់នោះឡើយ ហើយក្រោយពេលកើតហេតុនគរបាលបានចុះទៅកាន់កន្លែងកើតហេតុ សម្រួលចរាចរណ៍មិនឲ្យមានការកកស្ទះ ។ ចំណែកឯម្ចាស់រថយន្តឡិចស៊ីស ក៏បានទទួលកំហុសថា គាត់បើកជ្រុលចូលទៅបុករថយន្តបែនដឹកដីនោះដែរ បន្ទាប់មកគាត់បានហៅរថយន្តស្ទូចទៅស្ទូចយករថយន្តរបស់ខ្លួនទៅធ្វើការជួសជុលដោយខ្លួនឯង៕
ចែករំលែកព័តមាននេះ