រញ្ជួយដីនៅចិនអាចបណ្តាលឱ្យមនុស្សស្លា.ប់ច្រើនរយនាក់
ចិន ៖ យោងតាមមជ្ឈមណ្ឌលបណ្តាញរញ្ជួយដីចិនថា ការរញ្ជួយដីមួយមានកម្លាំងដល់ទៅ៧រីស្ទ័រកើតមានកាលពីយប់ថ្ងៃទី៨ សីហា វេលាម៉ោង២១និង១៩នាទី ម៉ោងក្នុងស្រុកនៅស្រុក
ចិន ៖ យោងតាមមជ្ឈមណ្ឌលបណ្តាញរញ្ជួយដីចិនថា ការរញ្ជួយដីមួយមានកម្លាំងដល់ទៅ៧រីស្ទ័រកើតមានកាលពីយប់ថ្ងៃទី៨ សីហា វេលាម៉ោង២១និង១៩នាទី ម៉ោងក្នុងស្រុកនៅស្រុក
ចិន ៖ យោងតាមមជ្ឈមណ្ឌលបណ្តាញរញ្ជួយដីចិនថា ការរញ្ជួយដីមួយមានកម្លាំងដល់ទៅ៧រីស្ទ័រកើតមានកាលពីយប់ថ្ងៃទី៨ សីហា វេលាម៉ោង២១និង១៩នាទី ម៉ោងក្នុងស្រុកនៅស្រុក JIUZHAIGOU ខេត្តស៊ីឈួន ភាគនិរតីចិន ។
យោងតាមគណៈកម្មាធិការជាតិទទួលបន្ទុកសភាពពការណ៍បន្ទាន់ចិនថា ការរញ្ជួយដីខ្លាំងនេះអាចបណ្តាលឱ្យមនុស្សស្លាប់ជាច្រើនរយនាក់ រួចមនុស្សច្រើនពាន់នាក់រងរបួស ចំណែកផ្ទះសម្បែងយ៉ាងតិច២៤.០០០ខ្នងរងការបំផ្លាញ ។ ការរញ្ជួយដីនេះបើតាមវិទ្យាស្ថានភូគម្ពសាស្ត្រអាមេរិក USGS ថា មានកម្លាំងត្រឹម៦,៥រីស្ទ័រកើតមាននៅតំបន់ដាច់ស្រយាលមួយនៃខេត្តស៊ីឈួន មិនឆ្ងាយប៉ុន្មានពីតំបន់ដែលមានការរញ្ជួយដីខ្លាំងកម្លាំង៨រីស្ទ័រ កាលពីឆ្នាំ២០០៨ ដែលបណ្តាលឱ្យមនុស្សស្លាប់ និងបាត់ខ្លួន៨៧.០០០នាក់ ។ ចំណុចកណ្តាលនៃការរញ្ជួយដីលើកនេះស្ថិតនៅចម្ងាយ២៨៤គីឡូម៉ែត្រ ខាងជើងទីប្រជុំជនខេត្តស៊ីឈួនគឺទីក្រុង CHENGDU ក្នុងជម្រៅ១០គីឡូម៉ែត្រ ។
តំបន់រងការវាយប្រហារដោយការរញ្ជួយដីនេះមានជាពិសេសឧទ្យានជាតិ JIUZHAIGOU ជាតំបន់ដាច់ស្រយាលនៃខ្ពង់រាបទីបេ ស្ថិតក្នុងបញ្ជីបេតិកភណ្ឌពិភពលោករបស់អង្គការយូណេស្កូ ។ តំបន់នេះជាតំបន់ទេសចរណ៍ល្បីល្បាញមួយដោយសារសម្រស់បឹងទាំងឡាយ ។
កាសែតប្រជាជនចិនរាយការណ៍ថា មនុស្សជាង១០០នាក់ ជាប់នៅក្នុងឧទ្យានជាតិនេះ ។ យោងតាមស៊ីនហួថា នាថ្ងៃទី៨ សីហា នេះមានមនុស្សដល់ទៅជាង៣៨.០០០នាក់ មកលេងនៅឧទ្យានជាតិ JIUZHAIGOU ។
គណៈកម្មាធិការជាតិទទួលបន្ទុកសភាពការណ៍អាសន្នចិននិយាយថា មនុស្សជាច្រើនរយនាក់អាចស្លាប់រួចជាច្រើនពាន់នាក់រងរបួស ហើយផ្ទះសម្បែងយ៉ាងតិច២៤.០០០ខ្នងរងការខូចខាត ។ តាមក្រុមអ្នកជួយសង្គ្រោះថា សណ្ឋាគារមួយដែលមានអ្នកទេសចរស្នាក់ប្រមាណជា២.០០០នាក់ត្រូវបាក់មួយផ្នែកក្រោយការរញ្ជួយដី ។ បណ្តាក្រុមអ្នកជួយសង្គ្រោះ ព្រមទាំងកងយោធា និងប៉ូលិសត្រូវបានបញ្ជូនទៅ ។
ប្រធានាធិបតីចិន លោកស៊ី ជីនពីង បានចេញបញ្ជាឱ្យធ្វើអ្វីគ្រប់យ៉ាង ដើម្បីកាត់បន្ថយបណ្តាផលវិបាកជាអវិជ្ជមាននៃការរញ្ជួយដីនេះ ។
ទោះបីយ៉ាងណា មកដល់ព្រឹកថ្ងៃទី៩ សីហា វេលាម៉ោង៩និង៣០នាទីព្រឹក តុល្យការផ្លូវការនៃអ្នកស្លាប់ថា មាន១៣នាក់ ហើយ១៧៥នាក់រងរបួស ៕
ចែករំលែកព័តមាននេះ