ផ្អើលទាំងព្រឹក! អគ្គិភ័យឆេះហាង និងតូបលក់ដូរ យ៉ាងសន្ធោសន្ធៅ នៅក្រុងប៉ោយប៉ែត (វីដេអូ)
- បន្ទាយមានជ័យ
រាជធានីភ្នំពេញ ៖ មានករណីអគ្គិភ័យឆាបឆេះយ៉ាងសន្ធោសន្ធៅនៅចំណុចហាង ឬតូបលក់ដូរផ្សេងៗ
រាជធានីភ្នំពេញ ៖ មានករណីអគ្គិភ័យឆាបឆេះយ៉ាងសន្ធោសន្ធៅនៅចំណុចហាង ឬតូបលក់ដូរផ្សេងៗក្នុងនោះមានទាំងកន្លែងលក់គ្រឿងសម្ភារកុំព្យូទ័រ និងទូរស័ព្ទ ហាងលក់គ្រឿងអគ្គិសនី ក៏ដូចជាទីតាំងលក់សំបុត្ររថយន្តក្រុងផងដែរ ដែលមិនអាចគណនាបានទេថាតើនៅមានហាង ឬតូបអ្វីខ្លះទៀតនោះ តែបើគិតជាល្វែងប្រហែលជា១០ល្វែង នៅជាប់ផ្លូវជាតិលេខ៥ ក្នុងភូមិអូរជ្រៅ សង្កាត់អូរជ្រៅ ក្រុងប៉ោយប៉ែត នៅវេលាម៉ោង៧និង៣៦នាទីព្រឹកថ្ងៃទី១៣ កុម្ភៈ នេះ។
ទោះជាយ៉ាងណា នៅហេតុការណ៍គ្រោះអគ្គិភ័យខាងលើមិនទាន់ដឹងពីមូលហេតុនៅឡើយទេ ហើយក៏មិនទាន់ដឹងពីទំហំនៃការខូចខាត ឬមានអ្នករងរបួសនៅឡើយទេ ខណៈអាជ្ញាធរ និងសមត្ថកិច្ចកំពុងអន្តរាគមន៍ និងរថយន្តពន្លត់អគ្គិភ័យជាច្រើនគ្រឿង ក្នុងនោះក៏មានខាងភាគីថៃ មកជួយផងដែរ ។
ករណីអគ្គិភ័យគិតមកដល់ពេលនេះ គេសង្កេតឃើញថា អាជ្ញាធរ និងសមត្ថកិច្ច អន្តរាគមន៍បាញ់ទឹកពន្លត់យ៉ាងសស្រាក់សស្រាំ មានទាំងនគរបាលការពារព្រំដែន មានទាំងយោធា និងកម្លាំងជំនាញពាក់ព័ន្ធទាំងអស់នៅក្រុងប៉ោយប៉ែត ហើយរថយន្តថៃខាងសង្គ្រោះ ខាងពន្លត់អគ្គិភ័យដែលមានបំពាក់ឧបករណ៍ ព្រមទាំងក្រុមរុករក និងក្រុមជួយសង្គ្រោះក៏បានចុះមកដល់កន្លែងកើតហេតុផងដែរ។ ដោយឡែក អីវ៉ាន់ដែលគេជញ្ជូនចេញពីក្នុងហាង ក៏ដូចជាតូបនីមួយៗកំពុងដាក់កកកុញពេញតាមដងផ្លូវជាតិជាបណ្តោះអាសន្ន ។
ព័ត៌មានលម្អិតនឹងមានផ្សាយជូននៅលើទំព័រកាសែតកោះសន្តិភាព ៕
ចែករំលែកព័តមាននេះ