តើជំងឺឫសដូងបាតអាចកើតឡើងវិញទេ ?
ស្ត្រីម្នាក់អាយុ៥៦មានទីលំនៅក្នុងភូមិឫស្សី សង្កាត់ស្ទឹងមានជ័យ ខណ្ឌមានជ័យ និយាយថា គ្រួសាររបស់គាត់មានសមាជិក៥នាក់ កើតជំងឺឫសដូងបាតទាំងអស់ ។
ពិសេសស្វាមីរបស់គាត់កើតមានជំងឺឫសដូងបាតបីដងហើយ
ស្ត្រីម្នាក់អាយុ៥៦មានទីលំនៅក្នុងភូមិឫស្សី សង្កាត់ស្ទឹងមានជ័យ ខណ្ឌមានជ័យ និយាយថា គ្រួសាររបស់គាត់មានសមាជិក៥នាក់ កើតជំងឺឫសដូងបាតទាំងអស់ ។
ពិសេសស្វាមីរបស់គាត់កើតមានជំងឺឫសដូងបាតបីដងហើយ
ស្ត្រីម្នាក់អាយុ៥៦មានទីលំនៅក្នុងភូមិឫស្សី សង្កាត់ស្ទឹងមានជ័យ ខណ្ឌមានជ័យ និយាយថា គ្រួសាររបស់គាត់មានសមាជិក៥នាក់ កើតជំងឺឫសដូងបាតទាំងអស់ ។
ពិសេសស្វាមីរបស់គាត់កើតមានជំងឺឫសដូងបាតបីដងហើយ (ព្យាបាលហើយក៏កើតឡើងវិញ) ជាហេតុធ្វើឲ្យអ្នកស្រីធុញទ្រាន់នឹងជំងឺនេះ ព្រោះត្រូវចំណាយប្រាក់ព្យាបាលជាបន្តបន្ទាប់ ។
ស្ត្រីរូបនោះឆ្ងល់ថា តើហេតុអ្វីបានជាជំងឺឫសដូងព្យាបាលហើយមួយលើកជាពីរលើកនៅតែកើតឡើងវិញ ?
លោកវេជ្ជបណ្ឌិតសាន់ ចាន់ណា ជាគ្រូពេទ្យជំនាញខាងព្យាបាលជំងឺថ្លើម ក្រពះ ពោះវៀន និងឫសដូងបាត នៅមន្ទីរពេទ្យកាល់ម៉ែត ឲ្យដឹងថា សញ្ញាធ្លាក់ឈាមតាមបាត ឬមានធ្លាក់សាល់(ដុំសាច់ឫសដូង)មកខាងក្រៅ គឺជាសញ្ញានៃជំងឺឫសដូងបាត ហើយការព្យាបាលជំងឺនេះគឺមានច្រើនវិធីដូចជា លេបថ្នាំ, ការចង និងការវះកាត់ ពិសេសគឺការពារកុំឲ្យកើតមានបញ្ហារាករូស និងទល់លាមកញឹកញាប់ ។ ប្រជាជនខ្មែរយើងមួយចំនួនតែងនិយាយថា ការព្យាបាលជំងឺឫសដូងបាតអាចនឹងកើតឡើងវិញ ។ ក្នុងភាសារបស់ពេទ្យគេមិននិយាយថា កើតឡើងវិញទេ គឺគេនិយាយថា លាប់ឡើងវិញ ។ ជាទូទៅការព្យាបាលជំងឺឫសដូងបាតអាចលាប់ឡើងវិញ ឬមិនអាចលាប់ឡើងវិញ គឺអាស្រ័យទៅនឹងកត្តាប្រឈមដែលជំរុញឱ្យមានការលាប់ឡើងវិញ ។ កត្តាទាំងនេះមានដូចជា៖
– រាករូស និងទល់លាមកញឹកញាប់ ។
– មានផ្ទៃពោះច្រើនដង(ការប្រឹងនៅពេលសម្រាល) ។
– កត្តាអាយុ ព្រោះនៅពេលចាស់ទៅស្បែកជ្រីវជ្រួញ និងយារធ្លាក់ ។
– កត្តាដំណពូជ ។
– ការទទួលទានគ្រឿងស្រវឹងច្រើនជាដើម ។
នៅពេលព្យាបាលជំងឺឫសដូងបាតហើយនោះ លោកអ្នកគួរតែប្រតិបត្តិតាមការណែនាំរបស់គ្រូពេទ្យ ពិសេសការពារកុំឲ្យកើតមានបញ្ហារាករូស និងទល់លាមកញឹកញាប់។ ធ្វើបែបនោះបានការលាប់ឡើងវិញនៃជំងឺឫសដូងបាត លែងជាបញ្ហារបស់អ្នកដែលធ្លាប់ព្យាបាលជំងឺឫសដូងបាតទៀតហើយ ៕
ចែករំលែកព័តមាននេះ