លោកចូ បៃដិន ថា មិនស្វែងរកជម្លោះជាមួយចិនរឿងបាល់ឡុងហោះ
សហរដ្ឋអាមេរិក-ចិន ៖ ប្រធានាធិបតីអាមេរិកលោកចូ បៃដិន កាលពីយប់ថ្ងៃទី៨ កុម្ភៈ បានរំងាប់
សហរដ្ឋអាមេរិក-ចិន ៖ ប្រធានាធិបតីអាមេរិកលោកចូ បៃដិន កាលពីយប់ថ្ងៃទី៨ កុម្ភៈ បានរំងាប់វោហារសាស្ត្រជាមួយចិន ។ ភាពតានតឹងមានខ្ពស់បំផុតរវាងក្រុងប៉េកាំង និងក្រុងវ៉ាស៊ីនតោន ក្រោយអាមេរិកបា.ញ់ទម្លាក់បាល់ឡុងហោះចិន ដោយចោទថា ជាបាល់ឡុងចារកម្ម ។ គួររំលឹកថា ទីបំផុត! អាមេរិកបា.ញ់ទម្លាក់បាល់ឡុងហោះចិនមួយពីលើសមុទ្រ (វីដេអូ)
ប្រធានាធិបតីអាមេរិកអះអាងថា ប្រទេសលោកនឹងប្រកួតប្រជែងពេញទំហឹងជាមួយចិន តែយើងមិនស្វែងរកជម្លោះមួយឡើយ ។
ក្នុងបទសម្ភាសន៍មួយជាមួយទូរទស្សន៍ PBS ប្រមុខសេតវិមានវាយតម្លៃជាពិសេសថា រឿង
បាល់ឡុងមិនប៉ះទង្គិចខ្លាំងដល់ទំនាក់ទំនងរវាងមហាអំណាចទាំង២ឡើយ ។
មុននេះអ្នកនាំពាក្យសេតវិមានលោកស្រី KARINE JEAN-PIERRE បានចោទប្រកាន់ចិនថាដាក់ពង្រាយលើពិភពលោកទាំងមូលរយៈពេលប៉ុន្មានឆ្នាំចុងក្រោយនេះ បណ្ដាបាល់ឡុងហោះសម្រាប់ប្រតិបត្តិការចារកម្ម ។ បាល់ឡុងទាំងនោះកំណត់ឃើញពីលើបណ្ដាប្រទេសនៃទ្វីបទាំង៥ដោយរំលោ.ភបំពា.នអធិបតេយ្យភាព ដែលជម្រុញឲ្យសហរដ្ឋអាមេរិកពិភាក្សាជាមួយបណ្ដាសម្ព័ន្ធមិត្តនិងដៃគូ ។
ទោះបីយ៉ាងណា ដោយនិយាយពីការសម្រាលភាពតានតឹងជាមួយចិន តែលោកបៃដិន ក្នុងបទ
សម្ភាស៍នោះ បានដៀមដាមលោកស៊ី ជីនពីង ថា បុរសនោះបង្កបញ្ហាច្រើនណាស់ ។ បន្ទាប់ពីអាមេ
រិកបា.ញ់ទម្លាក់បាល់ឡុងខ្លួនក្នុងសមុទ្រ ចិនបានបញ្ចេញកំហឹងយ៉ាងខ្លាំងថានឹងសងសឹកវិញដោយ
ថានោះមិនមែនជាបាល់ឡុងចារកម្មតែជាបាល់ឡុងឧតុនិយម ដែលត្រូវបោកបក់រសាត់ខុសទិស
ដៅ ចូលដែនអាកាសអាមេរិកនិងនិយាយថា អាមេរិកមិនគួរដល់ថ្នាក់បា.ញ់វាទម្លាក់សោះ ៕
ចែករំលែកព័តមាននេះ