រុស្ស៊ី ៖ លោក FRANTS KLINTSEVITCH អនុប្រធានគណៈកម្មាធិការការពាររបស់ក្រុមប្រឹក្សាសហព័ន្ធ (ព្រឹទ្ធសភារុស្ស៊ី) ថ្លែងកាលពីចុងសប្តាហ៍កន្លងទៅនេះថា ប្រទេសរុស្ស៊ីត្រូវចាប់ផ្តើមនាពេលខាងមុខនេះ កសាងនាវាផ្ទុកយន្តហោះ៦គ្រឿង ។
ព្រឹទ្ធសមាជិករូបនោះគូសបញ្ជាក់ពីរឿងនេះក្នុងកម្មវិធីទូរទស្សន៍មួយ ។ រួចកាលពីខែមេសា ២០១៧ អគ្គមេបញ្ជាការកងម៉ារីនរុស្ស៊ីឧត្តមនាវី វ្ល៉ាឌីមៀរ កូរ៉ូឡេវ ប្រកាសថា ចំនួននាវាផ្ទុកយន្តហោះរុស្ស៊ីត្រូវបង្កើន ។ យើងធ្វើការជាប់ លើរឿងនេះរួចបណ្តាបញ្ហានឹងត្រូវដោះស្រាយ ។
កម្មវិធីកសាងនាវាផ្ទុកយន្តហោះថ្មីត្រូវបានរុស្ស៊ីលើកឡើងចាប់តាំងពីច្រើនឆ្នាំមកហើយ ។ ទិដ្ឋភាពខាងក្រៅរបស់នាវានេះត្រូវបានស្នើក្នុងកម្មវិធីគ្រឿងសព្វាវុធរដ្ឋសម្រាប់ឆ្នាំ២០១២-២០២០ ។ បច្ចុប្បន្នកងម៉ារីន រុស្ស៊ីមាននាវាផ្ទុកយន្តហោះតែមួយគត់ AMIRAL KOUZNETSOV ដែលកសាងរវាងឆ្នាំ១៩៨២-១៩៩០ នៅការដ្ឋាននាវា NIKOLAIEV ។ នាពេលខាងមុខ នាវានេះនឹងត្រូវកសាងឡើងវិញ ព្រមទាំងធ្វើឱ្យទំនើប ដើម្បីអាចប្រើវារយៈពេល២០ឆ្នាំទៀត ៕
ចែករំលែកព័តមាននេះ