ស្រីស្អាតខំញ៉ាំតែមិនធាត់សោះ ដល់ពេលដឹងទើបភ្ញាក់ខ្លួន!
តាមប្រភពព័ត៌មាន Viral4real បានឲ្យដឹងថា ស្ត្រីវ័យក្មេងម្នាក់ចេះតែត្រូវបានគេរិះគន់ថា គ្មានសាច់ឈាមនឹងគេ ទោះបីជាខិតខំញ៉ាំប៉ុនណាក៏ដោយ។ តាមការពិតមូលហេតុ គឺ
ឥណ្ឌូនេស៊ី ៖ តាមប្រភពព័ត៌មាន Viral4real បានឲ្យដឹងថា ស្ត្រីវ័យក្មេងម្នាក់ចេះតែត្រូវបានគេរិះគន់ថា គ្មានសាច់ឈាមនឹងគេ ទោះបីជាខិតខំញ៉ាំប៉ុនណាក៏ដោយ។ តាមការពិតមូលហេតុ គឺមកពីនាងមានជំងឺម្យ៉ាងហោថា Scoliosis ដែលមានន័យជាខេមរភាសាថា «ជំងឺកោងឆ្អឹងខ្នង»។
Patrisha Banawa តែងតែត្រូវបានគេរិះគន់ថា ជាមនុស្សញ៉ាំមិនចេះធាត់ ហើយមានតែស្បែកដណ្តប់ឆ្អឹង។ ដល់ពេលនាងទៅជួបគ្រូពេទ្យ ទើបនាងដឹងថា នាងមានជំងឺ Scoliosis។ ជំងឺនេះមិនមែនជាជំងឺគ្រោះថ្នាក់ដល់ជីវិតទេ តែវាធ្វើឲ្យអ្នកជំងឺមានការឈឺចាប់ទ្រាំស្ទើរតែមិនបាន។ ប្រសិនបើយើងឃើញឆ្អឹងខ្នងនរណាម្នាក់រត់មិនត្រង់ចំចំណុចកណ្តាលទេ អ្នកនោះមានជំងឺនេះហើយ។
នាងតែងតែមានអារម្មណ៍ឈឺចាប់ដល់ថ្នាក់ទ្រាំមិនចង់បាន ដោយសារតែគ្រឿងក្នុងរបស់នាងមានការកៀបសង្កត់ដោយសារឆ្អឹងខ្នងមិនត្រង់។ ពេលខ្លះនាងមានអាការៈចង់ក្អួត និងពិបាកក្នុងការដកដង្ហើមថែមទៀតផង។
ទោះបីជានាងមានជំងឺនេះក៏ដោយ ក៏នាងនៅតែមានក្តីសុបិន្តចង់ក្លាយទៅជាបវរកញ្ញាដែរ ហើយនៅពេលនេះ នាងបានជាប់លេខ២ក្នុងការប្រកួតប្រជែងបវរកញ្ញាឯកថែមទៀតផង៕
ចែករំលែកព័តមាននេះ