ADផ្ទាំងផ្សព្វផ្សាយពាណិជ្ជកម្ម

Picture

អាជ្ញាកណ្ដាល​-​ចៅក្រម​ប្រដាល់សកល​កម្ពុជា​៨​រូប​ប្រឡង​ជាប់​កម្រិត​អន្ដរជាតិ​ផ្កាយ​១ IBA មុន​ស៊ី​ហ្គេ​ម ឆ្នាំ​២០២៣

1 ឆ្នាំ មុន
  • ភ្នំពេញ

រាជធានី​ភ្នំពេញ ៖ មន្ត្រី​អាជ្ញាកណ្តាល​-​ចៅក្រម នៃ​សហព័ន្ធ​កីឡា​ប្រដាល់សកល​កម្ពុជា ចំនួន ៨​រូប

រាជធានី​ភ្នំពេញ ៖ មន្ត្រី​អាជ្ញាកណ្តាល​-​ចៅក្រម នៃ​សហព័ន្ធ​កីឡា​ប្រដាល់សកល​កម្ពុជា ចំនួន ៨​រូប បាន​ប្រឡង​ជាប់​អាជ្ញាកណ្ដាល​-​ចៅក្រម​អន្ដរជាតិ​ផ្កាយ​១ នៃ​សមាគម​កីឡា​ប្រដាល់សកល​អន្ដរជាតិ​(IBA) ដើម្បី​ត្រៀម​ចូលរួម​កាត់សេចក្ដី ក្នុង​ការ​ប្រកួត​កីឡា​ស៊ី​ហ្គេ​ម លើក​ទី​៣២ ឆ្នាំ​២០២៣ នៅ​កម្ពុជា នា​ខែឧសភា​ខាង​មុខ​។

មន្ត្រី​អាជ្ញាកណ្តាល​-​ចៅក្រម​កម្ពុជា ដែល​បាន​ប្រឡង​ជាប់​អាជ្ញាកណ្ដាល​-​ចៅក្រម​អន្ដរជាតិ​ផ្កាយ​១ និង​ទទួលស្គាល់​ដោយ​ស្ថាប័ន IBA ទាំង​៨​រូប​នេះ រួម​មាន​លោក សួ​ស លី​ន​ណា​, លោក ម៉ាក់ សា​មឿ​ន​, លោក ផល សុ​ផាត​, លោក ណុ​ប វ៉ា​ន់​ថេ​ត​, លោក ម៉ី រតនៈ លោក ជួន សំណាង​, លោក នួន វុ​ទ្ធី និង​កញ្ញា ឥន្ទ វិចិត្រ ដែល​ត្រូវ​បាន​ប្រគល់ និង​ទទួល​វិញ្ញាបនបត្រ​បញ្ជាក់​ការ​សិក្សា​របស់​ខ្លួន កាលពី​រសៀល​ថ្ងៃ​ទី​២ ខែកុម្ភៈ កន្លង​ទៅ​នេះ ។

លោក ប៊ុ​យ សុ​ភ័​ណ្ឌ អគ្គលេខាធិការ​សហព័ន្ធ​កីឡា​ប្រដាល់សកល​កម្ពុជា បានឱ្យ​ដឹង​ថា កាលពី​ចុងខែ​ធ្នូ ឆ្នាំ​២០២២ កន្លង​ទៅ សហព័ន្ធ បាន​សហការ​ជាមួយ IBA រៀបចំ​វគ្គ​បណ្ដុះបណ្ដាល​អាជ្ញាកណ្ដាល​-​ចៅក្រម​អន្ដរជាតិ​ផ្កាយ​១ (IBA 1-Star R&J Certification Course 2022) ដែល​បង្រៀន​ដោយ​គ្រូឧទ្ទេស​អន្ដរជាតិ​លោក Waith John Henry​។ វគ្គ​នេះ មាន​សិក្ខាកាម​ចូលរួម​សរុប​១៧​នាក់ ហើយ​ជា​លទ្ធផល​មាន​សិក្ខាកាម ៨​នាក់ បាន​ប្រឡង​ជាប់ និង​ទទួលស្គាល់​ដោយ IBA ។

អគ្គលេខាធិការ​សហព័ន្ធ​ដដែល​បន្ដ​ថា មន្ត្រី​អាជ្ញាកណ្តាល​-​ចៅក្រម​ទាំង ៨​រូប​នេះ នឹង​មាន ២​រូប​ចូលរួម​កាត់សេចក្តី សម្រាប់​ប្រភេទ​កីឡា​ប្រដាល់សកល ក្នុង​ការ​ប្រកួត​កីឡា​ស៊ី​ហ្គេ​ម ឆ្នាំ​២០២៣ នៅ​កម្ពុជា ដែល​នឹង​ប្រកួត​ចាប់ពី​ថ្ងៃ​ទី​៦ ដល់​ថ្ងៃ​ទី​១៤ ខែឧសភា ឆ្នាំ​២០២៣​។ រីឯ​មន្ត្រី​អាជ្ញាកណ្តាល​-​ចៅក្រម ៦​រូប​ទៀត ក៏​នឹង​ចូលរួម​ជា​មន្ត្រី​បច្ចេកទេស សម្រាប់​ការ​រៀបចំ​ព្រឹត្តិការណ៍​ជាប្រវត្តិ​សាស្ដ្រ​​លើក​​ដំបូង​នៅ​កម្ពុជា​នេះ​ផង​ដែរ​។

ទន្ទឹម​នឹង​នេះ លោក ប៊ុ​យ សុ​ភ័​ណ្ឌ បាន​ចាត់​ទុក ការ​ប្រឡង​ជាប់​វិញ្ញាបនបត្រ​អន្តរជាតិ​កម្រិត​ផ្កាយ​១ របស់​មន្ត្រី​អាជ្ញាកណ្តាល​-​ចៅក្រម​របស់​កម្ពុជា​ទាំង​៨​នាក់​នេះ​ថា ជា​កំណត់​ត្រា​ប្រវត្តិសាស្ត្រ​លើក​ដំបូង​សម្រាប់​សហព័ន្ធ​កីឡា​ប្រដាល់សកល​កម្ពុជា​ដែល​នាំ​ឱ្យ​សហព័ន្ធ​មាន​ធនធាន​មន្ដ្រី​បច្ចេកទេស​គ្រប់គ្រាន់ ដើម្បី​ចូលរួម​រៀបចំ និង​កាត់សេចក្ដី​ក្នុង​ការ​ប្រកួត​កីឡា​ប្រចាំ​តំបន់​នេះ ៕

អត្ថបទសរសេរ ដោយ

កែសម្រួលដោយ