លិចនាវានៅកូរ៉េខាងត្បូងបា.ត់ខ្លួនអ្នកនេសាទ៩នាក់
ប្រទេសកូរ៉េខាងត្បូង ៖ យោងតាមYONHAPថា ពួកអ្នកជួយសង្គ្រោះនៃកងឆ្មាំឆ្នេរសមុទ្រកូរ៉េខាង
ប្រទេសកូរ៉េខាងត្បូង ៖ យោងតាមYONHAPថា ពួកអ្នកជួយសង្គ្រោះនៃកងឆ្មាំឆ្នេរសមុទ្រកូរ៉េខាងត្បូង នាថ្ងៃទី៥ កុម្ភៈ ឆ្នាំ២០២៣ តាមរុករកមនុស្ស៩នាក់ ដែលបា.ត់ខ្លួន ក្រោយការលិចនាវាពួកគេ នៅក្នុងដែនទឹកឆ្នេរសមុទ្រភាគនិរតីកូរ៉េខាងត្បូង។
គេរាយការណ៍នាវេលាម៉ាង២៣និង១៩នាទីម៉ោងក្នុងស្រុកថា នាវាចំណុះ២៤តោននោះបានលិច ត្រង់កន្លែងមួយចម្ងាយ១៦,៦គីឡូម៉ែត្រខាងលិចកោះDAEBICHI ជាកោះគ្មានមនុស្សរស់នៅ ស្ថិតនៅចម្ងាយប្រមាណជា២០គីឡូម៉ែត្រពីទីក្រុងស៊ីណានភាគនិរតីប្រទេស។ សមាជិកក្រុមនាវិក៣នាក់ត្រូវបានជួយសង្គ្រោះ ដោយនាវា១គ្រឿងដែលស្ថិតនៅក្បែរ តែមនុស្ស៩នាក់ទៀតនៅបា.ត់ខ្លួន។ តាមអាជ្ញាធរថា វាមានលទ្ធភាពដែលពួកគេអាចជាប់ខាងក្នុងនាវា។
ប្រធានាធិបតីកូរ៉េខាងត្បូង លោកYOON SUK SEOLអំពាវនាវឲ្យបង្កើនការខិតខំប្រឹងប្រែងតាមរកនិងជួយសង្គ្រោះបណ្ដាមនុស្សដែលបាត់ខ្លួន។ លោកក៏គូសបញ្ជាក់ដែរពីភាពចាំបាច់ជួយទ្រទ្រង់ដល់គ្រួសារពួកអ្នកបាត់ខ្លួន៕
ចែករំលែកព័តមាននេះ