ប្រជាពលរដ្ឋជាកសិករដែលរស់នៅភូមិគយត្របែក សង្កាត់គយត្របែក បានស្នើសុំឲ្យអាជ្ញាធរសង្កាត់ ក្រុង ខេត្តស្វាយរៀង ក៏ដូចជា មន្ទីរធនធានទឹក និងឧតុនិយម រដ្ឋបាលខេត្តស្វាយរៀង មេត្តា ជួយស្តារប្រឡាយ១ខ្សែ ដែលត.ភ្ជាប់ពីទន្លេវ៉ៃគោក្រោម ប្រវែងជាង
ខេត្តស្វាយរៀង ៖ ប្រជាពលរដ្ឋជាកសិករដែលរស់នៅភូមិគយត្របែក សង្កាត់គយត្របែក បានស្នើសុំឲ្យអាជ្ញាធរសង្កាត់ ក្រុង ខេត្តស្វាយរៀង ក៏ដូចជា មន្ទីរធនធានទឹក និងឧតុនិយម រដ្ឋបាលខេត្តស្វាយរៀង មេត្តា ជួយស្តារប្រឡាយ១ខ្សែ ដែលត.ភ្ជាប់ពីទន្លេវ៉ៃគោក្រោម ប្រវែងជាង១គីឡូម៉ែត្រ ដើម្បីទាញទឹកធ្វើស្រែប្រាំង និងដាំដំណាំបន្លែសុវត្ថិភាព សម្រាប់លក់ផ្គត់ផ្គង់នៅលើទីផ្សារក្នុងខេត្តស្វាយរៀង និងនាំចេញទៅក្រៅខេត្ត-រាជធានីភ្នំពេញ។
បើតាមប្រជាពលរដ្ឋបានប្រាប់កោះសន្តិភាព នាព្រឹកថ្ងៃទី៥ ខែកុម្ភៈ ឆ្នាំ២០២៣នេះថា ប្រជាកសិករនៅសង្កាត់គយត្របែក ក្រុងស្វាយរៀងជាច្រើនគ្រួសារ ដែលប្រកបមុខរបរកសិកម្ម ធ្វើស្រែប្រាំង និងដាំបន្លែ ដើម្បីផ្គត់ផ្គង់ជីវភាពក្នុងគ្រួសារ និងលក់នៅលើទីផ្សារក្នុងខេត្ត ព្រមទាំងលក់ចេញទៅផ្សារនៅរាជធានីភ្នំពេញ។
ប្រជាពលរដ្ឋបានបន្តថា ពួកគាត់ចង់អភិវឌ្ឍន៍វិស័យកសិកម្មសារីរាង្គ បន្លែសុវត្ថិភាព ក៏បន្តែខ្វះទឹក នៅសង្កាត់គយត្របែក គឺធ្វើស្រែនៅរដូវប្រាំង ចំនួន២ដង គឺចាប់ពីខែវិច្ឆិកា ធ្វើស្រែប្រដេញទឹក និងធ្វើនៅខែកុម្ភៈ ដោយខែវស្សាលេចទឹក។ ហើយមានអ្នកធ្វើស្រែប្រាំង និងដាំបន្លែជាច្រើនគ្រួសារ ខែប្រាំងគោកទឹក។ ចំណែកអ្នកដាំបន្លែ គឺដាំទាំងរដូវប្រាំងនិ ងរដូវវស្សា ហើយប្រសិនបើប្រឡាយមានទឹក ប្រជាកសិករពិតជាមានជីវភាពល្អប្រសើរ ដោយស្រែប្រាំធ្វើបាន២ដង ចំណែកការដាំបន្លែ ដាំខួបប្រាំងខួបវស្សា ហើយបន្លែសុវត្ថិភាពមានដូចជា ត្រកួន ត្រកៀត កញ្ឆែត កណ្តៀង ភ្លៅកង្កែប ស្ពៃ សាឡាត់ ផ្ទី និងត្រប់ ។ល។
ប្រជាពលរដ្ឋបានឲ្យដឹងទៀតថា តាមពិតប្រភពទឹកមាន ទន្លេវ៉ៃគោ ក៏ប៉ុន្តែពិបាកក្នុងការទាញយកទឹកមកប្រើប្រាស់នារដូវប្រាំង ប្រឡាយរាក់គោកទឹក ដូច្នេះត្រូវដាក់ម៉ាស៊ីនបូមទឹកពីទន្លេវ៉ៃគោ រួចត.ទម្លាក់ដាក់ក្នុងប្រឡាយ ហើយបូមពីប្រឡាយដាក់ក្នុងស្រែ និងដំណាំទៀត គឺត្រូវចំណាយលើប្រេងសាំងច្រើន ហើយមានការយឺតយ៉ាវបង្កឲ្យដំណាំខ្វះទឹកខូច។ ទើបស្នើសុំឲ្យអាជ្ញាធរ ស្តារប្រឡាយឲ្យបានជ្រៅស្មើបាទទន្លេវ៉ៃគោ ដើម្បីងាយស្រួលទាញយកទឹក បូមដាក់ដំណាំ។ ហើយបើមានទឹកនៅក្នុងប្រឡាយគ្រប់គ្រាន់ ប្រជាកសិករ អ្នកដាំដំណាំសុវត្ថិភាព អាចធានា បន្លែផ្គត់ផ្គង់លើទីផ្សារក្នុងខេត្ត និងនាំចេញទៅលក់នៅលើទីផ្សារនៅរាជធានីភ្នំពេញ ដោយទប់ស្កាត់ការនាំបន្លែពីប្រទេសវៀតណាមទៀតផង។
ទាក់ទិនករណីនេះដែរ លោកចៅសង្កាត់គយត្របែក បានប្រាប់កោះសន្តិភាពឱ្យដឹងថា ប្រជាពលរដ្ឋបានមកដាក់សំណើរសុំស្តារប្រឡាយ១ខ្សែ ប្រវែងជាង១គីឡូម៉ែត្រ នៅសាលាសង្កាត់គយត្របែក រយៈពេលកន្លះខែមកហើយ ក្រុមប្រឹក្សាសង្កាត់ក៏បានលើកគម្រោងដាក់សំណើរទៅលោកអភិបាលក្រុងស្វាយរៀង ដើម្បីស្តារប្រឡាយជូនប្រជាពលរដ្ឋរួចហើយ គឺរង់ចាំការឆ្លើយតបពីថ្នាក់លើតែប៉ុណ្ណោះ ដូច្នេះសូមប្រជាពលរដ្ឋមេត្តាយោគយល់៕
ចែករំលែកព័តមាននេះ