លោកឧត្តមសេនីយ៍ឯក ហ៊ុន ម៉ាណែត ផ្តល់សម្ភារសិក្សាដល់កុមារកំព្រានិងពិការនៅ«វិទ្យាល័យអប់រំពិសេសភ្នំពេញថ្មី»
- ភ្នំពេញ
រាជធានីភ្នំពេញ៖សម្ភារះសិក្សានិងប្រើប្រាស់ព្រមទាំងថវិការមួយចំនួន ដែលជាអំណោយរបស់ឯក
រាជធានីភ្នំពេញ៖សម្ភារះសិក្សានិងប្រើប្រាស់ព្រមទាំងថវិការមួយចំនួន ដែលជាអំណោយរបស់ឯក
រាជធានីភ្នំពេញ ៖ សម្ភារសិក្សា និងប្រើប្រាស់ ព្រមទាំងថវិការមួយចំនួន ដែលជាអំណោយរបស់ឯកឧត្តមបណ្ឌិតហ៊ុន ម៉ាណែត និងលោកជំទាវ ពេជ ចន្ទមុន្នី ត្រូវបានសមាគមយុវជនក្រុម៨ដែលមានលោកបណ្ឌិត ម៉ឹង មករា ជាប្រធាន និងលោកស្រី បាននាំយកទៅប្រគល់ជូនដល់លោកគ្រូ អ្នកគ្រូនិងសិក្សានុសិស្ស ដែលជាកុមារកំព្រានិងពិការនៅវិទ្យាល័យអប់រំពិសេសភ្នំពេញថ្មី ដែលមានទីតាំងនៅ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។
ការចុះសាកសួរសុខទុក្ខនិងឧបត្ថម្ភដល់កុមារកំព្រានិងពិការនៅវិទ្យាល័យនេះបានធ្វើឡើងកាលពីព្រឹកថ្ងៃទី៤ ខែកុម្ភៈ ឆ្នាំ២០២៣ ដោយមានការអញ្ជើញចូលរួមពីលោកម៉េង ស្រ៊ុន អនុប្រធានសមាគមយុវជនក្រុម៨ និងជាប្រធានសមាគមយុវជនក្រុម៨ សាខារាជធានីភ្នំពេញផងដែរ។
វិទ្យាល័យអប់រំពិសេសភ្នំពេញថ្មី មានអ្នកគ្រូលោកគ្រូ ៤២នាក់ និងសិស្សានុសិស្សដែលជាកុមារកំព្រានិងពិការ ២១១នាក់ ដែលកំពុងស្នាក់នៅនិងសិក្សារៀនសូត្រ។
ការជួយឧបត្ថម្ភដល់វិទ្យាល័យ លោកគ្រូអ្នកគ្រូ និងក្មួយៗសិស្សានុសិស្សនាពេលនេះ គឺជាការបង្ហាញនូវការយកចិត្តទុកដាក់ និងចូលរួមចំណែករបស់ថ្នាក់ដឹកនាំ រាជរដ្ឋាភិបាលកម្ពុជា ក្នុងការលើកកម្ពស់ជនមានពិការភាព ជាពិសេសកុមារមានពិការភាព ដើម្បីទទួលបាននូវសិទ្ធក្នុងការរស់រានមានជីវិត មានឱកាសទទួលបានការសិក្សាអប់រំ និងអាចមានលទ្ធភាពចូលរួមចំណែកក្នុងការអភិវឌ្ឍប្រទេសជាតិ។
លោកបណ្ឌិតម៉ឹង មករា ក៏បានណែនាំឱ្យក្មួយសិស្សានុសិស្សប្រឹងប្រែងក្នុងការសិក្សា ដើម្បីក្លាយខ្លួនជាធនធានមនុស្សដ៏ល្អក្នុងសង្គម និងអាចមានលទ្ធភាពចូលរួមចំណែកជាមួយរាជរដ្ឋាភិបាល ក្នុងការលើកកម្ពស់ក្រុមជនមានពិការភាពឱ្យកាន់តែមានសក្ដានុពល និងឱកាសចូលរួមកសាង និងអភិវឌ្ឍប្រទេសជាតិឲ្យកាន់តែប្រសើរឡើង។
លោកបណ្ឌិត ម៉ឹង មករា បានថ្លែងថា៖ «អ្វីៗអាចសម្រេចទៅបាន គឺមកពីកត្តាមនុស្សជាចម្បង មនុស្សជាអ្នកគិត មនុស្សជាអ្នកធ្វើ បើយើងមានធនធានមនុស្ស ប្រទេសជាតិយើងនឹងមានការអភិវឌ្ឍន៍រីកចម្រើន»។
វិទ្យាល័យអប់រំពិសេសភ្នំពេញថ្មី បង្កើតឡើងនៅក្នុងឆ្នាំ១៩៩១ មុនដំបូងមានឈ្មោះជា«អង្គការគ្រួសារថ្មី» ក្នុងគោលបំណងចិញ្ចឹមបីបាច់ថែរក្សាកុមារកំព្រា និងកុមារដែលត្រូវគេបោះបង់ចោលនៅជុំរំភៀសខ្លួនសាយធូ ដើម្បីធ្វើមាតុភូមិនិវត្តន៍មកកម្ពុជាវិញ។
ក្រោយមក អង្គការគ្រួសារថ្មី ក៏ត្រូវបានអភិវឌ្ឍន៍ជាបន្តបន្ទាប់ក្លាយជា សាលាសម្រាប់ថែរក្សានិងបណ្ដុះបណ្ដាលកុមារកំព្រា ដែលមានពីការភាព រហូតដល់ថ្ងៃទី២ ខែកក្កដា ឆ្នាំ២០១៩ សាលាក៏បានប្តូរឈ្មោះមកជា «វិទ្យាល័យអប់រំពិសេសភ្នំពេញថ្មី» វិញ នៅក្រោមការគ្រប់គ្រងរបស់ក្រសួងអប់រំ យុវជន និងកីឡា។
លោកបណ្ឌិតម៉ឹង មករា ក៏បានបញ្ជាក់ថា សមាគមយុវជនក្រុម៨កន្លងមកបានរួមចំណែកយ៉ាងសកម្ម ក្នុងការជួយដល់កិច្ចការមនុស្សធម៌ មានដូចជា៖ វិស័យសុខាភិបាល វិស័យអប់រំ វិស័យកសិកម្ម និងការកសាងហេដ្ឋារចនាសម្ព័ន្ធរួមមាន ការកសាងផ្លូវថ្នល់ សាលារៀន មន្ទីរពេទ្យ វត្តអារាម ទំនប់ទឹក ប្រឡាយទឹក ស្រះទឹក ការដាំកូនឈើលម្អអមសងខាងផ្លូវ ព្រមទាំងហេដ្ឋារចនាសម្ព័ន្ធផ្សេងៗទៀត ដើម្បីរួមចំណែកជាមួយរាជរដ្ឋាភិបាលក្នុងការកាត់បន្ថយភាពក្រីក្ររបស់ប្រជាពលរដ្ឋនៅតាមជនបទ៕
ចែករំលែកព័តមាននេះ