ខេត្តកំពង់ស្ពឺ ៖ ការដេញថ្លៃលើគំរោងមូលនិធិឃុំសុទ្ធសឹងតែប្រព្រឹត្តទៅដោយរលូន ព្រមទាំងមានមន្ត្រីជំនាញមេឃុំ និងក្រុមហ៊ុនប្រកួតប្រជែង ចូលរួមដេញថ្លៃធ្វើផ្លូវប្រកបដោយតម្លាភាព និងស្មើភាពគ្នាគ្មានការសូកប៉ាន់អ្វីឡើយ។ ជាក់ស្តែងកាលពីថ្ងៃទី៣០ ខែមិថុនា ឆ្នាំ២០២១ នៅសាលាឃុំស្រង់ មានការប្រារព្ធពិធីដេញថ្លៃសាងសង់ផ្លូវក្នុងឃុំស្រង់ និងឃុំទឹកល្អក់ ស្រុកគងពិសី ខេត្តកំពង់ស្ពឺ ដែលការដេញថ្លៃនេះ ត្រូវបានដឹងថា គឺធ្វើតាមផែនការ។
![](https://kohsantepheapdaily.com.kh/wp-content/uploads/2023/02/eda80a3d5b344bc40f3bc04f65b7a357.jpg)
ប្រភពពីមន្ត្រីសាលាខេត្ត បានបង្ហើបថាការដេញថ្លៃនេះ គឺមានក្រុមហ៊ុនជាច្រើនចូលរួមដេញថ្លៃក្នុងគំរោងសាងសង់ផ្លូវឃុំ គឺការដេញថ្លៃគំរោងមូលនិធិឃុំស្រង់ និងឃុំទឹកល្អក់ កាលពីថ្ងៃទី៣០ ខែមិថុនា ឆ្នាំ២០២១ បានប្រព្រឹត្តទៅតាមកម្មវិធីដែលបានចុះផ្សាយតាមវេបសាយ NCDD រយៈពេល១៥ថ្ងៃមុនកាលបរិច្ឆេទប្រជុំបើកសំណើរដេញថ្លៃ។ លើសពីនេះទៅទៀត ការប្រជុំបើកសំណើរដេញថ្លៃដំណើរការទៅដោយរលូនតាមកម្មវិធី និងមានអ្នកទទួលការ គណៈកម្មការលទ្ធកម្មទាំងពីរឃុំ មន្ត្រីគាំទ្រខេត្ត ស្រុក បានចូលរួមក្នុងកិច្ចប្រជុំតាមការអញ្ជើញរបស់ប្រធានគណៈកម្មការលទ្ធកម្មទាំងពីរឃុំ។
![](https://kohsantepheapdaily.com.kh/wp-content/uploads/2023/02/8f121ce07d74717e0b1f21d122e04521.jpg)
មន្ត្រីជំនាញ ព្រមទាំងអាជ្ញាធរឃុំ ស្រុក ដែលចូលរួម ក្នុងនោះលទ្ធផលដេញថ្លៃរបស់អ្នកទទួលការ គណៈកម្មការលទ្ធកម្មឃុំទាំងពីរ បានពិនិត្យលើតម្លៃ លើលទ្ធផលគម្រោងយ៉ាងម៉ត់ចត់ រួចបានប្រជុំពិភាក្សាគ្នាទទួលយកលទ្ធផលនេះដោយមិនមានការរៀបចំនិងបង្ខិតបង្ខំឡើយ។
សូមរំលឹកថា ការដេញថ្លៃធ្វើផ្លូវទំហំទទឹង៥ម៉ែត្រ និងបណ្តោយ៤០០ម៉ែត្ររបស់ឃុំស្រង់បានទៅលើក្រុមហ៊ុនម៉មសម្បត្តិ ចំណែកផ្លូវក្នុងឃុំទឹកល្អក់ បានទៅលើក្រុមហ៊ុនសំរឹតស៊ីថង ក្នុងគំរោងនីមួយៗ ។
![](https://kohsantepheapdaily.com.kh/wp-content/uploads/2023/02/06138bc5af6023646ede0e1f7c1eac75.jpg)
មន្ត្រីជំនាញបានបញ្ជាក់ប្រាប់ផងដែរថា ការដេញថ្លៃតម្រូវអោយអ្នកទទួលការដាក់ស្រោមសំបុត្រអោយបានត្រឹមត្រូវមុននឹងដាក់ចូលប្រអប់ដេញថ្លៃ មិនដូចអ្វីដែលជាការលើកឡើងដោយគ្មានមូលដ្ឋាននោះទេ៕
![](https://kohsantepheapdaily.com.kh/wp-content/uploads/2023/02/06138bc5af6023646ede0e1f7c1eac75-1.jpg)
![](https://kohsantepheapdaily.com.kh/wp-content/uploads/2023/02/39059724f73a9969845dfe4146c5660e.jpg)
![](https://kohsantepheapdaily.com.kh/wp-content/uploads/2023/02/7f100b7b36092fb9b06dfb4fac360931.jpg)
![](https://kohsantepheapdaily.com.kh/wp-content/uploads/2023/02/7a614fd06c325499f1680b9896beedeb.jpg)
ចែករំលែកព័តមាននេះ