រាជធានីភ្នំពេញ៖ ការបញ្ឈប់កំណើតដោយចងដៃស្បូន គឺជាមធ្យោបាយបញ្ឈប់កំណើតអចិន្ដ្រៃយ៍ចំពោះស្ដ្រីដែលលែងចង់បានកូនតទៅទៀត ឬចំពោះស្ដ្រីដែលមានជម្ងឺមួយចំនួន ហើយមិនអាចមានកូនតទៅទៀតមួយជីវិតបាន។ តាមពិត
រាជធានីភ្នំពេញ៖ ការបញ្ឈប់កំណើតដោយចងដៃស្បូន គឺជាមធ្យោបាយបញ្ឈប់កំណើតអចិន្ដ្រៃយ៍ចំពោះស្ដ្រីដែលលែងចង់បានកូនតទៅទៀត ឬចំពោះស្ដ្រីដែលមានជម្ងឺមួយចំនួន ហើយមិនអាចមានកូនតទៅទៀតមួយជីវិតបាន។ តាមពិតការបញ្ឈប់កំណើតដោយចងដៃ ស្បូនមិនមែនជាការប្រព្រឹត្ដទៅដោយចងនៅត្រង់ដៃស្បូនតែម្ដងនោះទេ គឺជាការចងបំពង់ស្ពានសម្រាប់តភ្ជាប់ឱ្យមានកូន។ ការចងដៃស្បូន ជាវិធីសាស្ដ្រមួយដែលមានប្រសិទ្ធភាព និងសុវត្ថិភាពបំផុត ព្រោះជាការវះកាត់មួយដ៏តូច និងសាមញ្ញសម្រាប់អ្នកដែលលេងចង់បានកូនទៀត។
ដោយឡែកស្ត្រីម្នាក់អាយុ៣៣ឆ្នាំ ដែលសុំមិនបញ្ចេញឈ្មោះរស់នៅសង្កាត់ស្ទឹងមានជ័យ ក្រុងភ្នំពេញ បែរជាជួបរឿងស្មានមិនដល់នេះ ខណៈពេលដែលការចងដៃស្បូន ហើយមានរយៈពេលជាង២ឆ្នាំមកហើយ។ អ្នកស្រីប្រាប់ថា សុខៗស្រាប់តែមានផ្ទៃពោះ ៦ខែដោយមិនដឹងខ្លួន។
ស្ត្រីរូបនេះបានរាប់ឲ្យដឹងថា បច្ចុប្បន្ននេះនាងមានកូន៣នាក់រួចទៅហើយ និងបានធ្វើការចងដៃស្បូនកាលពីឆ្នាំ២០១៥ ខណៈពេលដែលនាងឆ្លងទន្លេដោយការវះកាត់កូនទីបីក្នុងមន្ទីពេទ្យឯកជនមួយ (សុំមិនបញ្ចេញឈ្មោះ)។ ស្ត្រីរូបនេះបានបន្តថា នាងបានចងដៃស្បូនរយៈពេលជាង២ឆ្នាំមកហើយ ស្រាប់តែថ្មីៗនេះ នាងចេះតែមានអារម្មណ៍ចម្លែកៗ ដូចជាវិលមុខ ឡើងរមាស់ និងហត់ ពិសេសក្បាលពោះរបស់នាងចេះតែធំឡើងៗ នាងគិតថា ប្រហែលជានាងធាត់ ហើយពោះរបស់នាងតែកំរើក តែនាងនៅតែមិនចាប់អារម្មណ៍នឹកគិតថា ប្រហែលជានាងមានបញ្ហាស្បូនអណ្តែត ប៉ុន្តែអ្វីដែលចម្លែកជាងនេះនោះ គឺរដូវរបស់នាងបានបាត់រយៈពេលដល់៦ខែ តែនាងតែងគិតថា នាងមិនអាចមានកូនទេ ព្រោះនាងបានចងដៃស្បូនហើយ ប្រហែលជាមានបញ្ហាស្បូនអណ្តែតដូចចាស់ៗនិយាយតៗគ្នា។
ដោយសារពោះកាន់តែធំ និងកំរើកកាន់តែខ្លាំង នាងមិនអស់ចិត្ត ក៏បានទិញប្រដាប់ពិនិត្យទឹកនោម ពេលនោះស្រាប់តែមានសញ្ញាវិជ្ជមានបញ្ជាក់ថា មានផ្ទៃពោះដែលធ្វើឲ្យនាងមានការស្លន់ស្លោរ ភ័យញ័រខ្លួនរហូតទប់ខ្លួនមិននឹង ក៏រអិលជើងក្នុងបន្ទប់ទឹក ដួលអុកគូទ និងមានធ្លាប់ឈាម។ ខណៈពេលនោះប្អូនស្រីរបស់នាងក៏បានយកនាងទៅមន្ទីរពេទ្យឯកជន ហើយពេទ្យប្រាប់ថា នាងមានកូនជាង៦ខែមកហើយ ប៉ុន្តែជាអកុសលកូនរបស់នាងត្រូវបានស្លាប់ដោយសារតែការដួលអុកគូទនៅក្នុងបន្ទប់ទឹក ។ ពេលនេះនាងកំពុងសម្រាកព្យាបាលនៅក្នុងមន្ទីរពទ្យឯកជនមួយក្នុងក្រុងភ្នំពេញនេះ។
ក្នុងទឹកមុខស្រងូតស្រងាត់ ដោយសារការខឹងសម្បាពីគ្រួពេទ្យដែលចងដៃស្បូនមិនត្រឹមត្រូវ និងការបាត់បង់កូនផងនោះ នាងសំណូរពរថា៖ «សុំក្រុមគ្រូពេទ្យមួយចំនួនតូច ដែលធ្លាប់ធ្វេសប្រហែសកន្លងមក ឲ្យមានការប្រុងប្រយ័ត្ននឹងយល់ចិត្តទុកដាក់ចំពោះអ្នកជំងឺផង ជាពិសេសទាក់ទងទៅនឹងការចងដៃស្បូននេះ»។
ចំពោះបញ្ហានេះវេជ្ជបណ្ឌិឯកទេសពីររូបសុំមិនបញ្ជេញឈ្មោះ និងបានបញ្ជាក់ដូចគ្នាថា មូលដែលស្ត្រីរូបនេះចងដៃស្បូន ហើយបែរជាមានកូន គឺអាចបណ្តាលមកពីរបីកត្តាដូចជា៖ (១) មិនបានចងស្បូន, (២) ចង់ហើយរបូតវិញ (គ្មានជំនាញ) nនិង (៣) ចង់ខុសកន្លែង។
ដើម្បកុំអោយជួបនិងវិបត្តិដូចស្ត្រីខាងលើនេះ សូមស្ដ្រីទាំងឡាយនៅពេលធ្វើការសម្រចចិត្ដចងដៃស្បូន គួរតែស្វែងរកសេវាដែលមានជំនាញ។ ប្រសិនបើមិនដូច្នោះទេ អ្នកនឹងជួបនូវផលវិបាកដូចខាងក្រោមនេះ ៖ • អាចហូរឈាមដោយសារចងមិនជាប់។ • ការចងមិនត្រឹមត្រូវ ឬខុសកន្លែងធ្វើឱ្យប៉ះពាល់ដល់សរីរាង្គផ្សេងទៀត។ • ការបញ្ឈប់កំណើតមិនអាចដំណើរការ បានដោយសារការចងច្រឡំ ជាហេតុធ្វើឱ្យស្ដ្រីអាចនឹងមានកូនសារជាថ្មីឡើងវិញ៕
ចែករំលែកព័តមាននេះ