ឆេះភោជនីយដ្ឋានមួយកន្លែង ក្រោយសណ្ឋាគារឡឺប្រេស៊ីដង់ ស្លា.ប់បុគ្គលិកម្នាក់ របួសធ្ងន់២នាក់
- ភ្នំពេញ
រាជធានីភ្នំពេញ ៖ ភោជនីយដ្ឋានយីហោ«កន្លែងថ្មី» ស្ថិតនៅក្រោយសណ្ឋាគារ ឡឺប្រេស៊ីដង់ ត្រូវបាន
រាជធានីភ្នំពេញ ៖ ភោជនីយដ្ឋានយីហោ«កន្លែងថ្មី» ស្ថិតនៅក្រោយសណ្ឋាគារ ឡឺប្រេស៊ីដង់ ត្រូវបាន
រាជធានីភ្នំពេញ ៖ ភោជនីយដ្ឋានយីហោ«កន្លែងថ្មី» ស្ថិតនៅក្រោយសណ្ឋាគារ ឡឺប្រេស៊ីដង់ ត្រូវបានអគ្គីភ័យឆាបឆេះយ៉ាងសន្ធោសន្ធៅ បណ្តាលអោយបុរសជាបុគ្គលិកម្នាក់ស្លា.ប់នៅនឹងកន្លែង និងរងរបួសធ្ងន់ធ្ងរ២នាក់ (បុរសម្នាក់និងស្ត្រីម្នាក់) ត្រូវបានបញ្ជូនទៅសង្គ្រោះបន្ទាន់ ។
ហេតុការណ៍គ្រោះអគ្គីភ័យខាងលើនេះបានបង្កការភ្ញាក់ផ្អើលកើតឡើងកាលពីវេលាម៉ោងប្រមាណ ១០និង៣០នាទីព្រឹក ថ្ងៃទី ៣១ ខែ មករា ឆ្នាំ២០២៣ នៅចំណុចផ្ទះលេខ៨៨ និងផ្ទះលេខ៩០ ដែលជាផ្ទះបើកភោជនីយដ្ឋានយីហោ «កន្លែងថ្មី» តាមបណ្តោយ ផ្លូវលេខ១៣៨ ក្រុមទី៣ ភូមិទី២ សង្កាត់ផ្សារដេប៉ូទី២ ខណ្ឌទួលគោក រាជធានីភ្នំពេញ។
ម្ចាស់ភោជនីយដ្ឋានកើតហេតុខាងលើឈ្មោះ ហុក ទ្រី ភេទប្រុស អាយុ៣១ឆ្នាំ មានទីលំនៅផ្ទះលេខ45F បូរីលឹមឈាងហាក់ សង្កាត់វាលស្បូវ ខណ្ឌច្បារអំពៅ រាជធានីភ្នំពេញ។ ចំណែកជនរងគ្រោះដោយសារតែអគ្គីភ័យនេះ ភ្លាមៗពុំទាន់ស្គាល់អត្តសញ្ញាណនៅឡើយ។
តាមសាក្សីបានអោយដឹងថា នៅមុនពេលកើតហេតុ គេឃើញភ្លើងបានឆាបឆេះចេញពីផ្ទះល្វែងលេខ៨៨ បើកហាងខាងក្រោម និងបុគ្គលិកស្នាក់នៅយ៉ាងសន្ធោសន្ធៅ ហើយឆេះរាលដាល់យ៉ាងរហ័សទៅផ្ទះលេខ៩០ ។ នៅក្នុងហេតុការណ៍ខាងលើនោះ បណ្តាលអោយមនុស្សចំនួន៣នាក់ ក្នុងចំណោម៤នាក់ ដែលនៅក្នុងផ្ទះល្វែងបានជាប់នៅខាងក្នុង។ភ្លាមៗអាជ្ញាធរ និងសមត្ថកិច្ច បានចេញរថយន្តពន្លត់អគ្គីភ័យ ជាច្រើនគ្រឿង ទៅអន្តរាគមន៍បាញ់ពន្លត់។
តាមប្រភពព័ត៌មានបានអោយដឹងថា បុរសម្នាក់ត្រូវភ្លើងឆេះស្លា.ប់នៅក្នុងភោជនីយដ្ឋាន ពេលរត់ចូលទៅក្នុងបន្ទប់ទឹក ហើយស្ត្រីម្នាក់ជាប់នៅជាន់លើ ត្រូវបានសមត្ថកិច្ចជួយសង្គ្រោះ ដោយរងរបួសធ្ងន់សន្លប់ស្តូកស្តឹង និងបុរសម្នាក់ទៀត បានរត់ចេញទាំងរងរបួសធ្ងន់ ។ លុះក្រោយមកត្រូវបាននគរបាលហៅរថយន្តបញ្ជូនទៅសង្គ្រោះ។
ទាក់ទិននឹងការកើតមានអគ្គីភ័យខាងលើនេះ តាមនគរបាលមូលដ្ឋានបានអោយដឹងថា បណ្តាលមកពីឆ្លងចរន្តអគ្គីសនី ។
បើតាមប្រភពព័ត៌មានខ្លះអះអាងថា បណ្តាលមកពីជាងផ្សារដែកនៅផ្ទះល្វែង ហើយកំទេចភ្លើងបានធ្លាក់ ហើយក្លាយជាអគ្គីភ័យតែម្តង ។
តាមនគរបាលបានអោយដឹងថា អគ្គីភ័យនេះបណ្តាលអោយបុរសម្នាក់ស្លា.ប់ និងរងរបួសធ្ងន់ធ្ងរចំនួន២នាក់ (ស្ត្រីម្នាក់និងបុរស) ព្រមទាំងខូចខាត សម្ភារៈក្នុងផ្ទះជាន់ក្រោមរួមមាន តុ ទូ កៅអី និងទូរទស្សន៍ សំរាប់ទទួលភ្ញៀវ ព្រមទាំងសម្ភារៈមួយចំនួនទៀតបានរងការខូតខាតទាំងស្រុង ៕
ចែករំលែកព័តមាននេះ