ADផ្ទាំងផ្សព្វផ្សាយពាណិជ្ជកម្ម

Picture

ប្រយ័ត្នរឿងលូ.កលា.ន់: នារីៗនៅតាមសេវាកម្សាន្តនឹងមានមេធាវីការពារខ្លួន

1 ឆ្នាំ មុន
  • ភ្នំពេញ

រាជធានី​ភ្នំពេញ ៖ នារី​ៗ​ដែល​បម្រើ​ការ​នៅ​តាម​សេវា​កម្សាន្ត​មនុស្ស​ពេញវ័យ​ដូច​ជា បៀ​ហ្គា​ដែន​ម៉ាស្សា ខារ៉ាអូខេ ភោ​ជនី​ដ្ឋា​ន និង​ក្លឹ​បរា​ត្រី​នានា​នឹង​មាន​មេធាវី ពិសេស​សម្រាប់​ពួក​គេ ដូច្នេះ​អស់លោក​ដែល​ចូល​ចិត្ត​កេះកៀវ​គេ​ផ្តាស​ផ្តាស់​នៅ​តាម​កន្លែង​ទាំង​អស់នោះ​ប្រយ័ត្ន​គេ​ប្តឹង​។ បន្ទាប់​ពី​បាន​ប្រកាស​ផ្តល់​មេធាវី​ដល់​នារី​ៗ​ដែល​រង​គ្រោះ​នានា…

រាជធានី​ភ្នំពេញ ៖ នារី​ៗ​ដែល​បម្រើ​ការ​នៅ​តាម​សេវា​កម្សាន្ត​មនុស្ស​ពេញវ័យ​ដូច​ជា បៀ​ហ្គា​ដែន​ម៉ាស្សា ខារ៉ាអូខេ ភោ​ជនី​ដ្ឋា​ន និង​ក្លឹ​បរា​ត្រី​នានា​នឹង​មាន​មេធាវី ពិសេស​សម្រាប់​ពួក​គេ ដូច្នេះ​អស់លោក​ដែល​ចូល​ចិត្ត​កេះកៀវ​គេ​ផ្តាស​ផ្តាស់​នៅ​តាម​កន្លែង​ទាំង​អស់នោះ​ប្រយ័ត្ន​គេ​ប្តឹង​។

រូបតំណាង

បន្ទាប់​ពី​បាន​ប្រកាស​ផ្តល់​មេធាវី​ដល់​នារី​ៗ​ដែល​រង​គ្រោះ​នានា កាលពី​ពេល​កន្លង​មក កាលពី​ថ្ងៃ​ទី​២៩ ខែមករា ឆ្នាំ​២០២៣ បើ​តាម​ការ​លើក​ឡើង​របស់​លោក ខៀវ កា​ញា​រី​ទ្ធ រដ្ឋមន្ត្រីក្រសួង​ព័ត៌មាន​បាន​បង្ហើប​ថា សម្តេច​តេ​ជោ នាយក​រដ្ឋមន្ត្រី ហ៊ុន សែន កាលពី​ដឹកនាំ​មហាសន្និបាត​វិសាមញ្ញ​តំណាង​ទូ​ទាំង​ប្រទេស​របស់​គណបក្ស​ប្រជាជន​កម្ពុជា នៅ​វិមាន ៧​មក​រា បាន​លើក​ឡើង​នូវ​គម្រោង​នេះ​ហើយ​។

សម្តេច​តេ​ជោ បាន​ណែនាំ​ឱ្យ​មានការ​រៀបចំ​មេធាវី ដើម្បី​ការពារ​សិទ្ធិ​នារី​ទាំងឡាយ​ណា​ដែល​កំពុង​តែ​ប្រកប​របរ​ខាង​សេវា​កម្សាន្ត ពោល គឺ​ខារ៉ាអូខេ​ក្លិប​រាត្រី បៀ​ហ្គា​ដេ​ន ម៉ាស្សា និង​អ្នក​រត់​តុ​ជាដើម ក្នុង​ករណី​ពួក​គាត់​ទទួល​រង​ការ​រំ​លោ​.​ភ​បំពាន ឬ​អំពើ​ហិ​.​ង្សា​ណាមួយ​កើត​មាន​ឡើង​។

រូបតំណាង

ក្រៅពី​លើក​ឡើង​នូវ​បញ្ហា​មេធាវី ដើម្បី​ផ្តល់​ជំនួយ​ផ្នែក​ច្បាប់​ដល់​ក្រុម​នារី​នៅ​ក្នុង​សេវា​កម្សាន្ត​មនុស្ស​ពេញវ័យ​ទាំង​អស់នោះ​សម្តេច​ក៏​បាន​លើក​ឡើង​ថា ពួក​គេ​ក៏​នឹង​ទទួល​បាន​បណ្ណ​បេឡា​ជាតិ​សន្តិសុខ​សង្គម​ដែល​គេ​ហៅ​កាត់​ថា (​ប​.​ស​.​ស​)​ផង​ដែរ​។

សម្តេច​នាយក​រដ្ឋមន្ត្រី បាន​លើក​ឡើង​ថា មេធាវី​ស្ម័គ្រចិត្ត​របស់​សម្តេច និង​មេធាវី​របស់ ក្រសួង​កិច្ចការ​នារី​នឹង​ក្លាយជា​អ្នក​ទទួល​ធ្វើ​កិច្ចការ​ដែល​ទាក់ទង​នឹង​ការ​រំ​លោ​.​ភ​បំពាន ឬ​បៀតបៀន​នារី​ទាំង​អស់នោះ​ហើយ​ក៏​ដើម្បី​ជំរុញ​ពង្រឹង និង​លើកកម្ពស់​ការងារ​ក្រុម​សេដ្ឋកិច្ច​ក្រៅ​ប្រព័ន្ធ​ទាំងនេះ​ផង​ដែរ​។

ពាក់ព័ន្ធ​ទៅ​នឹង​បញ្ហា​នេះ​យើងខ្ញុំ​ជឿជាក់​ថា ក្រុម​អង្គការ​សង្គម​ស៊ី​វិល​នឹង​គាំទ្រ​នូវ​ការ​លើក​ឡើង​អំពី​ផែនការ​ក្នុង​ការ​ផ្តល់​មេធាវី ដើម្បី​ការពារ​ក្រុម​នារី​ដែល​កំពុង​តែ​ធ្វើការ​ក្នុង​សេវា​កម្សាន្ត និង​រឿង​ផ្តល់​បណ្ណ ប​.​ស​.​ស នេះ​ពីព្រោះ​កន្លង​មក​ពួក​គេ​ក៏​បាន​ធ្វើ​កិច្ចការ​នេះ​ច្រើន​មក​ហើយ​ដែរ ប៉ុន្តែ​ក្រុម​បុរស​មួយ​ចំនួន​អាច​អល់អែក​ឬ​រារែក​នៅ​ក្នុង​ការ​គាំទ្រ ប៉ុន្តែ​ទោះបីជា​យ៉ាងណា​ក៏​មិន​ហ៊ាន​ចេញ​មុខ​ទេ ដោយសារ​តែ​បារម្ភ និង​បញ្ហា​កិត្តិយស​ផ្ទាល់ខ្លួន ជា​ពិសេស​ក្រុម​បុរស ដែល​ចូល​ចិត្ត​ពិភព​កម្សាន្ត​ពេល​រាត្រី និង​ជីវិត​នៅ​ក្រោម​ស្បៃ​រាត្រី​ភ្លើងពណ៌​។

រូបតំណាង

ក្រុម​បុរស​ប្រភេទ​នេះ​បាន​អះអាង​ដោយ​មិន​ចេញ​មុខ​ថា​វា គឺជា​រឿង​ធម្មតា ពីព្រោះ​ក្រុម​នារី ដែល​កំពុង​តែ​បម្រើ​ការងារ​នៅ​ក្នុង​សេវាកម្ម​កម្សាន្ត​មនុស្ស​ពេញវ័យ​ទាំង​អស់នោះ​ក៏​ជា​ពលរដ្ឋ​ហើយ​ក៏​ជា​កោសិការ​សង្គម​ដូច​គ្នា​។ ដូច្នេះ​កាលណា​ពួក​គេ​មានរឿង​ពួក​គេ​មាន​សិទ្ធិ​ប្តឹង​បាន​ករណី​ដូច​ជា ហិ​.​ង្សា​នៅ​តាម​កន្លែង​ផ្តល់​សេវា​ទាំង​អស់នោះ កា​រស​ម្លុ​.​ត គំ​រា​.​ម​កំ​ហែ​.​ង​ឲ្យ​ពួក​គេ​ធ្វើ​អ្វី​ដែល​ពួក​គេ​មិន​ពេញចិត្ត ប៉ុន្តែ​គ្រាន់តែ​ថា ប្រសិនបើ​អ្វី​ៗ​ក៏​ពួក​គេ​ចេះ​តែ​យក​លេស​ប្តឹង​នោះ អ្នក​ដែល​បាត់បង់​ផលប្រយោជន៍ គឺ​ពួក​គេ​ទៅ​វិញ​ទេ​។
ក្រុម​បុរស​ប្រភេទ​នេះ​បាន​បន្ត​ថា ជា​ទូទៅ​សេវា​កម្សាន្ត គឺ​ដើម្បី​កម្សាន្ត និង សប្បាយ ប៉ុន្តែ​ប្រសិនបើ​ទៅ​កម្សាន្ត​ហើយ​មិន​សប្បាយ ហើយ​ត្រូវ​គេ​ប្តឹង​ថែម​ទៀត​នោះ វា គឺជា​រឿង​មួយ​ផ្សេង​ទៀត​។​ពួក​គេ​ក៏​សង្ឃឹមថា ក្រុម​នារី​ៗ​ទាំងអស់​នឹង​មិន​ចេះ​តែ​យក​ករណី​នេះ ដើម្បី​ជា​លេស​ធ្វើ​ផ្តេសផ្តាស​ផង​ដែរ​។

ទាំងនេះ គឺ​គ្រាន់​ជា​ទស្សនៈ និង​មតិ​មួយ​ចំនួន​ប៉ុណ្ណោះ ប៉ុន្តែ​ទោះបីជា​យ៉ាងណា​ក៏​ដោយ​ការ​ដែល​ពួក​គេ​មាន​ក្រុម​ជំនួយការ​ច្បាប់​សម្រាប់​ពួក​គេ​បែប​នេះ​ក៏​ជា​ប្រការ​មួយ​ជួយ​ពួក​គេ​ផង​ដែរ​។​ពីព្រោះ​អគតិ​ជន​មួយ​ចំនួន​ហាក់​មិន​បាន​ចាត់​ទុក​ពួក​គេ គឺជា​ពលរដ្ឋ​ដូច​ពលរដ្ឋ​ដ៏​ទៃ​នោះ​ទេ​។ នៅ​ក្នុង​ក្រសែភ្នែក​របស់​ក្រុម​អគតិ​ជន​ទាំងនោះ គឺ​មើល​មក​ពួក​គេ​បាន ត្រឹមតែ​ជា​ឧបករណ៍​ដែល​ពួក​គេ​យក​មក​លេងសើច និង​សប្បាយ​គ្មាន​សភាវៈ​ជា​មនុស្ស​ឡើយ​។

មក​ដល់​ពេល​នេះ​មាន​ករណី​រំ​លោ​.​ភ​បំពាន​ពួក​គេ​ជា​ច្រើន ដោយ​អ្នកខ្លះ​ត្រូវ​បាន​គេ​ប្រើប្រាស់​កាំ​ភ្លើ​.​ង ដើម្បី​បង្ខំ​ឲ្យ​ពួក​គេ​ធ្វើ​រឿង​ដែល​ពួក​គេ​មិន​ព្រមព្រៀង ខ្លះ​ទៀត​វា​.​យ​ដំ​ពួក​គេ​ឲ្យ​របួស ហើយ​ខ្លះ​ទៀត​ជេ​ត្មេះ​តិ​ដៀល​សព្វសារពើរ ប៉ុន្តែ​ចុង​ក្រោយ គឺ​បាន​ត្រឹមតែ​សម្រុះសម្រួល​ក្រៅ​ប្រព័ន្ធ ហើយ​លើក​ក្រោយ​ជនល្មើស​នៅ​តែ​ប្រ​ពឹត្ត​ដដែល​។

ម្យ៉ាងវិញទៀត ប្រសិនបើ​ពួក​គេ​ទទួល​បាន​ប័ណ្ណ​ប​.​ស​.​ស ពួក​គេ​នឹង​អាច​មានការ​ចុះ​ឈ្មោះ​ត្រឹមត្រូវ ដែល​ងាយស្រួល​នៅ​ក្នុង​ការ​គ្រប់គ្រង និង​ងាយស្រួល​នៅ​ក្នុង​ការ​ធ្វើ​អន្តរាគមន៍​ជួយ​ពួក​គេ ជា​ពិសេស គឺ​ផ្នែក​បញ្ហា​សុខភាព ដោយសារ​តែ​ពួក​គេ គឺជា​ក្រុម​ដែល​ងាយ​ឆ្លង​ជម្ងឺ​សង្គម ហើយ​សុខភាព​ក៏​ទ្រុឌទ្រោម​ដែរ ដោយសារ​តែ​ត្រូវធ្វើ​ការ​យប់​ខុសពេល​វេលា​សម្រាក ខណៈ​ដែល​ពេល​នេះ​កម្ពុជា​នៅ​មិន​ទាន់​ដឹង​ថា មាន​ក្រុម​នារី​ដែល​ស្ថិត​នៅ​ក្នុង​សេវាកម្ម​កម្សាន្ត​មនុស្ស​ពេញវ័យ​ឲ្យ​ប្រាកដ​ឡើយ​។

រូបតំណាង

សរុបសេចក្តី​ទៅ​សម្រាប់​អស់លោក​ដែល​មិន​មាន​សតិ​នៅ​ក្នុង​ការ​គ្រប់គ្រង​អារម្មណ៍​ខ្លួនឯង​ហើយ​ធ្វើ​ផ្តេសផ្តាស​លើ​ក្រុម​នារី​នៅ​ក្នុង​សេវាកម្ម​កម្សាន្ត​ដោយ​មិន​មានការ​យល់ព្រម​ពី​ក្រុម​នារី​ទាំង​អស់នោះ សូម​ប្រយ័ត្ន​ខ្លួន ហើយ​ក៏​សង្ឃឹម​ផង​ដែរ​ថា បងប្អូន​ក្រុម​នារី​ទាំង​អស់នោះ​ក៏​នឹង​ប្រើប្រាស់​សិទ្ធិ និង​ជំនួយការ​ផ្នែក​ច្បាប់​នេះ​ឲ្យ​បាន​ត្រឹមត្រូវ ដើម្បី​ការពារ​ផលប្រយោជន៍​របស់​ខ្លួន​យើង​ផង និង សិទ្ធិ​របស់​យើង​ផង​៕​ដោយៈ ហេង ចេស្តារ

អត្ថបទសរសេរ ដោយ

កែសម្រួលដោយ