ADផ្ទាំងផ្សព្វផ្សាយពាណិជ្ជកម្ម

Picture

សម្តេច ស ខេង ប្រកាសឲ្យពលរដ្ឋរាយការណ៍ករណីអនុវត្តច្បាប់មិនប្រក្រតីរបស់សមត្ថកិច្ច

1 ឆ្នាំ មុន
  • ភ្នំពេញ

រាជធានី​ភ្នំពេញ ៖ ដើម្បី​លើកកម្ពស់​ការ​អនុវត្ត​ច្បាប់​នៅ​ក្នុង​ប្រទេស​កម្ពុជា​សម្តេច​ក្រឡាហោម ស ខេ​ង ឧ​បក​នាយក​រដ្ឋមន្ត្រី រដ្ឋមន្ត្រី​ក្រសួងមហាផ្ទៃ​បាន​លើកទឹកចិត្ត​ដល់​ប្រជាពលរដ្ឋ​ឲ្យ​ហ៊ាន​រាយការណ៍​ពី​ករណី​អនុវត្ត​ច្បាប់​មិន​ប្រក្រតី​របស់​សមត្ថកិច្ច​ចំពោះ​ប្រជា​ព​រដ្ឋ​។ ថ្លែង​ក្នុង​កិច្ចប្រជុំ​បូក​សរុប​លទ្ធផល​ការងារ​សុវត្ថិភាព​ចរាចរណ៍​ផ្លូវគោក​ឆ្នាំ​២០២២ និង​ទិស​ដៅ​ការងារ​ឆ្នាំ​២០២៣ នា​ព្រឹក​ថ្ងៃ​ទី​៣០…

រាជធានី​ភ្នំពេញ ៖ ដើម្បី​លើកកម្ពស់​ការ​អនុវត្ត​ច្បាប់​នៅ​ក្នុង​ប្រទេស​កម្ពុជា​សម្តេច​ក្រឡាហោម ស ខេ​ង ឧ​បក​នាយក​រដ្ឋមន្ត្រី រដ្ឋមន្ត្រី​ក្រសួងមហាផ្ទៃ​បាន​លើកទឹកចិត្ត​ដល់​ប្រជាពលរដ្ឋ​ឲ្យ​ហ៊ាន​រាយការណ៍​ពី​ករណី​អនុវត្ត​ច្បាប់​មិន​ប្រក្រតី​របស់​សមត្ថកិច្ច​ចំពោះ​ប្រជា​ព​រដ្ឋ​។

ថ្លែង​ក្នុង​កិច្ចប្រជុំ​បូក​សរុប​លទ្ធផល​ការងារ​សុវត្ថិភាព​ចរាចរណ៍​ផ្លូវគោក​ឆ្នាំ​២០២២ និង​ទិស​ដៅ​ការងារ​ឆ្នាំ​២០២៣ នា​ព្រឹក​ថ្ងៃ​ទី​៣០ មក​រា ឆ្នាំ​២០២៣​នៅ​ក្រសួង​សាធារណការ និង​ដឹក​ជញ្ជូន​សម្ដេច​ក្រឡាហោម ស ខេ​ង ឧបនាយករដ្ឋមន្ត្រី រដ្ឋមន្ត្រី​ក្រសួងមហាផ្ទៃ និង​ជា​ប្រធាន​គណៈកម្មាធិការ​ជាតិ​សុវត្ថិភាព​ចរាចរណ៍​ផ្លូវគោក​(​គ​.​ស​.​ច​.​គ​) បាន​ផ្ដល់​ទស្សនាទាន​ជា​ថ្មី​ទៀត​អំពី​ការ​ដាក់​គោលដៅ​ធ្វើ​យ៉ាងណា​ឱ្យ​ពលរដ្ឋ​ខ្លាច​ច្បាប់​ចរាចរណ៍​ជា​ជាង​ខ្លាច​ប៉ូលិស ឬ​កងរាជអាវុធហត្ថ​ដែល​អនុវត្ត​ច្បាប់​។

រូបតំណាង

សម្ដេច​បន្ថែម​ថា ពល​ល​រដ្ឋ​ខ្លាច​ច្បាប់​ទើប​ធានា​សុវត្ថិភាព​ចរាច​ណ៍​បាន​ច្រើន តែបើ​ពលរដ្ឋ​ខ្លាច​តែ​អ្នក​អនុវត្ត​នឹង​ធ្វើ​ឱ្យ​ការងារ​នេះ​ឡើង​ចុះ​ៗ​ដ្បិត​បើ​បន្តឹង​ខ្លាំង​បញ្ហា​នឹង​ធូរស្រាល តែបើ​មានការ​បន្ថយ​ការ​រឹត​បន្តឹង​ស្ថានភាព​ល្មើស​ចរាចរណ៍​ក៏​កម្រើក​ឡើង​វិញ​។

សម្ដេច​មាន​ប្រស​សាន៍​ថា ច្បាប់​ស្ដី​ពី​ចរាចរណ៍​ផ្លូវគោក​ថ្មី​នឹង​ក្លាយជា​យន្តការ​ថ្មី​មួយទៀត ដើម្បី​បង្ខំ​ឱ្យ​ពលរដ្ឋ​ខ្លាច​ច្បាប់ ដើម្បី​ធានា​សុវត្ថិភាព​ដូច​ជា យន្តការ​ដក​បណ្ណ​បើកបរ​ក្នុង​ករណី​ស្រវឹង ឬ​មាន​សា​ធាតុ​ញៀ​.​ន​ជាដើម​។

ជាមួយ​គ្នា​នោះ​ដែរ សម្ដេច​ក៏​លើកទឹកចិត្ត​ឱ្យ​ពលរដ្ឋ​ហ៊ាន​រាយការណ៍​អំពី​ករណី​អនុវត្ត​ច្បាប់​មិន​ប្រក្រតី​របស់​សមត្ថកិច្ច ដើម្បី​លើកកម្ពស់​ការ​អនុវត្ត​ច្បាប់​ឱ្យ​បាន​ល្អ​ប្រសើរ​។ សម្ដេច​ក្រឡាហោម ស ខេ​ង ក៏​បាន​ណែនាំ​ឱ្យ​អគ្គស្នងការដ្ឋាន​នគរបាល​ជាតិ​ពង្រឹង​ការ​ត្រួតពិនិត្យ​ឯកសារ​ឆៀករថយន្ត ដោយ​អាច​ពិចារណា​ធ្វើ​ប្រតិបត្តិការ​ឆ្មក់​តាម​គោលដៅ ប៉ុន្តែ​មិន​ត្រូវ​ឱ្យ​ការងារ​នេះ​ក្លាយជា​កុង​ត្រួ​ល​ជជុះ​ជា​ដាច់ខាត​។

សម្រាប់​ទីតាំង​កែ​ច្នៃ​យានយន្ត​គ្មាន​អាជ្ញា​បណ្ណ​ក៏​ត្រូវ​បិទ​ជា​បន្ទាន់ ហើយ​ចាត់វិធានការ​ទៅ​តាម​ផ្លូវច្បាប់ និង​អនុញ្ញាត​ឱ្យ​ដំណើរការ​ឡើង​វិញ ប្រសិនបើ​បាន​រៀបចំ​ត្រឹមត្រូវ​តាម​ច្បាប់ និង​ក្បួន​បច្ចេកទេស​។​សម្ដេច​ក៏​បាន​ផ្ដល់​អនុសាសន៍​លើកទឹកចិត្ត​ឱ្យ​ក្រុមហ៊ុន ឬ​អាជីវករ​លក់​ម៉ូតូ​ថែម​ជូន​មួក​សុវត្ថិភាព​ដល់​អ្នកទិញ ដើម្បី​ជា​ការ​លើកទឹកចិត្ត និង​ជា​ការ​ចូលរួម​ចំណែក​បណ្ដុះ​វប្បធម៌​គោរព​ច្បាប់ និង​គិត​ពី​សុវត្ថិភាព​។

សូម​បញ្ជាក់​ថា នៅ​ក្នុង​ឆ្នាំ​២០២២​កន្លង​ទៅ ការ​ត្រួតពិនិត្យ​អ្នក​ជិះ​ម៉ូតូ​សរុប​មាន ១១៥៨០១​គ្រឿងក្នុង​នោះ​មិន​ពាក់មួក​សុវត្ថិភាព​ដោយ​ឃា​ប់​បង្ខំ​ឱ្យ​រក​មួក​មក​ពាក់​មុន​នឹង​ពិន័យ​មាន​ចំនួន​៩៤​ភាគរយ​នៃ​ចំនួន​ករណី​ល្មើស​សរុប​។ ដោយឡែក​ការ​ល្បាត​ត្រួតពិនិត្យ​តាម​ផ្លូវជាតិ​លេខ​៤ លេខ​៥ លេខ​៦ លេខ​៧ លេខ​៨ លេខ​៧៣ លេខ​៤១ លេខ​៤៤ និង​ផ្លូវជាតិ​លេខ​៥១ បាន​រក​ឃើញរ​យន្ត​ល្មើស និង​ពិន័យ​សរុប​ចំនួន ១២ ៥៤០​គ្រឿង​ស្មើ​១២.៧៣៤​ករណី​។

ដោយឡែក​ដំណើរការ​សាកល្បង​ដក​ពិន្ទុ​អ្នកបើកបរ​ល្មើស ចាប់ពី​ថ្ងៃ​ទី​១ ខែកញ្ញា ដល់​ថ្ងៃ​ទី​៣១ ខែធ្នូ ឆ្នាំ​២០២២ បាន​ត្រួតពិនិត្យ​ដក​ពិន្ទុ​បណ្ណ​បើកបរ​សរុប ៨ ៥១៣​នាក់ ក្នុង​នោះ​មាន​ស្ត្រី​៥៨៨​នាក់ រថយន្ត​ធុន​ស្រាល​៧ ៤៧៧ គ្រឿង​។ ក្នុង​ចំណោម​ករណី​ល្មើស​ចំនួន​៧៥៧៩ ករណី សមត្ថកិច្ច​បាន​ដក​ពិន្ទុសរុប​១០ ១៦២​ពិន្ទុ ក្នុង​នោះ​រថយន្ត​ធុន​ធ្ងន់​មាន​១០៣៦ គ្រឿង ព​ន្ទុ​ដក​សរុប​ជាង ៦៦៥​ពិន្ទុ​។​យ៉ាងណា​ក៏​ដោយ ក៏​មាន​អ្នក​ដក​ពិន្ទុ​ត្រូវ​បាន​បំពេញ​ឱ្យ​វិញ​ផង​ដែរ​៕

អត្ថបទសរសេរ ដោយ

កែសម្រួលដោយ