តាមប្រភពព័ត៌មាន Oddity Central បានឲ្យដឹងថា ក្រុមហ៊ុនជប៉ុន Ginza Ladis 1 មានផ្តល់សេវាកម្មជួលមនុស្សឲ្យទៅធ្វើជាជនទី៣ នៅក្នុងស្នេហាថ្មីរបស់សង្សារចាស់អ្នក ដើម្បីបំបែកបំបាក់ឲ្យសង្សារចាស់របស់អ្នករត់មករកអ្នកវិញ។
ជប៉ុន ៖ តាមប្រភពព័ត៌មាន Oddity Central បានឲ្យដឹងថា ក្រុមហ៊ុនជប៉ុន Ginza Ladis 1 មានផ្តល់សេវាកម្មជួលមនុស្សឲ្យទៅធ្វើជាជនទី៣ នៅក្នុងស្នេហាថ្មីរបស់សង្សារចាស់អ្នក ដើម្បីបំបែកបំបាក់ឲ្យសង្សារចាស់របស់អ្នករត់មករកអ្នកវិញ។
ពិតជាចម្លែកមែនទែន តែវាជាអ្វីដែលយើងសុទ្ធតែធ្លាប់គិតដល់ តែមិនដឹងថា មានមែនទែន។ ក្រុមហ៊ុននេះមានសុទ្ធតែតារាសម្តែង ដែលមានជំនាញសម្តែងធ្វើឲ្យដូចមែនទែន។ ពួកគេធ្វើជាទៅទាក់ទងជាមួយនឹងសង្សារថ្មីរបស់សង្សារចាស់អ្នក ហើយព្យាយាមយកចិត្ត ដើម្បីបំបែកបំបាក់សេចក្តីស្នេហារបស់សង្សារចាស់អ្នក។ ពិតជាពិសេសមែនទែន !
មុនដំបូង តួសម្តែងទាំងនោះព្យាយាមស្រាវជ្រាវរកអ្វីដែលសង្សាររបស់សង្សារចាស់អ្នក ចូលចិត្ត ហើយក៏ធ្វើជាទៅស្និទ្ធស្នាលជាមួយពួកគេ។ ក្រោយពីបានជិតដិតខ្លាំងហើយ ពួកគេក៏និយាយបញ្ចុះបញ្ចួលឲ្យខាងប្រុស ឬខាងស្រីបែកបាក់គ្នា។
ក្រោយការបែកបាក់ សង្សារចាស់របស់អ្នកនឹងឈឺចាប់ ហើយអាចនឹងរត់មករកអ្នកវិញ។ បើនិយាយពីរឿងតម្លៃសេវានេះវិញ គឺមិនធម្មតាឡើយ។ ជាមួយនឹងសេវារយៈពេល៣០ថ្ងៃឲ្យចាប់ផ្តើមឃើញលទ្ធផល គឺមានតម្លៃដល់ទៅ៣.៣៧៦ដុល្លារ។ សម្រាប់សេវា២៤០ថ្ងៃ ជាមួយនឹងការធានាជោគជ័យ គឺមានតម្លៃដល់ទៅ៧.៦៤១៩ដុល្លារ។
គួរបញ្ជាក់ថា នេះមិនទាន់មាននៅស្រុកយើងនៅឡើយទេ។ បើចង់បានទាល់តែទៅជប៉ុន៕
ចែករំលែកព័តមាននេះ