គណបក្សប្រជាជនកម្ពុជាបើសនិ្នបាតវិសាមញ្ញតំណាងទូទាំងប្រទេសរយៈ២ថ្ងៃ
- ភ្នំពេញ
រាជធានីភ្នំពេញ ៖ ដូចការគ្រោងទុក នាព្រឹកថ្ងៃទី២៨ ខែមករា ឆ្នាំ២០២៣ នេះ សម្តេចអគ្គមហាសេនាបតីតេជោ ហ៊ុន សែន…
រាជធានីភ្នំពេញ ៖ ដូចការគ្រោងទុក នាព្រឹកថ្ងៃទី២៨ ខែមករា ឆ្នាំ២០២៣ នេះ សម្តេចអគ្គមហាសេនាបតីតេជោ ហ៊ុន សែន…
រាជធានីភ្នំពេញ ៖ ដូចការគ្រោងទុក នាព្រឹកថ្ងៃទី២៨ ខែមករា ឆ្នាំ២០២៣ នេះ សម្តេចអគ្គមហាសេនាបតី
តេជោ ហ៊ុន សែន ប្រធានគណបក្សប្រជាជនកម្ពុជា និងសម្តេចពញាចក្រី ហេង សំរិន ប្រធានកិត្តិយសគណបក្សប្រជាជនកម្ពុជា បានអញ្ជើញជាអធិបតីបើកមហាសន្និបាតវិសាមញ្ញតំណាងទូទាំងប្រទេសរបស់គណបក្សប្រជាជនកម្ពុជា នៅវិមាន៧ មករា ទីស្នាក់ការកណ្តាលគណបក្សប្រជាជនកម្ពុជា ។
មហាសន្និបាតវិសាមញ្ញតំណាងទូទាំងប្រទេសរបស់គណបក្សប្រជាជននាពេលនេះ ដើម្បីពិនិត្យវាយតម្លៃលើការងារសំខាន់ៗ និងកំណត់ដាក់ចេញនូវទិសដៅការងារដែលមានចរិតជាយុទ្ធសាស្ត្រសម្រាប់ការអនុវត្តបន្តទៀត។ ទន្ទឹមនេះ មហាសន្និបាតក៏បានគូសរំលេចថា ចាប់ពីឆ្នាំ២០១៨មក តាមរយៈលទ្ធផលនៃការបោះឆ្នោតជ្រើស តាំងតំណាងរាស្ត្រ នីតិកាលទី៦ ឆ្នាំ២០១ ៨ បានធ្វើឱ្យគណបក្សប្រជាជនបន្តដឹកនាំប្រទេស ដែលធ្វើឱ្យសង្គមជាតិបានរីកចម្រើនឆាប់រហ័ស ជាមួយនឹងការធានាបាននូវសន្តិភាព ស្ថិរភាពនយោបាយ សន្តិសុខនិងសណ្តាប់ធ្នាប់សង្គមរឹងមាំ ។ ទោះបីត្រូវប្រឈមនឹងបញ្ហាដូចជាការឆ្លងរាតត្បាតនៃជំងឺកូវីដ-១៩ ការវិវត្តយ៉ាងស្មុគស្មាញនៃសភាពការណ៍តំបន់ និងពិភពលោកការប្រឆាំងរបស់ក្រុមជ្រុលនិយម។ល។
តាមការជាក់ស្តែង នៅក្នុងនីតិកាលទី៦នៃរដ្ឋសភានេះ ទាំងស្ថាប័ននីតិបញ្ញត្តិ និងទាំងស្ថាប័ននីតិប្រតិបត្តិ បានសាមគ្គីគ្នាពុះពារគ្រប់ឧបសគ្គ ខិតខំធ្វើការងារមិនសំចៃកម្លាំង ហើយបាននាំមកនូវជោគជ័យ និងសមិទ្ធផលធំធេងលើគ្រប់វិស័យជូនជាតិ និងប្រជាជន ក្នុងនោះ លេចធ្លោគឺការរក្សាបានសន្តិភាព ឯករាជ្យអធិបតេយ្យ បូរណភាពទឹកដីនៅគ្រប់កន្លែង ការរក្សាបានស្ថិរភាពនយោបាយ សន្តិសុខ សុវត្ថិភាពសង្គមរឹងមាំ ការគ្រប់គ្រងជំងឺកូវីដ-១៩បានល្អប្រសើរ ការរក្សាបានកំណើនសេដ្ឋកិច្ច និងលំនឹងជីវភាពរបស់ប្រជាជន ការកែទម្រង់រដ្ឋគ្រប់វិស័យទទួលបានលទ្ធផលជាផ្លែផ្កា ការទទួលបានជោគជ័យលើការងារបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៥ ឆ្នាំ២០២២ ។
ការលើកកម្ពស់កិត្តិសព្ទរបស់កម្ពុជាកម្រិតខ្ពស់នៅលើឆាកតំបន់ និងអន្តរជាតិ តាមរយៈជោគជ័យនៃការ អនុវត្ត នយោបាយការបរទេសឯករាជ្យដោយផ្អែក លើច្បាប់ និងជោគជ័យនៃការ ដឹកនាំនិងបំពេញភារកិច្ច ជាប្រធានអាស៊ានឆ្នាំ២០២២ ក៏ដូចជាមហាសន្និបាតអន្តរសភាអាស៊ាន(AIPA) លើកទី៤៣ ដែល កម្ពុជាធ្វើជាម្ចាស់ផ្ទះផងដែរ។ ថ្នាក់ដឹកនាមគណបក្សប្រជាជនបានបញ្ជាក់ថា ឆ្នាំ២០២៣ គឺជាឆ្នាំដែលត្រូវបញ្ចប់អាណត្តិរដ្ឋសភា និង រាជរដ្ឋាភិបាលឆ្នាំ២០១៨-២០២៣ និងក៏ជាឆ្នាំដែលត្រូវចាប់ផ្ដើមនីតិកាលថ្មីរយៈពេល៥ឆ្នាំបន្តទៀត។
ដូចនេះ គណបក្សពិតជាមានកិច្ចការច្រើនណាស់ ដែលត្រូវធ្វើនាពេលចំពោះមុខ ហើយក្នុងនោះ ក៏ត្រូវរួមគ្នាធ្វើរាល់កិច្ចការឱ្យបានល្អបំផុតដើម្បីឈានទៅដណ្ដើមជ័យជម្នះក្នុងការបោះឆ្នោតជ្រើស តាំងតំណាងរាស្ត្រ នីតិកាលទី៧ នាថ្ងៃទី២៣ ខែកក្កដា ឆ្នាំ២០២៣ នាពេលខាងមុខ ។ សូមជម្រាបថា មហាសន្និបាតនឹងដំណើរការរយៈពេល ២ថ្ងៃ ថ្ងៃទី២៨-២៩ ខែមករា ឆ្នាំ២០២៣ ដោយមានរបៀបវារៈសំខាន់ដូចជា ៖
១- ឆ្លង និងអនុម័តលើសេចក្តីព្រាង «របាយការណ៍ស្តីពីលទ្ធផលនៃការអនុវត្តកម្មវិធីនយោបាយ របស់គណបក្សពីឆ្នាំ២០១៨ ដល់២០២២ និងទិសដៅភារកិច្ចឆ្នាំ២០២៣» ។ ២- ឆ្លង និងអនុម័តលើសេចក្តីព្រាង
កម្មវិធីនយោបាយរបស់គណបក្សសម្រាប់ការកសាងនិងការពារមាតុភូមិឆ្នាំ ២០២៣-២០២៨ ។ ៣-ពិនិត្យ និងវាយតម្លៃថែមទៀតអំពីភារកិច្ចឆ្ពោះទៅកាន់ការបោះឆ្នោតជ្រើស តាំងតំណាងរាស្ត្រ នីតិកាលទី៧ នៅថ្ងៃទី២៣ ខែកក្កដា ឆ្នាំ២០២៣ ។
ចែករំលែកព័តមាននេះ