ខេត្តតាកែវ ៖ បន្ទាប់ពីមានការចេញផ្សាយរបស់កោះសន្តិភាពនៅថ្ងៃទី២៦ ខែមករា ឆ្នាំ២០២៣ ដែលមានចំណងជើងថា ខេត្តតាកែវមានស្នងការរងនគរបាលខេត្តចំនួន៣២នាក់រួចមក នៅព្រឹកថ្ងៃទី២៧ ខែមករា ឆ្នាំ២០២៣ នេះ លោកឧត្តមសេនីយ៍ ឆេង រតនៈ ស្នងការរងទទួលផែនការងារធនធានមនុស្សបានប្រាប់កោះសន្តិភាពយើងតាមរយៈតេឡេក្រាមមកថា បច្ចុប្បន្ននេះ ស្នងការរងពេញសិទ្ធិមានតែ២២នាក់ទេ ហើយស្នងការរងដែលមានតួនាទីទទួលផែនមានចំនួន១៣នាក់ទេ នៅ៩នាក់ទៀតជាជំនួយការអោយការិយាល័យតែប៉ុណ្ណោះ។
នៅថ្ងៃទី២៥ ខែមករា ឆ្នាំ២០២៣ នៅសាលប្រជុំស្នងការដ្ឋាននគរបាលខេត្តតាកែវ មានរៀបចំពិធី «ប្រជុំបូកសរុបសភាពការណ៍ និងលទ្ធផលកិច្ចសហប្រតិបត្តិការរក្សាសន្តិសុខ សណ្តាប់ធ្នាប់សង្គមប្រចាំឆ្នាំ២០២២ និងលើកទិសដៅការងារអនុវត្តបន្តឆ្នាំ២០២៣ និងប្រកាសផ្ទេរភារៈកិច្ច តែងតាំងមុខតំណែងជូនមន្ត្រីនគរបាលជាតិ នៃស្នងការដ្ឋាននគរបាលខេត្តតាកែវ។
ស្ថិតក្រោមអធិបតីភាព លោក ឧត្តមសេនីយ៍ទោ ឈាង ផាន់ណារ៉ា ស្នងការ នៃស្នងការដ្ឋាននគរបាលខេត្តតាកែវ ដោយមានការអញ្ជើញចូលរួមពីលោក លោកស្រី ឧត្តមសេនីយ៍ វរសេនីយ៍ ជាស្នងការរង លោកនាយការិយាល័យជំនាញ ទាំង៣២ និងនាយនគរបាលតាមប៉ុស្តិ៍នឹងព្រំដែនមកយ៉ាងច្រើនកុះករផងដែរ។
ចែករំលែកព័តមាននេះ