ប្រុសស្រី១ក្រុមជាង១០នាក់សម្ងំក្នុងផ្ទះសំណាក់ត្រូវនគរបាលឃាត់ខ្លួន
- ភ្នំពេញ
រាជធានីភ្នំពេញ ៖ យុវជន១ក្រុមមានគ្នាជាង១០នាក់មានប្រុសមានស្រី បានគេចអត់ចូលផ្ទះហើយ
រាជធានីភ្នំពេញ ៖ យុវជន១ក្រុមមានគ្នាជាង១០នាក់មានប្រុសមានស្រី បានគេចអត់ចូលផ្ទះហើយនាំគ្នាចូលដេកស្នាក់នៅយ៉ាងពពាក់ពពូននៅក្នុងផ្ទះសំណាក់មួយកន្លែង ហើយត្រូវបានកម្លាំងនគរបាលខណ្ឌពោធិ៍សែនជ័យ រួមជាមួយកម្លាំងអាជ្ញាធរ និងនគរបាលប៉ុស្តិ៍ចោមចៅទី១ ចុះទៅឃាត់ខ្លួននាំទៅសាកសួរព្រមទាំងពិនិត្យរកសារធាតុញៀ.ន ។ ប្រសិនបើរកឃើញថាមាននឹងត្រូវឃាត់ខ្លួនកសាងសំណុំរឿង ប៉ុន្តែបើពិនិត្យទៅអត់មានសារធាតុញៀ.នទេ នឹងធ្វើការអប់រំព្រមទាំងឲ្យឪពុកម្ដាយទៅធានាយកត្រឡប់ទៅផ្ទះវិញ។
ហេតុការណ៍ខាងលើនេះបានធ្វើឡើងកាលពីវេលាម៉ោង១១ព្រឹកថ្ងៃទី២៦ ខែមករា ឆ្នាំ២០២៣ នៅផ្ទះសំណាក់68 តាមផ្លូវបេតុង ស្ថិតក្នុងភូមិត្រពាំងថ្លឹង៣ សង្កាត់ចោមចៅ១ ខណ្ឌពោធិ៍សែនជ័យ រាជធានីភ្នំពេញ ។
តាមប្រភពពីនគរបាលបានឱ្យដឹងថា ក្រុមយុវជនគេចផ្ទះមកប្រមូលផ្ដុំគ្នាស្នាក់នៅក្នុងបន្ទប់ផ្ទះសំណាក់ខាងលើនោះមានចំនួន១១នាក់ ក្នុងនោះប្រុសចំនួន៧នាក់ និងស្រីចំនួន៤នាក់ ហើយពួកនេះពុំមែនជាសិស្សសាលានោះទេ គឺសុទ្ធតែគ្មានមុខរបរពិតប្រាកដនោះទេ ។ ក្រុមនេះបានចូលទៅស្នាក់នៅក្នុងផ្ទះសំណាក់ខាងលើច្រើនថ្ងៃមកហើយ បន្ទាប់ពីបានឃើញបែបនេះមហាជនបានរាយការណ៍ជូនដល់កម្លាំងនគរបាលនិងអាជ្ញាធរខាងលើ ទើបចុះទៅឃាត់ខ្លួនតែម្ដង។
តាមប្រភពដដែលបានបន្តទៀតថា ក្រោយឃាត់ខ្លួន យុវជន១ក្រុមនោះត្រូវបាននាំយកទៅសាកសួរព្រមទាំងពិនិត្យរកសារធាតុញៀ.ននៅអធិការដ្ឋាននគរបាលខណ្ឌពោធិ៍សែនជ័យ ។ ប្រសិនបើរកឃើញថាមានផ្ទុកសារធាតុញៀ.ននៅក្នុងខ្លួននោះ និងត្រូវឃាត់ខ្លួនកសាងសំណុំរឿងបញ្ជូនទៅសាលាដំបូងរាជធានីភ្នំពេញ ប៉ុន្តែបើពិនិត្យទៅអត់មានសារធាតុញៀ.នទេនោះ នឹងធ្វើការអប់រំ ព្រមទាំងជូនដំណឹងឪពុកម្ដាយអាណាព្យាបាលទៅធានាយកត្រឡប់ទៅផ្ទះវិញ៕
ចែករំលែកព័តមាននេះ