ខេត្តបាត់ដំបង ៖ សេចក្តីរាយការណ៍ឱ្យដឹងថា ក្រុមក្មេងទំនើងប្រុស-ស្រីចំនួន១៩នាក់(ស្រី៦នាក់) រួមទាំងម៉ូតូ៨គ្រឿង ត្រូវកម្លាំងអធិការនគរបាលខេត្តចុះបង្ក្រាបនិងឃាត់ខ្លួនបាន ធ្វើឡើងកាលពីវេលាម៉ោង០២ និង៣០នាទីរំលងអធ្រាត្រថ្ងៃទី២២ កក្កដា ខណៈពេលកម្លាំងកំពុងចុះល្បាតតាមផ្លូវ និងដោយដឹងថា ពួកគេទាំងនោះតែងតែបង្កការរំខាននិងការអុកឡុកតាមសួនច្បារនានាក្នុងក្រុងបាត់ដំបង ។
សេចក្តីរាយការណ៍បន្តថា ក្រុមក្មេងៗទាំងនោះ មិនត្រូវស្គាល់ឈ្មោះទេ ក្រោយឃាត់ខ្លួនពួកគេបាននាំទៅធ្វើតេស្តទឹកនោម ដើម្បីរកសារធាតុថ្នាំញៀន ។ ជាលទ្ធផល គឺរកឃើញវិជ្ជមានចំនួន៨នាក់ និងអវិជ្ជមានចំនួន១១នាក់ (៦ស្រីនាក់) ។
តែទោះបីជាយ៉ាងណា សមត្ថកិច្ចគ្រាន់តែធ្វើការអប់រំ ហើយឱ្យហៅអាណាព្យាបាលមកធ្វើកិច្ចសន្យាធានាឱ្យត្រឡប់ទៅផ្ទះវិញ ប៉ុន្តែបើមានជាលើកទី២ ពួកគេអាចប្រឈមនឹងផ្លូវច្បាប់ ។
ចែករំលែកព័តមាននេះ