ADផ្ទាំងផ្សព្វផ្សាយពាណិជ្ជកម្ម

Picture

លោកគឹ​ម ពិសិដ្ឋ ចូល​កាន់​តំណែង​ប្រធាន​ដែន​ដី ខណៈ​លោកមិ​ញ ស៊ី​ចាញ ត្រូវ​ផ្លាស់​ទៅ​ខេត្ត​ស្វាយ​​រៀង

3 ថ្ងៃ មុន
  • ស្ទឹងត្រែង

ខេត្តស្ទឹងត្រែង ៖ នា​ព្រឹក​ថ្ងៃ​ទី​២៥ មក​រា ២០២៣ ក្រសួង​រៀបចំ​ដែនដី នគរូបនីយកម្ម សំណង់​និង​សុរិយោដី បាន​ផ្លាស់​ប្តូរ​ប្រធាន​មន្ទីរ និង​ប្រកាស​ចូល​កាន់​មុខ​តំណែង…

ខេត្តស្ទឹងត្រែង ៖ នា​ព្រឹក​ថ្ងៃ​ទី​២៥ មក​រា ២០២៣ ក្រសួង​រៀបចំ​ដែនដី នគរូបនីយកម្ម សំណង់​និង​សុរិយោដី បាន​ផ្លាស់​ប្តូរ​ប្រធាន​មន្ទីរ និង​ប្រកាស​ចូល​កាន់​មុខ​តំណែង ដោយ​លោក គឹ​ម ពិសិដ្ឋ ប្រធាន​មន្ទីរ​រៀបចំ​ដែនដី​នគរូបនីយកម្ម​ខេត្តស្វាយរៀង ត្រូវ​បាន​ប្រកាស​តែង​តាំ​ចូល​កាន់​តំណែង​ជា​ប្រធាន​មន្ទីរ​រៀ​ចំ​ដែនដី​ខេត្តស្ទឹងត្រែង ខណៈ​លោក មិ​ញ ស៊ីចាយ ត្រូវ​បាន​តែងតាំង​ជា​ប្រធាន​មន្ទីរ​រៀ​ចំ​ដែនដី​ខេត្តស្វាយរៀង​។

Picture

ក្នុង​របាយការណ៍​អនុវត្ត​របស់​មន្ទីរ​រៀបចំ​ដែនដី​នគរូបនីយកម្ម​សំណង់ និង​សុរិយោដី​ខេត្តស្ទឹង​ត្រែង​​បាន​រៀបរាប់​ថា​មន្ទីរ​បាន​ប្រកាស​តំបន់​វិនិច្ឆ័យ​ការ​ចុះបញ្ជី​ដីធ្លី​មាន​លក្ខណៈ​ជា​ប្រព័ន្ធ​ចំនួន​៣៥​ភូមិ លើ​១២៨​ភូមិ បាន​បិទ​ផ្សាយ​ជា​សាធារណៈ​នូវ​ការ​វិនិច្ឆ័យ​ចុះបញ្ជី​ដីធ្លី​មាន​លក្ខណៈ​ជា​ប្រព័ន្ធ​ចំនួន​២៩​ភូមិ​ស្មើនឹង​២៨.៨៣៩​ក្បាលដី បាន​ចេញប័ណ្ណ​សម្គាល់​ម្ចាស់​អចលនវត្ថុ ចំនួន​២០​ភូមិ ស្មើនឹង​៣៤.១២៥​ប័ណ្ណ ។

Picture

សម្រាប់​ការងារ​សម្បទាន​ដី​សេដ្ឋកិច្ច​មន្ទីរ​បាន​ចេញ​ប័ណ្ណ​លើ​ក្បាលដី​ចំនួន​១១​ទីតាំង ស្មើនឹង​១៥១​ប័ណ្ណ មាន​ទំហំ​សរុប​១១៦,៣៦៨​ហិ​កតា បាន​បិទ​ផ្សាយ​ជា​សា​ធារ​ណះ​រួចរាល់ និង​ត្រៀម​ចេញ​ប័ណ្ណ​ចំនួន ៣​ទីតាំង មាន​ទំហំ​សរុប​១៧៦៧៩​ហិ​កតា កំពុង​បន្ត​វាស់វែង​ចំនួន ២​ទីតាំង មាន​ទំហំ​ដី​សរុប ៩៤.០០០​ហិ​កតា ក្នុងស្រុក​សៀម​បូក និង​ស្រុក​ថា​ឡា​បរិ​វ៉ា​ត់ ។

Picture

ចំណែក​ការងារ​សម្បទាន​ដី​សង្គមកិច្ច​ខេត្តស្ទឹងត្រែង មាន​ទីតាំង​ដី​សម្បទាន​សង្គមកិច្ច​ចំនួន ៧​ទីតាំង ស្មើនឹង​ទំហំ​សរុប ១៤១៧៤២៣០ ហិ​កតា ក្នុង​នោះ ក្រុង​ស្ទឹង​ត្រែង មាន ២​ទីតាំង ទំហំ​សរុប ២.៤៦៥,៧ ហិ​កតា ស្រុក​ថា​ឡា​បរិ​វ៉ា​ត់ មាន ១​ទីតាំង ទំហំ​១៥០០ ហិ​កតា​ស្រុក​សៀម​ប៉ា​ង មាន ២​ទីតាំង សរុប ៣.១៥៨,៥០ ហិ​កតា​, និង​ស្រុក​សេ​សាន មាន ២​ទីតាំង​ទំហំ​សរុប ៧.០៥០ ហិ​កតា​។

Picture

ការងារ​ចុះបញ្ជី​ដី​សមូហភាព​ជនជាតិ​ដើម​ភាគតិច មន្ទីរ​បាន​ចុះ​ទទួល​ពាក្យ​ស្នើ​សុំ​ចុះបញ្ជី​ដី​សមូហ​ភាព​ជនជាតិ​ដើម​ភាគតិច​ចំនួន​៤​សហគមន៍ ក្នុង​នោះ បាន​ចេញ​ប័ណ្ណ​ចំនួន​២​សហគមន៍ គឺ​សហ​គមន៍​ជនជាតិ​ដើម​ភាគតិច​ព្នៅ នៅ​ឃុំ​កំ​ភុ​ន និង​សហគមន៍​ជនជាតិ​ដើម​ភាគតិច​គ្រឹ​ង នៅ​ឃុំ​តា​ឡា​ត ស្រុក​សេ​សាន បាន​ធ្វើការ​បិទ​ផ្សាយ​ជា​សា​ធារ​ណះ​ចប់ និង​ត្រៀម​ចេញ​ប័ណ្ណ​ចំនួន​២​សហគមន៍ ក្នុង​ឃុំ​សន្តិភាព ស្រុក​សៀម​ប៉ា​ង ការងារ​ចុះបញ្ជី​ដី​អង្គភាព​រដ្ឋ​ក្នុង​បញ្ជីសារពើភ័ណ្ឌ​ទ្រព្យ​រដ្ឋ​ដោយ​អនុវត្ត​តាម​ការ​ណែនាំ​របស់​ក្រសួង​រៀបចំ​ដែនដី នគរូបនីយកម្ម និង​សំណង់ និង​ក្រសួង​សេដ្ឋកិច្ច និង ហិរញ្ញវត្ថុ មន្ទីរ​បាន​សហការ​ជាមួយ​អាជ្ញាធរ និង​មន្ទីរ អង្គភាព​ពាក់ព័ន្ធ ជម្រុញ​ការ​ចុះបញ្ជី​ដី​អង្គភាព​រដ្ឋ​ក្នុង​ទូ​ទាំង​ខេត្ត និង​ទទួល​បាន​លទ្ធផល ទីតាំង​ដី​អង្គភាព​រដ្ឋ​សរុប​ក្នុង​ខេត្ត មាន​ចំនួន ៦៤២​ទីតាំង ក្នុង​នោះ​បាន​វាស់វែង និង​ចេញ​ប័ណ្ណកម្មសិទ្ធិ​ជូន​អង្គភាព​រដ្ឋ​បាន​ចំនួន ១៧៧​ទី​ទាំង និង​មិន​ទាន់​បាន​វាស់វែង​ចុះបញ្ជី​ចំនួន ៤៦៥​ទីតាំង ។

Picture

ដោយ​អនុវត្ត​តាម​គម្រោង​សាងសង់​លំនៅ​ឋាន​របស់​ក្រសួង​រៀបចំ​ដែនដី នគរូបនីយកម្ម និង​សំណង់ សម្រាប់ បែងចែក​ជូន​គ្រួសារ​កងទ័ព និង​នគរបាល​ជាតិ ឈរជើង​ការពារ​តាម​បណ្ដោយ​ខ្សែបន្ទាត់​ព្រំដែន​កម្ពុជា​-​ឡាវ ចាប់ពី ឆ្នាំ​២០១៧ រហូត​ដល់​ដំណាច់ឆ្នាំ​២០២២​នេះ ការងារ​សាង​សង់ និង​បែងចែក​បាន​ចំនួន ៧០០​ខ្នង​ផ្ទះ ក្នុង​នោះ ក្រុង​ស្ទឹង​ត្រែង​ទទួល​បាន​ដី​ឡូ​តិ៍​លំនៅ​ឋាន​ចំនួន ១១៥​ឡូ​តិ៍ និង​ដី​កសិកម្ម​ចំនួន ១១៥​ឡូ​តិ៍​។ ស្រុក​សៀមប៉ា​ង ក្នុង​ឃុំ ព្រែក​មាស និង​ឃុំ​ស្រែ​សំបូរ ចំណុច​ស្រែ​ចំប៉ា និង​ចំណុច​ស្វាយ​ធំ ចន្លោះ​បង្គោល​ព្រំដែន​លេខ ៣៤- ៤០ ទទួល​បាន ផ្ទុះ​ចំនួន ៥០០​ខ្នង និង​ចំណុច​អូរ​គក់ ចន្លោះ​បង្គោល​ព្រំដែន​លេខ ៧៧-៧៨ ក្នុង​ឃុំ​ថ្មកែវ ស្រុក​សៀម​ប៉ា​ង ចំនួន​២០០​ខ្នង​ផ្ទះ​។

Picture

ដោយឡែក ការងារ​រដោះ​ស្រាយ​វិវាទ​ក្នុង​យន្តការ​គណៈកម្មការ​សុរិយោដី​បាន​ទទួល​ពាក្យបណ្តឹង​សរុប​ចំនួន​២៦​ករណី ក្នុង​នោះ បាន​ដោះស្រាយ​ចប់​សព្វគ្រប់​ចំនួន​១០​ករណី​, ដក​ពាក្យបណ្តឹង​វិញ​ចំនួន​៣​ករណី​, ច្រានចោល​ដោយ​ខុស​យុ​ត្ថា​ធិ​ការ​ចំនួន​៩​ករណី និង​នៅ​សល់​៤​ករណី​ទៀត​កំពុង​ធ្វើការ​ស៊ើបអង្កេត និង​ដោះស្រាយ​បន្ត​។ ក្នុង​ដែរ​យន្តការ​គ​ណះ​កម្ម​ការ​រដ្ឋបាល បាន​ទទួល​ពាក្យ​បណ្តឹង​សរុប​ចំនួន​២៥​ករណី ក្នុង​នោះ បាន​សម្រុះសម្រួល​បញ្ចប់​វិវាទ ចំនួន​៩​ករណី និង​កំពុង​បន្ត​ធ្វើការ​សម្រុះសម្រួល​បន្ត​ចំនួន​១៦​ករណី​។

លោក​គឹ​ម ពិសិដ្ឋ ក្រោយ​ទទួល​បានការ​សម្រួល​ភារៈកិច្ច​នៃ​ក្រសួង​រៀបចំ​ដែនដី​នគរូបនីយកម្ម​សំណង់​និង​សុរិយោដី​ខេត្តស្ទឹងត្រែង​លោក​បាន​ប្តេជ្ញា​បំពេញ​តួនាទី​ភារកិច្ច​ប្រកបដោយ​មនសិកា​វិជ្ជាជីវៈ ស្មោះត្រង់ តម្លាភាព គណនេយ្យ ភាព ការ​ទទួលខុសត្រូវ​ខ្ពស់ និង​ធ្វើ​ជា​សេនាធិការ​ឲ្យ​ក្រសួង និង​រដ្ឋបាល​ខេត្ត​លើ​អភិបាលកិច្ច​ដីធ្លី​ក្នុង​ខេត្ត​។ ចូលរួម​ចំណែក​ក្នុង​ការ​លើកកម្ពស់​វិស័យ​គ្រប់គ្រង​ដីធ្លី​ក្នុង​ខេត្ត តាម​ច្បាប់ លិខិត បទដ្ឋាន​គតិ​យុ​ត្ត និង​គោលការណ៍​ឲ្យ​កាន់តែ​ប្រសើរ​ឡើង ។

Picture

៥៖ សហការ​យ៉ាង​ជិត​ស្និទ្ធ ជាមួយ​គ្រប់​មន្ទីរ អង្គភាព រដ្ឋបាល​មូលដ្ឋាន វិស័យ​ឯកជន និង​ដ គូ​អភិវឌ្ឍន៍ ដើម្បី​កៀរគរ​ធនធាន និង​ធានា​បាន​នូវ​វឌ្ឍនភាព​សេដ្ឋកិច្ច​សង្គម ព្រមទាំង​រួមចំណែក​ជំរុញ ឲ្យ​មានការ​អភិវឌ្ឍ​រីក​ចម្រើន​លើ​គ្រប់​វិស័យ​នៅ​ក្នុង​មូលដ្ឋាន​។

៦៖ ពង្រឹង​ការ​សាមគ្គីភាព ឯកភាព​ផ្ទៃក្នុង​ជួរ​ថ្នាក់ដឹកនាំ និង​មន្ត្រីរាជការ​ក្នុង​អង្គភាព និង​គ្រប់ ផ្នែក​ពាក់ព័ន្ធ​ក្នុង​ខេត្ត ក៏​ដូច​ជា​មន្ទីរ អង្គភាព​ជំនាញ​ផ្សេង​ៗ​ទៀត ឲ្យ​មាន​ភាព​ប្រទាក់ក្រឡា​គ្នា និង​ថែទាំ សាមគ្គីភាព​ផ្ទៃក្នុង និង​អង្គភាព​ពាក់ព័ន្ធ​ទាំងអស់ ដើម្បី​ជា​កំលាំង​សម្រាប់​ពង្រឹងគុណភាព និង​ប្រសិទ្ធ​ភាព​ការងារ​។

Picture
SEA Game 2023

ព្រឹត្តិការណ៍ស៊ីហ្គេម លើកទី៣២

SEA Game 2023