រាជធានីភ្នំពេញ៖ក្រសួងអប់រំយុវជន និងកីឡាកំពុងពិនិត្យករណីលោកគ្រូនៅវិទ្យាល័សម្តេចតេជោ ហ៊ុនសែន សំពៅលូន។នេះបើអ្នកនាំពាក្យក្រសួងអប់រំ។ លោក រស់ សុវាចា អ្នកនាំពាក្យក្រសួងអប់រំ យុវជន និងកីឡា…
រាជធានីភ្នំពេញ៖ក្រសួងអប់រំយុវជន និងកីឡាកំពុងពិនិត្យករណីលោកគ្រូនៅវិទ្យាល័សម្តេចតេជោ ហ៊ុនសែន សំពៅលូន។នេះបើអ្នកនាំពាក្យក្រសួងអប់រំ។
លោក រស់ សុវាចា អ្នកនាំពាក្យក្រសួងអប់រំ យុវជន និងកីឡា បានឲ្យកោះសន្តិភាពដឹងនៅរសៀលថ្ងៃទី២៤ មករា ឆ្នាំ២០២៣ថាក្រសួងអប់រំ យុវជន និងកីឡាកំពុងពិនិត្យករណីនេះ។
អ្នកនាំពាក្យបានបញ្ជាក់ថា ជាទូទៅគណ:គ្រប់គ្រងគ្រឹះស្ថានសិក្សាត្រូវដោះស្រាយករណីបាតុភាពផ្សេងៗនៅតាមគ្រឹះស្ថានសិក្សាដោយចាត់វិធានការតាមទិដ្ឋភាពជាក់ស្តែង។លោកបានបញ្ជាក់ថា«បើចាំបាច់គណ:គ្រប់គ្រងគ្រឹះស្ថានសិក្សាអាចសហការជាមួយមន្ទីរអប់រំ យុវជន និងកីឡាទាំង២៥ខេត្ត រាជធានី ដែលជាសេនាធិការតាមឋានានុក្រមនៃក្រសួងអប់រំ យុវជន និងកីឡា»។
សូមជម្រាបថា បើយោងតាមបណ្តាញសង្គមរបស់វិទ្យាល័យសម្តេចតេជោហ៊ុនសែន សំពៅលូន នៅថ្ងៃទី២៣ មករា បានសរសេរយ៉ាងដូច្នេះថា«ការចុះអនុវត្តវិន័យរបស់លោកគ្រូអ្នកគ្រូនឹងក្រុមប្រឹក្សាយុវជន…។
សូមជម្រាបថា បន្ទាប់មានការបង្ហោះហ្វេសប៊ុសករណីខាងមានអ្នកលេងហ្វេសប៊ុកជាច្រើនចាប់អារម្មណ៍ដោយអ្នកខ្លះថា គាំទ្រ និងអ្នកខ្លះមិនគាំទ្រចំពោះករណីកាត់សក់សិស្សនេះនោះទេ។ដោយអ្នកខ្លះថា គួរធ្វើការអប់រំ ឬណែនាំ ឬហៅអាណាព្យាបាលមកប្រាប់ក៏បាន។អ្នកលេងហ្វេសប៊ុកលើកឡើងថា ការធ្វើបែបនេះក៏ប៉ះពាល់សិទ្ធិ និងកិត្តិសយសិស្សផងដែរ។
យ៉ាងណាមិញមកដល់ពេលនេះគេមិនទាន់ឃើញខាងនាយកសាលាធ្វើការបកស្រាយចំពោះករណីនេះនោះទេ។នៅបណ្តាញសង្គមរបស់សាលាក៏មិនទាន់មានការសរសេបញ្ជាក់យ៉ាងណាផងដែរ៕
ចែករំលែកព័តមាននេះ