ជនសង្ស័យ២នាក់ធ្វើសកម្មភាពលើស្ត្រីម្នាក់សម្រេច តែត្រូវអស់លក្ខ័ណ៍ដោយសារប្រព័ន្ធ GPS
- ស្វាយរៀង
ខេត្តស្វាយរៀង ៖ ក្រុមចោរឆ.ក់២នាក់ត្រូវសមត្ថកិច្ចតាមបង្ក្រាបចាប់ខ្លួន ដោយសារទូរសព្ទ័ជនរង
ខេត្តស្វាយរៀង ៖ ក្រុមចោរឆ.ក់២នាក់ត្រូវសមត្ថកិច្ចតាមបង្ក្រាបចាប់ខ្លួន ដោយសារទូរសព្ទ័ជនរង
ខេត្តស្វាយរៀង ៖ ក្រុមចោរឆ.ក់២នាក់ត្រូវសមត្ថកិច្ចតាមបង្ក្រាបចាប់ខ្លួន ដោយសារទូរសព្ទ័ជនរងគ្រោះមានភ្ជាប់ប្រព័ន្ធ GPS តាមក្របួចដល់ផ្ទះ ។ ករណីនេះបានកើតឡើងកាលពីវេលាម៉ោង៥និង៤៥នាទីល្ងាចថ្ងៃទី២២ ខែមករា ឆ្នាំ២០២៣ នៅលើកំណាត់ផ្លូវជាតិលេខ១ ត្រង់ចំណុចខាងមុខផ្សារអន្តរជាតិ ស្ថិតនៅភូមិបាវិតកណ្តាល សង្កាត់បាវិត ក្រុងបាវិត ខេត្តស្វាយរៀង ។
បើតាមសមត្ថកិច្ចបានឲ្យដឹងថា កាលពីវេលាម៉ោង១០និង២៥នាទីយប់ថ្ងៃទី២២ មករា ឆ្នាំ២០២៣ សមត្ថកិច្ចនគរបាលក្រុងបាវិតបានចុះបង្ក្រាបនិងចាប់ខ្លួនជនសង្ស័យជាមុខសញ្ញាចោរឆក់២នាក់រួមទាំងវត្ថុតាងរបស់ជនរងគ្រោះមួយចំនួន។
តាមប្រភពបានបន្តថា បន្ទាប់ពីទទួលបានបណ្តឹងមួយច្បាប់ពីជនរងគ្រោះឈ្មោះ ង្វៀង ធីហុងហ្កាម (NGUYEN THI HON GAM) ភេទស្រី អាយុ២៩ឆ្នាំជនជាតិវៀតណាម មុខរបរបុគ្គលិកក្រុមហ៊ុនកាស៊ីណូ ស្នាក់នៅក្រុមហ៊ុន ស្ថិតក្នុងភូមិបាវិតកណ្តាល សង្កាត់បាវិត ក្រុងបាវិត ខេត្តស្វាយរៀងដែលបានប្តឹងចោទប្រកាន់ទៅលើជនសង្ស័យចំនួន០២នាក់(មិនស្គាល់អត្តសញ្ញាណ) ភេទប្រុស ដែលបានធ្វើសកម្មភាពជិះម៉ូតូ ឆក់កាបូបស្ពាយរបស់ខ្លួន កាលពីវេលាម៉ោង៥និង៤៥នាទីនាល្ងាចថ្ងៃទី២២ ខែមករា ឆ្នាំ២០២៣ នៅចំណុចខាងមុខផ្សារអន្តរជាតិ ស្ថិតក្នុងភូមិបាវិតកណ្តាល សង្កាត់បាវិត ក្រុងបាវិត ខេត្តស្វាយរៀង បន្ទាប់ពីធ្វើសកម្មភាពរួច ក៍នាំគ្នា ជិះម៉ូតូគេចខ្លួនបាត់ស្រម៉ោល ។
តាមប្រភពបន្តទៀតថាក្រោយពីទទួលបណ្តឹងភ្លាម សមត្ថកិច្ចយើង បានចុះទៅដល់កន្លែងកើតហេតុ ដើម្បីធ្វើការស្រាវជ្រាវ ។ សម្ភារ:ក្នុងកាបូបស្ពាយ រួមមាន ទូរស័ព្ទ០១គ្រឿងម៉ាក I PHONE 12 PROMAX ពណ៌ស្លឹកឈើ(មានភ្ជាប់GPS) កាតATM ចំនួន០៤ សន្លឹក សំបុត្រកំណើតកូន០១សន្លឹក និងប្រាក់ចំនួន ៤០០ USD (បួនរយដុល្លារអាមេរិក) ។ រហូតដល់ម៉ោង១០និង២៥នាទីយប់នាថ្ងៃខែឆ្នាំដដែល សមត្ថកិច្ចយើង បានមើលតាមប្រព័ន្ធ GPS ក្នុងទូរស័ព្ទ របស់ជនរងគ្រោះ ធ្វើការប្រម៉ាញ់បានមុខសញ្ញាដែលជាជនសង្ស័យចំនួន២នាក់ រួចនាំខ្លួនមកប៉ុស្តិ៍នគរបាលរដ្ឋបាលបាវិត ដើម្បីសាកសួរ ។
ជនសង្ស័យដែលចាប់ខ្លួនទាំង២នាក់ខាងលើ ក្នុងនោះម្នាក់ឈ្មោះ យ៉ាត់ ចំណាប់ ហៅញ៉យ ភេទប្រុស អាយុ១៨ឆ្នាំ មុខរបរមិនពិតប្រាកដ មានទីលំនៅភូមិបាវិតលើ សង្កាត់បាវិត ក្រុងបាវិត ខេត្តស្វាយរៀង និងឈ្មោះ អ៊ុង ចន្ធី ហៅ ពៅ ភេទប្រុស អាយុ២៦ឆ្នាំ មុខរបរមិនពិតប្រាកដ មានទីលំនៅភូមិបាវិតកណ្តាល សង្កាត់បាវិត ក្រុងបាវិត ខេត្តស្វាយរៀង ។ នៅចំពោះមុខសមត្ថកិច្ចយើង ជនសង្ស័យទាំង០២នាក់ បានឆ្លើយសារភាពថា ខ្លួនពិតជាបានធ្វើសកម្មភាពឆក់កាបូបស្ពាយ របស់ជនរងគ្រោះពិតប្រាកដមែន ។
បន្ទាប់ពីបានចម្លើយសារភាពរបស់ជនសង្ស័យទាំង០២នាក់ សមត្ថកិច្ចយើង ធ្វើការឃាត់ខ្លួនជាបណ្តោះអាសន្ន នៅប៉ុស្តិ៍នគរបាលរដ្ឋបាលសង្កាត់បាវិត និងកសាងសំណុំរឿងបញ្ជួនទៅការិយាល័យព្រហ្មទណ្ឌកម្រិតស្រាលនៃស្នងការដ្ឋាននគបាលខេត្តចាត់ការបន្តតាមនីតិវិធី ៕
ចែករំលែកព័តមាននេះ