រាជធានីភ្នំពេញ ៖ ប្រជាពលរដ្ឋប្រមាណជាង១០០នាក់ ដែលរងផលប៉ះពាល់ ក្នុងការស្ថាបនា ផ្លូវបេតុង តាមកំណាត់ផ្លូវរថភ្លើង ចាប់ពីផ្លូវលេខ៧០ ដល់ផ្លូវជាតិលេខ៥ បានជួបប្រមូលផ្តុំគ្នាជាថ្មី និងឲ្យតំណាងយកញាតិទៅដាក់សាលារាជធានីភ្នំពេញ ដើម្បីទទួចសុំឲ្យអាជ្ញាធរពន្លឿនក្នុងការដោះស្រាយ ។
ការតវ៉ានេះបានផ្ទុះឡើងកាលពីវេលាម៉ោងប្រមាណ០៨ព្រឹកថ្ងៃទី២០ ខែកក្កដា ឆ្នាំ២០១៧ ដោយពួកគាត់បានមកជួបប្រមូលផ្តុំគ្នា នៅមុខវត្តទួលសុវណ្ណរាម ហៅវត្តទួលសង្កែ នៅក្នុងសង្កាត់ទួលសង្កែ ខណ្ឌឬស្សីកែវ ។
តាមប្រជាពលរដ្ឋបានឲ្យដឹងថា រយៈពេលប្រមាណ៧ខែ ចាប់តាំងពីលោក ប៉ា សុជាតិវង្ស អតិតអភិបាលរាជធានីភ្នំពេញ បានប្រកាសបើកការដ្ឋានស្ថាបនាផ្លូវបេតុង តាមបណ្តាយផ្លូវរថភ្លើងនេះមក អាជ្ញាធរមិនទាន់បានដោះស្រាយរកទីជម្រកឲ្យពួកគាត់ ដែលរងផលប៉ះពាល់នៅឡើយ ធ្វើឲ្យពួកគាត់ដេកពុំលក់បក់ក៏មិនល្ហើយ ខណៈពេលដែលការស្ថាបនាផ្លូវនេះកំពុងតែដំណើរការ ។ ពួកគាត់មិនជំទាស់នោះទេ តែសុំឲ្យមានការដោះស្រាវសិនទើបអភិវឌ្ឍន៍ ។
ចែករំលែកព័តមាននេះ