ស្ងាត់ៗ! ភរិយាកីឡាករល្បីឈ្មោះ ធឿន ធារ៉ា ចេញមុខចោទប្រកាន់ប្តីថា «លួចមានស្រី មិនអើពើកូនឈឺ»
- ភ្នំពេញ
រាជធានីភ្នំពេញ ៖ ផ្ទុះការចាប់អារម្មណ៍ពេញបណ្តាញសង្គម បន្ទាប់ពីមានារីម្នាក់ដែលអះអាងថាជា
រាជធានីភ្នំពេញ ៖ ផ្ទុះការចាប់អារម្មណ៍ពេញបណ្តាញសង្គម បន្ទាប់ពីមានស្ត្រីម្នាក់ដែលអះអាងថាជាភរិយាស្របច្បាប់របស់កីឡាករប្រដាល់ល្បីឈ្មោះ ធឿន ធារ៉ា បានចេញមុខមកចោទប្រកាន់កីឡាកររូបនេះថាមានស្រី និងមិនអើកូនតូចដែលកំពុងឈឺ។
យោងតាមគណនីហ្វេសប៊ុកឈ្មោះ «ម៉ីម៉ី ធារ៉ា» ដែលអះអាងថាជាប្រពន្ធរបស់កីឡាករប្រដាល់ល្បីឈ្មោះ ធឿន ធារ៉ា បានបង្ហោះរូបភាពកីឡាកររូបនេះ នារីរូបស្រស់មួយរូប កាលពីរាត្រីថ្ងៃទី ២១ ខែមករា និងបានសំណេរយ៉ាងចាក់ដោតថា «ខ្ញុំជាប្រពន្ធអ្នកស្របច្បាប់ ខ្ញុំតែងតែលើកលែងរាល់កំហុសដែលអ្នកធ្វើដាក់ខ្ញុំតែពេលនេះខ្ញុំទ្រាំលែងបានហើយៗក៏លែងទុកមុខអោយអ្នកទៀតដែរ»។
បើតាមគណនីដដែលបានសរសេរបន្តចោទប្រកាន់ទៅលើកីឡាករ ធឿន ធារ៉ា ថា «អ្នកយកគេចេញមុខទាំងដែលមិនទាន់លែងគ្នាជាមួយនឹងខ្ញុំ សូម្បីតែកូនឈឺក៏អ្នកឯងមិនខ្វល់មិនមកមើលកូន»។ គណនីហ្វេសប៊ុកឈ្មោះ «ម៉ីម៉ី ធារ៉ា» ដដែលក៏បានសំណូមពរដល់អ្នកប្រើប្រាស់បណ្តាញសង្គមឱ្យ ជួយចែកចាយ នូវរូបភាព និងគណនីហ្វេសប៊ុករបស់នារីម្នាក់ទៀតដែលនាងចោទថាជាជនទី៣ ដើម្បី «ឱ្យគេស្គាល់នារី ដែកយកប្ដីគេផង. ខ្ញុំទ្រាំលេងបានហើយបងប្អូន»។
ជាមួយសំណេរខាងលើនេះ បានបង្កឱ្យមានការភ្ញាក់ផ្អើលនិងចាប់អារម្មណ៍ជាខ្លាំងពីសំណាក់អ្នកប្រើប្រាស់បណ្តាញសង្គម ដែលបានចូលរួមបញ្ចេញមតិចម្រុះ និងចែកចាយនូវការបង្ហោះខាងលើព្រោងព្រាត។ តាមរយៈមតិរបស់អ្នកប្រើប្រាស់បណ្តាញសង្គម ឃើញថា ភាគច្រើនបានសម្តែងនូវការខកចិត្តចំពោះកីឡាកររូបនេះដោយ ពោលថា «ពេលល្បីភ្លេចប្រពន្ធ» និងខ្លះទៀតក៏បានរៀបរាប់ថា «សន្ដានមនុស្សប្រុសទោះបានប្រពន្ធល្អស្អាតប៉ុនណាក៏នៅតែមានស្រីដែរ ស៊ូៗចែដើម្បីកូន» និងបងប្អូនខ្លះទៀតបានពោលដោយខឹងសម្បារនិងកីឡាករធឿន ធារ៉ា ថា «ម៉េចក៏អញ្ចឹងកាលមិនទាន់ល្បីម៉េចក៏មិនឃើញយកស្រីផងដល់ពេលល្បីយកស្រីមកពីណាធារ៉ា»។
យ៉ាងណាមិញ ក៏មានអ្នកប្រើប្រាស់បណ្តាញសង្គមខ្លះទៀតបានចែករំលែកនូវមតិរាងកណ្តាល ដោយពោលថា «រឿងក្នុងគ្រួសារមិនគួរណាយកមកបង្ហោះលើហ្វេសប៊ុកនោះទេ» ខ្លះក៏និយាយថា « ចែអើយបើច្បាស់ហើយប្ដឹងលែងលះគ្នាទៅកុំបង្ហោះបែបនេះអី»។ អ្នកប្រើប្រាស់បណ្តាញសង្គមខ្លះក៏បានបង្ហាញការយល់ឃើញថា «សម័យfb មានបញ្ហាស្អីតិចក៏ផុស បើគង់តែមិនលែងដដែលហែកកេរ្តិ៍ធ្វើអី? អត់ចេះទុកផ្លូវក្រោយ ខ្លួនឯងសោះ»។ ចំណែកបងប្អូនខ្លះទៀតក៏ពោលឡើងរបៀបឆ្ងល់ថា «ពេល ធារ៉ា មិនទាន់ល្បីម៉េចមិនផុស sis ពេលគេល្បីបានផុស ស្រុកខ្មែរអោយតែល្បីគឺដឹងតែមានរឿងរហូតម៉ង»។
ជុំវិញការចោទប្រកាន់របស់នារីខាងលើ ចំពោះកីឡាករប្រដាល់ ធឿន ធារ៉ា ថា «មានជនទី៣ ភ្លេចប្រពន្ធកូន» នេះផងដែរ សារព័ត៌មានកោះសន្តិភាព បានទាក់ទងទៅកាន់កីឡាករផ្ទាល់ដែរ តែមិនទាន់មានការឆ្លើយតបពីកីឡាកររូបនេះឡើយនៅត្រឹមថ្ងៃត្រង់ ថ្ងៃទី ២២ ខែមករានេះ ៕
ចែករំលែកព័តមាននេះ