ខេត្តព្រះសីហនុ ៖ សេចក្តីរាយការណ៍ឱ្យដឹងថា ជនជាតិវៀតណាមម្នាក់ស្លា.ប់ នៅក្នុងហេតុការណ៍គ្រោះថ្នាក់ចរាចរណ៍ ក្រោយត្រូវកៀបជាប់ក្នុងរថយន្តរបស់ខ្លួន ហើយម្នាក់ទៀតបានរងរបួសស្រាល ខណៈបើកបរក្រឡាប់រថយន្តដែលបង្កឡើងដោយខ្លួនឯង។
ខេត្តព្រះសីហនុ ៖ សេចក្តីរាយការណ៍ឱ្យដឹងថា ជនជាតិវៀតណាមម្នាក់ស្លាប់ នៅក្នុងហេតុការណ៍គ្រោះថ្នាក់ចរាចរណ៍ ក្រោយត្រូវកៀបជាប់ក្នុងរថយន្តរបស់ខ្លួន ហើយម្នាក់ទៀតបានរងរបួសស្រាល ខណៈបើកបរក្រឡាប់រថយន្តដែលបង្កឡើងដោយខ្លួនឯង។ហេតុការណ៍នេះ បានកើតឡើងកាលពីវេលាម៉ោង០៦ និង១៥នាទីព្រឹកថ្ងៃទី១៩ កក្កដា ស្ថិតនៅចន្លោះគីឡូម៉ែត្រ លេខ132-133ក្នុងភូមិសម្តេចតា ឃុំចំការហ្លួង ស្រុកកំពង់សីលា ខេត្តព្រះសីហនុ ។
តាមប្រភពពីកំលាំងអាវុធហត្ថប្រចាំស្នាក់ការ៤០២ ដែលបានចុះទៅសម្រួលកន្លែងកើតហេតុដែលជួយជនរងគ្រោះឱ្យដឹងថា គ្រោះថ្នាក់នេះ គឺរថយន្តម៉ាកតូយ៉ូតាកូម៉ាមួយបាំងកន្លះ ពណ៌ទឹកប្រាក់ជិះគ្នា២នាក់ ពាក់ស្លាកលេខភ្នំពេញ 2AI-7692 មានទិសដៅពីភ្នំពេញទៅខេត្តព្រះសីហនុ ។ លុះមកដល់ចំនុចកើតហេតុជាចំណុចផ្លូវកោងហើយឡើងចំណោត រថយន្តបើកលឿនពេក ក៏ធ្លាក់ចិញ្ចើមផ្លូវក្រួងក្រហម បណ្តាលឱ្យក្រឡាប់នៅលើទ្រូងផ្លូវតែម្តង ។
លោកបន្តថា អ្នកបើកបរខាងលឈ្មោះជិន សឿងទូ ភេទប្រុស អាយុ៣៥ឆ្នាំ ជនជាតិវៀតណាម (ស្លាប់) និងអ្នករួមដំណើរឈ្មោះ ហន ស៊ុនវៀត ភេទប្រុស អាយុ៣៣ឆ្នាំ ជនជាតិវៀតណាម រងរបួសស្រាល ។ ចំណែករថយន្តខូចខាតទាំងស្រុង សាកសពកំពុងរង់ចាំប្រគល់ឱ្យក្រុមគ្រួសារយកទៅធ្វើបុណ្យតាមប្រពៃណី ។
ចែករំលែកព័តមាននេះ