ខេត្តមណ្ឌលគិរី ៖ សេចក្តីរាយការណ៍ឱ្យដឹងថា កាលពីយប់ថ្ងៃទី១៧ កក្កដា ក្រុមការងារមន្ត្រីបរិស្ថានប្រចាំស្នាក់ការមេម៉ង់ ឃុំមេម៉ង់ ស្រុកកែវសីមា និងមានការចូលរួមពីមន្ត្រីអង្គការWWF, សមាជិកសហគមន៍តំបន់ការពារធម្មជាតិភូមិភ្នំក្តុក បានចុះឃាត់ម៉ូតូចំនួន៤គ្រឿង មានដឹកក្បាលសត្វខ្ទីង១ក្បាល និងសាច់ខ្ទីងប្រហែល១០០គីឡូក្រាម ។
សេចក្តីរាយការណ៍បន្តថា ភ្លាមៗ ជនសង្ស័យជាម្ចាស់ម៉ូតូ បាននាំគ្នារត់គេចខ្លួនចូលព្រៃបាត់ ខណៈពុំបានស្គាល់អត្តសញ្ញាណទេ។ បច្ចុប្បន្ន ក្រុមការងារជំនាញបរិស្ថានកំពុងចុះស្រាវជ្រាវបន្ត ដើម្បីកសាងសំណុំរឿងតាមនីតិវិធី ។
ចែករំលែកព័តមាននេះ