ដើមផ្កាអង្គាសីល នៅរដូវបុណ្យចូលឆ្នាំប្រពៃណីចិន-វៀតណាមឆ្នាំនេះលក់ដាច់ជាងឆ្នាំមុន
- ភ្នំពេញ
រាជធានីភ្នំពេញ ៖ តាមទំនៀមទម្លាប់ប្រពៃណីចិន-វៀតណាម អោយតែជិតដល់រដូវចូលឆ្នាំប្រពៃណី
រាជធានីភ្នំពេញ ៖ តាមទំនៀមទម្លាប់ប្រពៃណីចិន-វៀតណាម អោយតែជិតដល់រដូវចូលឆ្នាំប្រពៃណីជារបស់ខ្លួន តែងនាំគ្នារៀបចំតុបតែផ្ទះសម្បែង និងទិញសម្ភារៈសម្រាប់សែនព្រេន ដើម្បីសុំសេចក្កីសុខ និងលាភសំណាងនៅក្នុងឆ្នាំថ្មី និងជាការចូលរូមអបអរសាទរ ចូលឆ្នាំថ្មីប្រពៃណីជាតិរបស់ខ្លួន។
ដោយឡែកនៅប្រទេសកម្ពុជា ជាពិសេសក្នុងរាជធានីភ្នំពេញ ដែលជាបេះដូងនៃព្រះរាជាណាចក្រកម្ពុជាដែលជាទីប្រជុំជន សម្បូរទៅអាជីវករជនជាតិចិន និងនិគមជនជាតិវៀតណាមរស់នៅ ព្រមទាំងប្រជាពលរដ្ឋខ្មែរមួយចំនួនភាគច្រើន ដែលមានខ្សែស្រឡាយចិន ក៍បាននាំគ្នាពពាក់ពួន ទៅផ្សារនានាដើម្បី ទិញ សម្ភារៈទុក ដើម្បី សែនព្រេននៅក្នុងឱកាសបុណ្យចូលឆ្នាំ ចិនវៀតណាម ដែលនឹងឈានចូលមកដល់ នៅសៅរ៍ថ្ងៃទី២១ ខែមករាឆ្នាំ ២០២៣ ខាងមុននេះ។
ទន្ទឹមនោះ ដើមផ្កាអង្គាសីលដែលជាដើមឈើមួយប្រភេទ មានផ្កាលឿង ក្លិនប្រអូបស្រាល ហើយចេញផ្កានៅពេលរង្គោះស្លឹកអស់ បន្ទាប់ពីគេកាត់មែកដាក់ត្រាំទឹកក្នុងផើង ឬដបអាចចេញត្រួយនិងផ្កាបានយូរ ត្រូវបានគេដាក់ជាគ្រឿងតាំងរុងរឿងណាស់ ហើយជនជាតិចិនក៏បាននាំគ្នាទិញផ្កាអង្គាសីលដែល១ឆ្នាំរីកម្តង មកដាក់តាំងក្នុងផ្ទះនិងបានចាត់ទុកថា បើឆ្នាំនេះផ្កាអង្គាសីល រីកល្អនឹងមានលាភសំណាងរកស៊ីមានបានជាងឆ្នាំមុន ។
នៅឆ្នាំ នេះអាជីវករលក់ផ្កាអង្គាសីលលក់ដាច់ជាងឆ្នាំមុនៗ បន្ទាប់ពីស្ថានភាពកូវីដ១៩បានស្ងប់ស្ងាត់ទៅវិញ ។
នៅព្រឹកថ្ងៃទី ១៩ ខែ មករាឆ្នាំ ២០២៣នេះ នៅសល់តែ២ថ្ងៃទៀតទេដល់ថ្ងៃចូលឆ្នាំចិន និងវៀតណាមហើយ កោះសន្តិភាពក៍បានចុះផ្ទាល់នៅកន្លែងដាក់តាំងលក់ផ្កាអង្គាសីល នៅតាមបណ្តោយផ្លូវរថភ្លើង កែង ផ្លូវភ្នំពេញហាយណូយក្នុងខណ្ឌសែនសុខ រាជធានីភ្នំពេញ ក៍បានឃើញ ប្រជាពលរដ្ឋ ខ្មែរ ដែលមានខ្សែស្រឡាយចិន ក៍បាននាំគ្នា ជិះ រថយន្ត ទៅទិញ ផ្កាអង្គាសីលគួរអោយកត់សំគាល់។
តាមអាជីវករលក់ផ្កាអង្គាសីលម្នាក់នៅតាមផ្លូវ រថភ្លើង បានអោយកោះសន្តិភាពដឹងថា ផ្កាអង្គាសីលឆ្នាំ នេះ បានលក់ដាច់ ជាងឆ្នាំ មុខៗដោយមានម៉ូយមកទិញ ជាហូរហែរ ខុសពីឆ្នាំកន្លងមកគាត់លក់ខាត។
អាជីវកររូបនោះ បានអោយដឹងទៀតថា គាត់មានលំនៅនៅខេត្តពោធិ៍សាត់ ជារៀង រាល់ឆ្នាំជិតដល់រដូវចូលឆ្នាំចិន គាត់បានទៅទិញដើមផ្កាអង្គាសីលពីជើងភ្នំ១០០៥ និងភ្នំក្រវ៉ាញខេត្តពោធិ៍ ដោយក្នុង១ដើម តម្លៃចាប់ពី៥ម៉ឺនរៀល ទៅដល់៣០ម៉ឺនរៀលក្នុង១ដើមហើយ លក់បានតម្លៃ២០ដុល្លាររហូតដល់ ជាង១០០ដុល្លារទៅ ២០០ដុល្លារ និងខ្លះទៀត មែកតូចវតម្លៃ៥ដុល្លារទៅ១០តែប៉ុណ្ណោះ។ នៅក្នុងការរកស៊ីត្រូវចំណាយតាមផ្លូវច្រើន ថ្លៃដឹកជាង១លានរៀល ថ្លៃជួលដី២០០ទៅ៣០០ដុល្លារ ហើយ យកមកដាក់តាំង ថែរក្សាស្រោច រយៈពេលកន្លះខែដើម្បីត្រៀមអោយផ្ការីកចំថ្ងៃសែន។
អាជីវរូបនោះក៍បានអោយដឹងទៀតថា ការកស៊ីលក់ផ្កាអង្គាសីលមិនទៀតទាត់នោះទេ ឆ្នាំ ខ្លះ លក់មិនដាច់ និងខ្លះទៀត ថែរក្សាមិនបានដិនដល់ផ្កាខ្លះអត់រីក និងខ្លះទៀត រីកមុន ថ្ងៃសែនក៍មានដែរ ។ នៅពេលខ្លះគាត់លក់ចំណេញ មានអាជីវករខ្លះ លក់ខាតក៍មានដែរ ។ ឆ្នាំនេះ កាក់កប់ជាងឆ្នាំ មុនដោយ សារតែ ហុងស៊ុយចិនឆ្នាំ នេះ សែនផ្កាលឿន ដែលខុសពីឆ្នាំមុន សែនផ្កាពណ៌ក្រហម ។
អាជីវកររូបនោះបានបញ្ជាក់ថា ទៀតការរកស៊ីលក់ផ្កាអង្គាសីល គាត់ចំណេញបានប្រមាណ៥០០ទៅ៦០០ដុល្លារ ក្នុង១ឆ្នាំៗក្នុងចំណោមផ្កាប្រមាណ២៥ដើមដែលគាត់នឹងក្រុមគ្រួសារដឹកយកមកលក់ក្នុង១ជើងនោះ ។
តាមអាជីវករម្នាក់ឈ្មោះថា រី បានអោយដឹងថា តាមហុងស៊ុយចិន នៅឆ្នាំនេះ ត្រូវសែនរបស់បៃតង ក្រហមលឿន ត្រូផ្កាអង្គាសីល ពេលចិញ្ចឹមថែទាំ ពណ៌បៃតង ចង់ខ្សែក្រហម ហើយពេលរីក ផ្កាពណ៌លឿន ត្រូវហុងស៊ុយ ដែលខុសពីឆ្នាំមុនសែនពណ៌ក្រហម(ពណ៌មាស)ជាហេតុ ធ្វើអោយផ្កាអង្គាសីលលក់អត់ដាច់ម្នាក់ៗខាតរាប់ពាន់ដុល្លារក៍មានដែរ។ ដោយសារតែមុនម្នាក់ខាតបង់ច្រើន ហើយ ឆ្នាំ នេះ ពុំសូវមានអ្នកលក់ ហើយផ្កាអង្គាសីលត្រូវហុងស៊ុយទៀតទើបលក់ដាច់ជាងឆ្នាំមុន ។
ទោះបីជាយ៉ាងណា មានអាជីវករ ខ្លះក៍បានត្អូញត្អែរ ថា ចាប់តាំងផ្ទុះកូវីដមករយះពេល៣ឆ្នាំមកហើយ ផ្កាអង្គាសីលលក់ពុំសូវដាច់នោះទេ តែឆ្នាំនេះលក់បាន គ្រាន់បើបន្តិច ។
លោកស្រី ឆែមមុំ អាយុ ៦០ឆ្នាំ ដែលជាអាជីករ លក់ផ្កាអង្គាសីលនៅមុនវត្តទឹកថ្លា បានអោយដឹងថាផ្ការអង្គារសីលឆ្នាំ លក់មិនត្រូវដាច់ តែគ្រាន់បើជាងឆ្នាំ មុន ។ដល់ថ្ងៃនេះហើយ នៅសល់តែ២ថ្ងៃ ទៀតទេ ដល់ថ្ងៃ សែនហើយ មិនសូវមានអ្នកមកទិញផ្កាអង្គាសីលនោះទេ ហើយគេនាំគ្នាទៅទិញផ្កាដាក់ផើងនិងដើមរាសីវិញ។
លោកស្រីបានអោយដឹងទៀតថា ផ្កាអង្គាសីលត្រូវបានអាជីករ ទៅទិញបន្តពី ភ្នំឱរ៉ា នៅខេត្តកំពង់ស្ពី និង ភ្នំខេត្តពោធិសាត់មកដាក់តាំងលក់នៅតាមផ្លូវរថភ្លើងកែងផ្លូវភ្នំពេញហាណូយ ហើយ គាត់បានទៅទិញបន្តតែដើមតូចៗ យកមកដាក់តាំងលក់ ក្នុង១ដើមតម្លៃ១០ទៅ២០ដុល្លារ ឬ៣០ដុល្លារ ចំណេញក្នុង១ដើមចំនួន ៥ទៅ១០ដុល្លារតែប៉ុណ្ណោះ ៕
ចែករំលែកព័តមាននេះ