ប្រដាល់សាកលកម្ពុជារំពឹងទទួលបានលទ្ធផលល្អសម្រាប់ការទៅចូលរួមប្រកួតកីឡាអាស៊ីនៅថៃ
- ភ្នំពេញ
រាជធានីភ្នំពេញ ៖ សហព័ន្ធកីឡាប្រដាល់សាកលកម្ពុជា កាលពីព្រឹកថ្ងៃទី១៧ ខែមករាបានបញ្ជូន
រាជធានីភ្នំពេញ ៖ សហព័ន្ធកីឡាប្រដាល់សាកលកម្ពុជា កាលពីព្រឹកថ្ងៃទី១៧ ខែមករាបានបញ្ជូន
រាជធានីភ្នំពេញ ៖ សហព័ន្ធកីឡាប្រដាល់សាកលកម្ពុជា កាលពីព្រឹកថ្ងៃទី១៧ ខែមករាបានបញ្ជូនកីឡាករ-កីឡាការិនីជម្រើសជាតិ ទៅចូលរួមប្រកួតក្នុងព្រឹត្តិការណ៍ជ្រើសរើសជើងឯកអាស៊ីអាយុក្រោម២២ឆ្នាំ នៅប្រទេសថៃ។
លោក ប៊ុយ សោភ័ណ្ឌ អគ្គលេខាធិការសហព័ន្ធកីឡាប្រដាល់សាកលកម្ពុជា ដែលជាប្រធានប្រតិភូដឹកនាំទៅចូលរួមប្រកួតលើកនេះ បានឱ្យដឹងថា សម្រាប់ការទៅចូលរួមប្រកួតក្នុងព្រឹត្តិការណ៍ជ្រើសរើសជើងឯកអាស៊ីអាយុក្រោម២២ឆ្នាំនាពេលនេះ មានកីឡាករចំនួន៣រូបនិងកីឡាការិនី១រូប ។ ព្រឹត្តិការណ៍នេះមានប្រទេសចំនួន២១ មានកីឡាករ កីឡាការិនីសរុបចំនួន២៤៣នាក់ចូលរួមប្រកួត ចាប់ពីថ្ងៃទី១៦ដល់ថ្ងៃទី២៧ ខែមករា ឆ្នាំ២០២៣ ។
លោកបន្តថា គោលបំណងសំខាន់សម្រាប់ការទៅចូលរួមប្រកួតនេះទៀត គឺដើម្បីវាស់ស្ទង់កម្រិតបច្ចេកទេសក៏ដូចជួយពង្រឹងសមត្ថភាពកីឡាករ កីឡាការិនីជម្រើសជាតិប្រដាល់សាកលកម្ពុជាឈានទៅដណ្ដើមយកមេដាយពីស៊ីហ្គេមលើកទី៣២ឆ្នាំ២០២៣ ដែលកម្ពុជាទទួលធ្វើជាម្ចាស់ផ្ទះនៃព្រឹត្តិការណ៍កីឡាជាប្រវត្តិសាស្ត្រមួយនេះ។
លោកអគ្គលេខាធិការរូបនេះបានឱ្យដឹងថា| នេះជាការប្រកួតក្នុងកម្រិតអាស៊ីលើកចុងក្រោយ
ផងដែរ សម្រាប់កម្ពុជា ហើយសហព័ន្ធកីឡាប្រដាល់សាកលកម្ពុជា ដាក់ការរំពឹងខ្ពស់ថានឹងទទួលបានលទ្ធផលល្អជាក់ជាមិនខាន និងអាចបំបែកកំណត់ត្រា ឈានទៅដណ្ដើមយកមេដាយក្នុងកម្រិតណាមួយ ខណៈការប្រកួតនាពេលកន្លងមក កម្ពុជាយើងមិនធ្លាប់ដណ្ដើមបានមេដាយទាល់តែសោះ។
គួរបញ្ជាក់ផងដែរថា បច្ចុប្បន្នសហព័ន្ធកីឡាប្រដាល់សាកលកម្ពុជាកំពុងតែយកចិត្តទុកដាក់យ៉ាងខ្លាំង ក្នុងការរៀបចំការប្រកួតនៅក្នុងប្រទេស ក៏ដូចជាបញ្ជូនអត្តពលិកប្រដាល់សាកលជម្រើសជាតិរបស់ខ្លួនឱ្យទៅចូលរួមប្រកួតនៅក្រៅប្រទេសជាច្រើនលើកច្រើនសាដើម្បីពង្រឹង ពង្រីកនិងភិវឌ្ឍន៍សមត្ថភាពបច្ចេកទេសបន្ថែមឈានទៅដណ្ដើមជ័យជម្នះក្នុងព្រឹត្តិការណ៍កីឡាស៊ីហ្គេមដែលកម្ពុជាទទួលធ្វើជាម្ចាស់ផ្ទះឆ្នាំ២០២៣ ៕
ចែករំលែកព័តមាននេះ