ម្ចាស់ខឹងសុនខខាំ២លើក ក៏ចាប់ធ្វើស៊ី ត្រូវវាខាំលើកទី៣ ស្រាប់តែស្រែកលូ និងសង្គ្រឺតធ្មេញផ្អើលអ្នកភូមិ
- ភ្នំពេញ
រាជធានីភ្នំពេញ ៖ បុរសម្នាក់រងរបួសធ្ងន់ បន្ទាប់ពីត្រូវសត្វឆ្កែខាំចំនួន៣ដង ត្រូវពិសសត្វឆ្កែជ្រាប
រាជធានីភ្នំពេញ ៖ បុរសម្នាក់រងរបួសធ្ងន់ បន្ទាប់ពីត្រូវសត្វឆ្កែខាំចំនួន៣ដង ត្រូវពិសសត្វឆ្កែជ្រាបពេញខ្លួន បានស្រែកលូ និងសង្គ្រឺតធ្មេញដូចសត្វឆ្កែ ធ្វើឲ្យផ្អើលប្រជាពលរដ្ឋនាំគ្នាចាប់ចង រួចទាក់ទងហៅរថយន្តដឹកយកទៅសង្គ្រោះបន្ទាន់ភ្លាមៗ កាលពីវេលាម៉ោង១១នឹង៣៥នាទីយប់ថ្ងៃទី១៧ ខែមករា ឆ្នាំ២០២៣ ស្ថិតនៅចំណុចភូមិពុទ្រា សង្កាត់គោករកា ខណ្ឌព្រែកព្នៅ រាជធានីភ្នំពេញ ។
ជនរងគ្រោះឈ្មោះ សាក់ ផាន់ណារា ភេទប្រុស អាយុ២១ឆ្នាំ មុខរបរកម្មករសំណង់ រស់នៅភូមិកើតខាងលើ។ ចំណែកសត្វឆ្កែដែលខាំម្ចាស់ខ្លួនឯងខាងលើនេះជាសត្វឆ្កែញី ។
តាមប្រភពព័ត៌មានបញ្ជាក់ពីអ្នកដែលដឹងហេតុការណ៍បានអោយដឹងថា នៅមុនពេលកើត ជនរងគ្រោះបានត្រឡប់មកពីផឹកស៊ីវិញមកដល់ផ្ទះវេលាម៉ោងជាង៦យប់ ស្រាប់តែខឹងសត្វឆ្កែខ្លួនឯងដែលចិញ្ចឹម ដោយសារកន្លងមកសត្វឆ្កែនេះបានខាំគាត់ចំនួន២លើករួចមកហើយ ក៏ទៅចាប់សត្វឆ្កែដើម្បីធ្វើស៊ី តែពេលចាប់នោះត្រូវបានសត្វឆ្កែខាំជាលើកទី៣ បណ្ដាលឲ្យរយះម្រាមដៃស្ទើរទាំងអស់របួសធ្ងន់ ។ បន្ទាប់មកជនរងគ្រោះបានជូតឈា.មមុខរបួសស្អាត ហើយក៏ដើរទៅអង្គុយលេងនៅផ្ទះម្ដាយមីងរបស់ខ្លួន លុះដល់វេលាម៉ោង៩ជាងយប់ថ្ងៃដដែល ស្រាប់តែពិសសត្វឆ្កែខាំបានជ្រាបពេញខ្លួន ធ្វើឲ្យជនរងគ្រោះរូបនោះស្រែកលូដូចសត្វឆ្កែ ថែមទាំងសង្គ្រឺតធ្មេញរហូត ទើបបង្កឲ្យមានការភ្ញាក់ផ្អើលយ៉ាងខ្លាំង ត្រូវបានអ្នកភូមិនាំគ្នាចាប់ជនរងគ្រោះចងរឹត ហើយទាក់ទងទៅរថយន្តសង្គ្រោះបន្ទាន់ភ្លាមៗតែម្ដង ។
តាមប្រភពដដែលបានបន្តថា បន្ទាប់ពីកើតហេតុ ប្រជាពលរដ្ឋបាននាំគ្នាយកដំបងទៅវា.យសត្វឆ្កែនោះ បណ្ដាលឲ្យស្លា.ប់រួចច្រកបាវខ្លា.ចក្រែងវាខាំអ្នកផ្សេងបន្តទៀតនាំឲ្យគ្រោះថ្នាក់ដល់អាយុជីវិត ។
តាមប្រភពព័ត៌មានដដែលបានបន្តទៀតថា ជនរងគ្រោះខាងលើ បន្ទាប់ពីសត្វឆ្កែខាំ២លើករួចមក មិនបានទៅចាក់ថ្នាំការពារជំងឺឆ្កែឆ្កួតនោះទេ អាងតែសត្វឆ្កែរបស់ខ្លួនឯងចិញ្ចឹមនៅផ្ទះ លុះដល់ពេលខាំលើកទី៣ចុងក្រោយនេះ ទើបទៅជាបែបនឹងតែម្តងទៅ ។
ក្រោយពេលកើតហេតុ ជនរងគ្រោះត្រូវបានរថយន្តសង្គ្រោះរបស់អង្គភាព៧១១ដឹកយកទៅសង្គ្រោះបន្ទាន់នៅមន្ទីរពេទ្យកាល់ម៉ែត្រ ចំណែកសត្វឆ្កែខាងលើត្រូវបានប្រជាពលរដ្ឋច្រកបាវទុកអោយខាងផ្នែកជំនាញពេទ្យសត្វធ្វើការស្រាវជ្រាវបន្តនៅពេលព្រឹកនេះ ៕
ចែករំលែកព័តមាននេះ