ឈា.មស្រែកស្បែកហៅ! រំលង១ថ្ងៃ ក្រោយប្រទះឃើញស.ពប្តី បែកធ្លាយប្រពន្ធជួលឃា.តករ
- កណ្តាល
ខេត្តកណ្តាល ៖ កាលពីថ្ងៃទី១៤ ខែមករា ឆ្នាំ២០២៣ មានករណីប្រទះឃើញសាកស.ពបុរសម្នាក់
ខេត្តកណ្តាល ៖ កាលពីថ្ងៃទី១៤ ខែមករា ឆ្នាំ២០២៣ មានករណីប្រទះឃើញសាកស.ពបុរសម្នាក់អណ្តែតនៅក្នុងប្រឡាយទឹក នៅចំណុចភូមិព្រែកដូង ឃ៉ំកំពង់ស្វាយ ស្រុកកៀនស្វាយ ខេត្តកណ្តាល ហើយសាកស.ពជនរងគ្រោះត្រូវបានស្គាល់អត្តសញ្ញាណឈ្មោះ ខឹម ផល្លី ភេទប្រុស អាយុ៣៣ឆ្នាំ មានស្រុកកំណើតនៅភូមិថ្លុកដង្កា ឃុំផ្ទះរុង ស្រុកភ្នំក្រវ៉ាញ ខេត្តពោធិ៍សាត់ និងមានទីលំនៅបច្ចុប្បន្ន នៅសង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ ត្រូវបានស្ត្រីប្រពន្ធជួលឃា.តករក្នុងតម្លៃ១០០០ដុល្លារ ដើម្បីសម្លា.ប់ប្តី ។ មកដល់ពេលនេះសមត្ថកិច្ចចាប់បានហើយ ទាំងឃា.តករ និងស្ត្រីប្រពន្ធ ។
តាមប្រភពព័ត៌មានបានឱ្យដឹងថា មុនពេលកើតហេតុ មានប្រជាពលរដ្ឋល្អបានប្រទះឃើញស.ពបុរសម្នាក់អណ្ដែតទឹកនៅក្នុងប្រឡាយទឹកវិរះប្រាំ ដែលមានទទឹង៦ម៉ែត្រ ជម្រៅប្រហែល២,៣០ម៉ែត្រ ក្នុងភូមិព្រែកដូង ឃុំកំពង់ស្វាយ ស្រុកកៀនស្វាយ ខេត្តកណ្តាល ហើយគាត់ក៏បានរាយការណ៍មកសមត្ថកិច្ចប៉ុស្តិ៍នគរបាលរដ្ឋបាលកំពង់ស្វាយ ភ្លាមនោះ កម្លាំងប៉ុស្តិ៍បានរាយការណ៍មកជំនាញពិនិត្យ និងវិភាគកន្លែងកើតហេតុស្រុកនិងអាជ្ញាធរភូមិឃុំ គ្រូពេទ្យដើម្បីចុះមកពិនិត្យសាកស.ពអណ្តើតទឹកនោះ។ ការពិនិត្យសាកស.ពរកឃើញថា ជនរងគ្រោះបានស្លា.ប់ដោយសាររឹ.តក និងឆ.ក់ ។
ផ្អែកតាមចម្លើយប្រពន្ធជនរងគ្រោះឈ្មោះ សាន់ ធីតា អាយុ៣១ឆ្នាំ បានសារភាពថា ខ្លួន និងឈ្មោះ វី ភេទប្រុស អាយុប្រហែលជិត៤០ឆ្នាំ មុខរបរជាងសំណង់ ជាអ្នកសម្លា.ប់ប្តីរបស់ខ្លួន ដោយធ្វើសកម្មភាពឆ.ក់ និងរឹ.តកសម្លា.ប់។
ដោយអនុវត្តតាមបទបញ្ជារបស់នាយឧត្តមសេនីយ៍ សន្ដិបណ្ឌិត នេត សាវឿន អគ្គស្នងការនគរបាលជាតិ, លោកឧត្តមសេនីយ៍ឯក ង៉េង ជួ ប្រធាននាយកដ្ឋាននគរបាលព្រហ្មទណ្ឌ បានបញ្ជាឲ្យលោកឧត្តមសេនីយ៍ត្រី ខេង ម៉េងឈាង អនុប្រធាននាយកដ្ឋាន ដឹកនាំកម្លាំងជំនាញ សហការជាមួយស្នងការដ្ឋាននគរបាលខេត្តកណ្ដាល ដឹកនាំដោយលោកឧត្តមសេនីយ៌ត្រី ឡាក់ ម៉េងធី ស្នងការរងទទួលផែនព្រហ្មទណ្ឌខេត្តកណ្តាល ដើម្បីស្រាវជ្រាវចាប់ខ្លួនជនដៃដល់។
រហូតមកដល់វេលាថ្ងៃត្រង់ថ្ងៃទី១៥ ខែមករា ឆ្នាំ២០២៣នេះ កម្លាំងនាយកដ្ឋាននគរបាលព្រហ្មទណ្ឌ បានចាប់ខ្លួនជនដៃដល់ឈ្មោះ វី ដែលស៊ីឈ្នួលសម្លា.ប់ជនរងគ្រោះ ក្នុងតម្លៃ១០០០ដុល្លារ ពីប្រពន្ធជនរងគ្រោះ។
បច្ចុប្បន្នជនដៃដល់ និងប្រពន្ធជនរងគ្រោះ ត្រូវបានប្រគល់ជូនស្នងការដ្ឋាននគរបាលខេត្តកណ្ដាល ដើម្បីចាត់ការបន្ដតាមនីតិវិធី៕
ចែករំលែកព័តមាននេះ