សោកស្តាយ! អធិការរងមួយរូប ជួបគ្រោះអកុសលយ៉ាងរន្ធ.ត់
- ភ្នំពេញ
រាជធានីភ្នំពេញ ៖ រថយន្តបែនដឹកដីមួយគ្រឿង បើកបរខ្វះភាពប្រុងប្រយ័ត្ន បានជ្រុលចង្កូតទៅកៀរ
រាជធានីភ្នំពេញ ៖ រថយន្តបែនដឹកដីមួយគ្រឿង បើកបរខ្វះភាពប្រុងប្រយ័ត្ន បានជ្រុលចង្កូតទៅកៀរម៉ូតូមួយគ្រឿង បណ្តាលអោយស្ត្រីម្នាក់ ខ្ទាតចូលក្រោមរថយន្តកិ.នស្លា.ប់ភ្លាមៗតែម្តង។
ហេតុការណ៏ខាងលើនេះបានបង្កការភ្ញាក់ផ្អើលដល់ប្រជាពលរដ្ឋ កាលពីវេលាម៉ោង៧ព្រឹកថ្ងៃទី ១៤ ខែមករា ឆ្នាំ ២០២៣ នៅចំណុចក្នុងបុរីហាយតិច តាមបណ្តោយផ្លូវបេតុង សង្កាត់ព្រែកថ្មី ខណ្ឌច្បារអំពៅ រាជធានីភ្នំពេញ ។
ជនរងគ្រោះដែលបានបាត់បង់ជីវិតឈ្មោះ គង់ គន្ធា ភេទស្រី (រហស្សនាម កោះរិទ្ធ ០២) មានតួនាទី ជាអធិការរងនៃអធិការដ្ឋាននគរបាលខណ្ឌច្បារអំពៅ ទទួលផែនការងារស្ត្រី ( យេនឌ័រ) ។
បើតាមប្រភពព័ត៌មានពីប្រជាពលរដ្ឋបានប្រាប់អោយដឹងថា ៖ នៅមុនពេលកើតហេតុ គេបានឃើញរថយន្តបែនដឹកដីមួយគ្រឿង ម៉ាកហ៊ីយ៉ាន់ដាយ ពាក់ស្លាកលេខ ភ្នំពេញ 3E-1032 ធ្វើដំណើរ ក្នុងគោលបំណងទៅកាន់ការរដ្ឋានក្នុងបុរីហាយតិច។
តាមប្រភពដដែលបានបន្តថា លុះពេលមកដល់ចំណុចកើតហេតុ ក៏ស្រាប់តែជ្រុលចង្កូតទៅកៀរម៉ូតូមួយគ្រឿង ម៉ាក Zoomer-X ពណ៏ ទឹកក្រូចលាយស ពាក់ស្លាកលេខ ភ្នំពេញ 1GL- 9475 ដែលកំពុងធ្វើដំណើរក្នុងទិសដៅស្របគ្នា បណ្តាលអោយខ្ទា.តអ្នកបើកបរម៉ូតូចូលក្រោមរថយន្ត និងកិ.នស្លា.ប់ភ្លាមៗតែម្តង។ ចំណែកឯអ្នកបើករថយន្តបែនដឹកដីនេះ បានចុះពីរថយន្តរួចគេចខ្លួនបាត់ស្រមោល បន្សល់តែរថយន្តនៅនិងកន្លែងកើតហេតុ។
ក្រោយពេលកើតហេតុ សមត្ថកិច្ចបានចុះមកដល់ទីតាំងកើតហេតុ និងបន្តទាក់ទងទៅមន្ត្រីជំនាញ ដើម្បីមកធ្វើការវាស់វែងយករថយន្ត ទៅរក្សាទុក នៅការរិយាល័យចរាចរណ៏ផ្លូវគោកនៃស្នងការដ្ឋាននគរបាលរាជធានីភ្នំពេញ ដើម្បីរងចាំការដោះស្រាយនៅពេលក្រោយ ។ ចំណែកឯស.ពជនរងគ្រោះ បន្ទាប់ពីសមត្ថកិច្ច ធ្វើកោសល្យវិច្ឆ័យរួចសមត្ថកិច្ច បានប្រគល់ស.ពទៅឱ្យក្រុមគ្រួសារ ដើម្បីធ្វើបុណ្យតាមប្រពៃណី ៕
ចែករំលែកព័តមាននេះ