នាំកូនស្រីមកលេងក្មួយប្រុស ដែលម្តាយលក់ដូរ ក្នុងវត្ត បែរជាជួបរឿងអកុសល
- ភ្នំពេញ
រាជធានីភ្នំពេញ ៖ ស្ត្រីម្នាក់នាំកូនស្រី មកលេងក្មួយប្រុស ដែលម្តាយលក់ដូរនៅក្នុងវត្ត ស្រាប់តែកូន
រាជធានីភ្នំពេញ ៖ ស្ត្រីម្នាក់នាំកូនស្រី មកលេងក្មួយប្រុស ដែលម្តាយលក់ដូរនៅក្នុងវត្ត ស្រាប់តែកូនស្រី និងក្មួយប្រុស នាំគ្នាលេងទឹកស្រះ បណ្តាលឱ្យល.ង់ស្លា.ប់ទាំង២នាក់ គួរអោយអាណោចអាធ័ម ។
ហេតុការណ៍ខាងលើនេះបង្កអោយមានការភ្ញាក់ផ្អើលកាលពីវេលាម៉ោង៤នឹង៣០នាទីរសៀលថ្ងៃទី១៣ ខែមករា ឆ្នាំ២០២៣ នៅចំណុចស្រះទឹកក្នុងវត្តជម្ពូវ័ន សង្កាត់ចោមចៅទី៣ ខណ្ឌពោធិ៍ សែនជ័យ រាជធានីភ្នំពេញ ។
ស.ពក្មេងស្រីឈ្មោះ ផុន កេសរបុប្ផា អាយុ៣ឆ្នាំ មានម្តាយឈ្មោះ វ៉ង់ ធួន ភេទស្រី អាយុ៣១ឆ្នាំ មុខរបរ អាជីវករលក់ដូរ រស់នៅភូមិព្រៃព្រីងខាងត្បូង២ សង្កាត់ចោមចៅទី៣ ខណ្ឌពោធិ៍សែនជ័យ រាជធានី ភ្នំពេញ មានស្រុកកំណើតនៅភូមិត្រពាំងស្នោរ ឃុំទំនប់ ស្រុកបាធាយ ខេត្តកំពង់ចាម ។
ស.ពក្មេងប្រុសឈ្មោះ ងយ សំអាង នរៈរតនា អាយុ២ឆ្នាំ មានម្តាយឈ្មោះ ឡូច សុខេង ភេទ ស្រី អាយុ ៣៧ឆ្នាំ មុខរបរលក់ដូរគ្រឿងទេសនៅវត្ត រស់នៅភូមិព្រៃព្រីងខាងត្បូង២ សង្កាត់ចោមចៅទី៣ ខណ្ឌ ពោធិ៍សែនជ័យ រាជធានីភ្នំពេញ មានស្រុកកំណើតនៅភូមិត្រពាំងស្នោរ ឃុំទំនប់ ស្រុកបាធាយ ខេត្ត កំពង់ចាម ។
តាមប្រភពព័ត៌មានពីស្ដ្រីឈ្មោះ វ៉ង់ ធួន ត្រូវជាម្តាយស.ពឈ្មោះ ផុន កេសរបុប្ផា បាននិយាយ ប្រាប់ សមត្ថកិច្ចថា ជារៀងរាល់ថ្ងៃ គាត់តែងតែនាំកូនស្រីរបស់គាត់មកលេងក្មួយប្រុសគាត់ ដែលម្តាយ កំពុងលក់គ្រឿងទេសនៅក្នុងវត្ត សំរាប់លក់អោយព្រះសង្ឃ លុះព្រះសង្ឃចូលរៀនស្ងាត់ គាត់បាន បាត់កូនស្រី និងក្មួយប្រុស ។ ដំបូងគាត់បានស្រែកហៅដែរ តែមិនឮឆ្លើយ បន្ទាប់មកគាត់បានដើររកដែរ តែរកមិនឃើញ លុះបន្ទាប់មកប្អូនគាត់ និងគាត់ទៅមើលនៅស្រះទឹកដើមពោធិ៍ទល់មុខ ចេតិយ ដោយគាត់បានឃើញក្មួយប្រុសល.ង់ទឹកផ្កាប់មុខស្លា.ប់ ហើយគាត់បានលើកក្មួយប្រុសដាក់ លើគោក ហើយចុះរាវរកកូនស្រីគាត់មួយទៀត តែរកមិនឃើញ ។
តាមប្រភពព័ត៌មានដដែលបានបន្តទៀតថា ខណៈពេលភ្លាមៗនោះ គាត់បានប្រាប់ព្រះសង្ឃក្នុងវត្ត ហើយនៅពេលភ្លាមៗនោះដែរ ព្រះសង្ឃបានចុះរកមើលហើយ ឃើញជនរងគ្រោះភ្លាមៗ ខណៈពេល ភ្លាមៗនោះ ដោយសារក្រុមគ្រួសារមិនអស់ចិត្តបាននាំជនរងគ្រោះមកមន្ទីរពេទ្យឯកជន នៅជិត កន្លែងកើតហេតុ ពេលនាំយកមកដល់ ក្រុមគ្រូពេទ្យបានពិនិត្យហើយបញ្ជាក់ថា ជនរងគ្រោះបាន ស្លា.ប់បាត់ទៅហើយ ។
ក្រោយពេលកើតហេតុ ក្រុមគ្រួសារបានយកស.ពក្មេងរងគ្រោះទាំង២មកតម្កល់នៅទីប៉ាឆា និង ទាក់ទងទៅសមត្ថកិច្ចភ្លាមៗ បន្ទាប់មកកំលាំងសមត្ថកិច្ចនគរបាលប៉ុស្តិ៍បានទាក់ទងទៅផ្នែក ជំនាញកោសល្យវិច័យខណ្ឌ និងរាជធានីភ្នំពេញ ដើម្បីពិនិត្យស.ពខាងលើភ្លាម ហើយខាងសមត្ថកិច្ច ជំនាញកោសល្យវិច័យបានបញ្ជាក់ថា ស.ពក្មេងប្រុសស្រីទាំង២នាក់ខាងលើ ពិតជាស្លា.ប់ ដោយសារ ល.ង់ទឹកប្រាកដមែន ដោយក្រុមគ្រួសារមិនប្តឹងផ្តល់អ្វីទាំងអស់ ហើយសមត្ថកិច្ច នគរបាលប៉ុស្តិ៍ និង សមត្ថកិច្ចជំនាញបានធ្វើលិខិតប្រគល់ស.ពអោយក្រុមគ្រួសារ ដើម្បីធ្វើបុណ្យតាមប្រពៃណីនៅវត្ត ជម្ពូវ័ន ៕
ចែករំលែកព័តមាននេះ