សម្តេចតេជោ ឲ្យមន្ត្រីថ្នាក់ជាតិ និងក្រោមកុំយកអ្នកសារព័ត៌មានជាសត្រូវ
- ភ្នំពេញ
រាជធានីភ្នំពេញ ៖សម្តេចតេជោ ហ៊ុន សែន នាយករដ្ឋមន្ត្រីកម្ពុជាបានអះ អាងចំពោះអ្នកសារព័ត៌មាន នារសៀលថ្ងៃទី១៤ មករា ឆ្នាំ២០២៣ថា មន្ត្រីថ្នាក់ជាតិ…
រាជធានីភ្នំពេញ ៖សម្តេចតេជោ ហ៊ុន សែន នាយករដ្ឋមន្ត្រីកម្ពុជាបានអះ អាងចំពោះអ្នកសារព័ត៌មាន នារសៀលថ្ងៃទី១៤ មករា ឆ្នាំ២០២៣ថា មន្ត្រីថ្នាក់ជាតិ និងអ្នកក្រោមជាតិកុំយកអ្នកសារព័ត៌មានជាសត្រូវ និងត្រូវតែធ្វើការសហការជាមួយអ្នកសារព័ត៌មាន និងកុំយកអ្នកសារព័ត៌មានសត្រូវ។
សម្តេចតេជោហ៊ុន សែន បានលើកឡើងថា អ្នកសារព័ត៌មានបានជួយរដ្ឋាភិបាលក្នុងការអភិវឌ្ឍប្រទេសផងដែរ។ សម្តេចតេជោ បានបញ្ជាក់ថា ៖«ខ្ញុំសូមសម្តែងសាទរ និងអរគុណដល់អ្នកសារព័ត៌មានក្នុងនោះរឿងវិទ្យុ និងទូរទស្សន៍ជារឿងមួយក៏ប៉ុន្តែបណ្តាញអនឡាញក៏បានជួយច្រើនផងដែរ។ ខ្ញុំតែងតែហ្វវ័តព័ត៌មានតាមបណ្តាញអនឡាញនេះទៅដល់បញ្ជូនទៅខេត្តណាដែលមានបញ្ហាឲ្យពិនិត្យតែម្តង» ។
សម្តេចតេជោ បានលើកឡើងថា រដ្ឋមន្ត្រីមួយចំនួន និងអភិបាលខេត្តមួយចំនួនបានទទួលដែលភាគីច្រើនព័ត៌មានបានចេញពីព័ត៌មានអនឡាញ។ សម្តេចថា ព័ត៌មានខ្លះបានផ្តល់ឲ្យមានការស្រាវជ្រាវសម្រាប់ដោះស្រាយបញ្ហាដែលមាននៅមូលដ្ឋាន។ប្រជាជនត្រូវការនូវយុត្តិធម៌ ឬបញ្ហានានាដែលគាត់ចង់ដោះស្រាយ។
ជាមួយគ្នានោះដែរ សម្តេចក៏បានលើកឡើងថា ពីករណីយកដីភ្នំរមៀលនៅក្នុងខេត្តតាកែវ មានការទន្ទ្រានយកដីភ្នំពេញ ដែលករណីនេះមានការពាក់ព័ន្ធនឹងកងទ័ពផ្នែករដ្ឋបាលចំពោះការឈូសឆាយយកព្រៃរនាមនៅភ្នំដំរីរមៀលនេះ។
សម្តេចបានគូសបញ្ជាក់ថា ៖« ខ្ញុំពិតមានការរីករាយជាមួយស្ថាប័នព័ត៌មានដែលជាអ្នកផ្តល់ព័ត៌មាន ឥលូវនេះទោះបីមានជានៅស្ថាប័នខ្លះនៅតាមបណ្តាខេត្តខ្លះបើប្រៀបធៀបពេលមុន វិជ្ជាជីវៈសារព័ត៌មានភាពទទួលខុសត្រូវខ្ពស់ជាងមុន ហើយអ្នកទទួលបានព័ត៌មានក៏បានច្រើនជាងមុន»។
សម្តេចបានគូសបញ្ជាក់ទៀតថា៖«ខ្ញុំសូមឲ្យថ្នាក់ដឹកនាំថ្នាក់ជាតិក៏ដូចជា អាជ្ញាធរថ្នាក់ក្រោមជាតិមិនត្រូវយកអ្នកសារព័ត៌មានធ្វើជាសត្រូវនោះទេ។ វានឹងជាកំហុសដ៏ធ្ងន់ធ្ងរក្នុងកាដឹកនាំ បើសិនអ្នកគិតថា យកសារព័ត៌មានជាសត្រូវ ពិតហើយខ្ញុំមិនជំទាស់នោះទេ ជាមួយនឹងសារព័ត៌មានខ្លះមិនបានការសូម្បីខ្ញុំមិនបានការ សូម្បីខ្ញុំមិននិយាយយករកផង ប៉ុន្តែអ្នកសារព័ត៌មានមានចេតនាល្អក្នុងការផ្តល់ព័ត៌មាននូវរឿងពិត គឺគម្បីរាប់រក និងផ្សារភ្ជាប់នូវអ្នកព័ត៌មាននូវអ្វីដែលយើងធ្វើ ដើម្បីជូនសាធារណជនបានដឹង»៕
ចែករំលែកព័តមាននេះ