ADផ្ទាំងផ្សព្វផ្សាយពាណិជ្ជកម្ម

Picture

ធ្វើ​បែប​ណា​ទើប​កូន​កក់ក្តៅ និង​មាន​អារម្មណ៍​សុវត្ថិភាព ?

1 ឆ្នាំ មុន
  • ភ្នំពេញ

រាជធានី​ភ្នំពេញ ៖ ក្នុងអំឡុងពេល​ដ៏​លំបាក ឬ​អំឡុង​ពេល​នៃ​ភាព​មិន​ច្បាស់លាស់​នៅ​ក្នុង​ជីវិត​របស់​យើង កូន​ៗ​អាច​បង្កើន​កម្រិត​ស្ត្រេ​ស​របស់​ឪពុក​ម្តាយ ។ ពួក​គេ​នឹង​បារម្ភ​ជាមួយ​ឪពុក​ម្តាយ​ប្រសិនបើ​គេ​ដឹង គេ​ឮ​ព័ត៌មាន​មិនល្អ​ក្នុង​ក្រុម​គ្រួសារ​ដូច​ជា​សាច់ញាតិ​ឈឺ ឪពុក​ម្តាយ​ឈ្លោះ​គ្នា គ្មាន​លុយ​បង់​សាលា…

រាជធានី​ភ្នំពេញ ៖ ក្នុងអំឡុងពេល​ដ៏​លំបាក ឬ​អំឡុង​ពេល​នៃ​ភាព​មិន​ច្បាស់លាស់​នៅ​ក្នុង​ជីវិត​របស់​យើង កូន​ៗ​អាច​បង្កើន​កម្រិត​ស្ត្រេ​ស​របស់​ឪពុក​ម្តាយ ។ ពួក​គេ​នឹង​បារម្ភ​ជាមួយ​ឪពុក​ម្តាយ​ប្រសិនបើ​គេ​ដឹង គេ​ឮ​ព័ត៌មាន​មិនល្អ​ក្នុង​ក្រុម​គ្រួសារ​ដូច​ជា​សាច់ញាតិ​ឈឺ ឪពុក​ម្តាយ​ឈ្លោះ​គ្នា គ្មាន​លុយ​បង់​សាលា និង​ទឹក​ភ្លើង​ជាដើម ។ វា​ជា​រឿង​សំខាន់​ក្នុង​ការ​កត់សម្គាល់​ពី​អាកប្បកិរិយា​របស់​កូន​អ្នក​នៅ​ពេល​ដែល​គ្រួសារ​របស់​អ្នក​កំពុង​ឆ្លងកាត់​ពេលវេលា​មាន​វិបត្តិ ។

តើ​កូន​របស់​អ្នក​គេង​មិន​បាន​ស្រួល​ទេ លាងដៃ​ច្រើន​ជាង​ធម្មតា ឬ​ហៀរ​សំបោរ​ទេ ? នេះ​អាច​ជា​សញ្ញា​មួយ​បង្ហាញ​ថា ពួក​គេ​ក៏​កំពុង​តស៊ូ​ដើម្បី​ដំណើរការ​ពិភពលោក​ដ៏​តានតឹង​ជុំវិញ​ខ្លួន​ផង​ដែរ ។ ក្នុង​នាម​ជា​ឪពុក​ម្តាយ យើង​គឺជា​ពន្លឺ​នាំ​ផ្លូវ​របស់​កូន​ៗ​របស់​យើង​ឆ្លងកាត់​ពិភពលោក​ដែល​ពោរពេញ​ទៅ​ដោយ​វត្ថុ​គួរ​ឱ្យ​ខ្លាច ។ ហើយ​វា​ជា​ការងារ​របស់​យើង​ក្នុង​ការ​រក្សា​កូន​ឱ្យ​មាន​ភាព​កក់ក្តៅ និង​ធ្វើ​ឱ្យ​កូន​ៗ​មាន​អារម្មណ៍​ថា មាន​សុវត្ថិភាព ផាសុកភាព និង​ជាទី​ស្រឡាញ់ ជា​ពិសេស​នៅ​ពេល​ប្រឈម​មុខ​នឹង​ពេលវេលា​មិន​មិនល្អ ។

អត្ថបទ​នេះ​ផ្តល់​នូវ​គន្លឹះ​ដើម្បី​ធានា​កូន​របស់​អ្នក​ឡើង​វិញ​ថា គ្រួសារ​របស់​អ្នក គឺជា​អាទិភាព​ចម្បង​របស់​អ្នក​ក្នុងអំឡុងពេល​មាន​ភាព​តានតឹង ក៏​ដូច​ជា​វិធី​ដើម្បី​កាត់​បន្ថយ​ការ​ព្រួយបារម្ភ​នៅ​ក្នុងផ្ទះ​របស់​អ្នក ។

ចូល​ជិត​កូន ហើយ​សម្រួល ៖ នៅ​ពេល​មាន​ព្រឹត្តិការណ៍​តានតឹង​កើតឡើង​នៅ​ក្នុង​ជីវិត​របស់​យើង វា​ទំនងជា​ក្លាយជា​ប្រធានបទ​នៃ​ការ​សន្ទនា​នៅ​ក្នុងផ្ទះ ។ កូន​របស់​អ្នក​អាច​ឮ​ការ​សន្ទនា​រវាង​អ្នក និង​ដៃគូ មិត្តភក្តិ ឬ​សមាជិកគ្រួសារ​របស់​អ្នក​អំពី​ការ​បាត់បង់​ការងារ សាច់ញាតិ​ឈឺ ការ​ជំពាក់​លុយ​គេ គ្រោះ​មហន្តរាយ​ធម្មជាតិ ឬអ្វី​ផ្សេង​ទៀត ។ របាយការណ៍​ព័ត៌មាន​តាម​ទូរទស្សន៍ ឬ Facebook ក៏​អាច​ធ្វើ​ឱ្យ​កុមារ​តូចចិត្ត​ជាមួយនឹង​រឿង និង​រូបភាព​មិនល្អ​ផង​ដែរ ។ ប្រសិនបើ​អ្នក​មានកូន​តូច​ៗ​នៅ​ក្នុងផ្ទះ សូម​ពិចារណា​ការ​និយាយ​ស្តី និង​ការ​សន្ទនា​មិនល្អ​របស់​អ្នក ហើយ​មើល​ព័ត៌មាន​ប្រចាំ​ថ្ងៃ​របស់​អ្នក​សម្រាប់​ពេល​កូន​របស់​អ្នក​គេង​លក់ ។

ព័ត៌មាន​មិន​ច្បាស់លាស់ ហើយ​ក្តៅ​ខ្លាំង​ពេក​អាច​បង្កើន​កម្រិត​ស្ត្រេ​ស​របស់​យើង និង​បង្ខូចការ​យល់​ឃើញ​របស់​យើង​អំពី​ការ​គំរាមកំហែង​ដល់​គ្រួសារ និង​អាច​ជះ​ឥទ្ធិពល​អវិជ្ជមាន​ដល់​របៀប​ដែល​យើង​ធ្វើ​ជា​ឪពុក​ម្តាយ ។ កូន​ៗ​របស់​យើង​មើលទៅ​យើង​ដើម្បី​កំណត់​សំឡេង​រំជួលចិត្ត​នៅ​ក្នុងផ្ទះ ។ ពួក​គេ​អាច​នឹង​មាន​អារម្មណ៍​ស្ងប់ស្ងាត់​របស់​អ្នក ឬ​ក៏​ដូច​ជា​ភាព​តានតឹង​របស់​អ្នក ។

ក្នុងអំឡុងពេល​ស្ត្រេ​ស សូម​ចំណាយពេល​បន្តិច​ដើម្បី​ស្តាប់ និង​នៅ​ជាមួយ​ខ្លួនឯង ។ សួរ​ខ្លួន​អ្នក​ថា «​តើ​វា​ប៉ះពាល់​ដល់ និង​កូន​របស់ខ្ញុំ​យ៉ាងដូចម្តេច ? តើ​កូន​របស់ខ្ញុំ​រង​ផល​ប៉ះពាល់​យ៉ាងណា​ចំពោះ​ស្ថានភាព​បច្ចុប្បន្ន ? តើ​កូន​របស់ខ្ញុំ​បាន​ផ្លាស់​ប្តូរ ឬ​ប្រព្រឹត្ត​ខុស​តាម​របៀប​ណា ?​បន្ទាប់​មក​អ្នក​អាច​ប្រើ​យុទ្ធសាស្ត្រ​ស្ងប់ស្ងាត់​របស់​អ្នក​ដើម្បី​កែតម្រូវ​ប្រសិនបើ​អ្នក​ជ្រើសរើស ។ គន្លឹះ​សំខាន់ គឺ​ត្រូវ​បញ្ចូល​ពេលវេលា​រីករាយ​មួយ​ចំនួន​ទៅ​ក្នុង​ថ្ងៃ​តានតឹង​របស់​អ្នក ។ ប្រសិនបើ​អ្នក​អាច សូម​ចំណាយពេល ៥ នាទី​ដើម្បី​លេង​ជាមួយ​គ្នា​ស្តាប់​តន្ត្រី​រីករាយ និង​ជប់លៀង ឬ​លេង​យន្តហោះ​ក្រដាស​ជុំវិញ​ផ្ទះ ។ ចំណាយពេល​ដើម្បី​ធ្វើ​តាម​ការ​ចង់បាន​របស់​កូន​អ្នក​ក្នុង​ការ​លេង នេះ​នឹង​ធ្វើ​ឱ្យ​គ្រួសារ​ទាំងមូល​មាន​ភាព​ធន់​នឹង​ការ​ឆ្លងកាត់​ពេលវេលា​នេះ ហើយ​ចេញ​មក​ម្ខាង​ទៀត​កាន់តែ​រឹង​មាំ និង​រួម​គ្នា​ជា​គ្រួសារ ។

សុវត្ថិភាព​ជា​អាទិភាព​ទី ១ ៖ នឹង​មាន​ពេល​ខ្លះ​ដែល​អ្នក​មិន​អាច​ការពារ​កូន​របស់​អ្នក​ពី​ដំណឹង​អាក្រក់ ឬ​រឿង​គួរ​ឱ្យ​ភ័យ​ខ្លាច ។ អាយុ​បឋម​សិក្សា និង​យុវវ័យ​អាច​ដឹង​រឿងរ៉ាវ​មិនល្អ​ពី​មិត្ត​ភ័ក្តិ​នៅ​សាលា​របស់​ពួក​គេ ។ នៅ​ក្នុង​ការ​សន្ទនា​ទាំងអស់​ជាមួយ​កូន​របស់​អ្នក សូម​រក្សា​ភាព​ស្ងប់ស្ងាត់ និង​ការ​លួងលោម​តាម​ដែល​អាច​ធ្វើ​ទៅ​បាន ។ ត្រូវ​ប្រាកដ​ថា កូន​របស់​អ្នកដឹង​តាម​រយៈ​សកម្មភាព​របស់​អ្នក និង​ពាក្យ​សម្ដី​របស់​អ្នក​ថា វា​ជា​ផ្នែក​មួយ​នៃ​ការងារ​របស់​អ្នក​ក្នុង​នាម​ជា​ឪពុក​ម្តាយ​របស់​ពួក​គេ​ក្នុង​ការ​ធ្វើ​អ្វី​គ្រប់យ៉ាង ដើម្បី​ពួក​គេ​មាន​សុវត្ថិភាព ហើយ​នេះ​ពិតជា​អ្វី​ដែល​អ្នក​កំពុង​ធ្វើ ។ ជា​ឧទាហរណ៍ និយាយ​ថា ប៉ា​ជា​ឪពុក​ម្តាយ​របស់​កូន វា​ជា​ការងារ​របស់​ប៉ា​ក្នុង​ការ​ការពារ​កូន ហើយ​យើង​កំពុង​ធ្វើ​អ្វី​គ្រប់យ៉ាង​ដែល​យើង​អាច​ធ្វើ​បាន ។ អនុញ្ញាត​ឱ្យ​ពួក​គេ​បញ្ចេញ​នូវ​កង្វល់​របស់​ខ្លួន ហើយ​សួរ​ពួក​គេ​អំពី​អ្វី​ដែល​ពួក​គេ​ដឹង​អំពី​រឿង​ពិបាក​ទាំងនោះ ។ បន្ទាប់​មក​ឆ្លើយ​សំណួរ​របស់​ពួក​គេ​ដោយ​ស្មោះត្រង់​តាម​ដែល​អ្នក​អាច​ធ្វើ​បាន ។

ប្រសិនបើ​អ្នក​ព្រួយបារម្ភ ពួក​គេ​ព្រួយបារម្ភ ៖ ចង​ចាំ​ថា កុមារ គឺជា​អេ​ប៉ុង ដែល​ពួក​គេ​ស្រូប​យក​វត្ថុ​វិជ្ជមាន និង​វត្ថុ​អវិជ្ជមាន ។ ដូចនេះ នៅ​ពេល​ដែល​អ្នក​ព្រួយបារម្ភ​អំពី​អ្វីមួយ កូន​របស់​អ្នក​ក៏​នឹង​ព្រួយបារម្ភ​អំពី​វា​ដែរ ។ ចូរ​ប្រើ​ពេលវេលា​ដ៏​លំបាក និង​ភាព​តានតឹង ដើម្បី​ផ្តោត​លើ​ភាព​វិជ្ជមាន ។ ផ្តល់​ការ​គាំទ្រ ការ​លើកទឹកចិត្ត ការ​យកចិត្តទុកដាក់ និង​សេចក្តី​ស្រឡាញ់​បន្ថែម​ដល់​កូន​របស់​អ្នក ។ ហើយ​កុំ​ភ្លេច​ផ្តល់​ក្តី​សង្ឃឹម ៕

អត្ថបទ​នេះ​ផលិត​ឡើង​ក្រោម​កិច្ច​សហប្រតិបត្តិការ​ជាមួយ​សាលារៀន វ៉េ​ស្ទ​ឡាញ​ន៍ និង សាលារៀន​ណ​ត្ស​ឡាញ​ន៍ ។ សម្រាប់​កម្មវិធី​ម​ត្តេ​យ្យ​ភាសា​ខ្មែរ និង​អង់គ្លេស កម្មវិធី ភាសា​អង់គ្លេស​សម្រាប់​សិស្ស​ធំ និង​កម្មវិធី​ភាសា​ចិន ចូល​រៀន​ថ្ងៃ​ទី ១ ខែកុម្ភៈ ឆ្នាំ ២០២៣ ខាង​មុខ​នេះ ។ សាលារៀន​ផ្តល់​ជូន​ការ​បញ្ចុះតម្លៃ ១៥% លើ​តម្លៃ​សិក្សា​សម្រាប់​កា​ចុះ​ឈ្មោះ ចូល​រៀន​ជា​លក្ខណៈ​គ្រួសារ ឬ​ពីរ​កម្មវិធី និង​ផ្តល់​ជូន​ការ​ធានា​រ៉ាប់រង​គ្រោះថ្នាក់ ការពារ​ការ សិក្សា​បុត្រ​ធីតា​រហូត​ដល់ ៥ ឆ្នាំ ព្រមទាំង​ទទួល​បាន​ពិន្ទុ​សន្សំ​កាន់តែ​ច្រើន ។ ការ​ផ្តល់​ជូន​ខាង លើ​នេះ​មាន​សុពលភាព​ត្រឹម​ថ្ងៃ​ទី ១ ខែកុម្ភៈ ឆ្នាំ ២០២៣ ។

សាលារៀន​ជូន​នូវ​វេទិកា និង មធ្យោបាយ​សិក្សា​យ៉ាង​សម្បូរ​បែប​ជាមួយនឹង​ប្រព័ន្ធ​គ្រប់គ្រង សាលារៀន ប្រព័ន្ធ​គ្រប់​គ្រង់ ការ​សិក្សា និង​អេប​សាលារៀន​ជូន​ដល់​មាតាបិតា​សិស្ស និង​សិស្សានុសិស្ស​ក្នុង​ការ​គ្រប់គ្រង​ការ​សិក្សា និង​តាមដាន​ព័ត៌មាន​សិក្សា​របស់​បុត្រ​ធីតា ផង​ដែរ ។ សម្រាប់​ព័ត៌មាន​បន្ថែម សូម​ទំនាក់ទំនង​ទូរស័ព្ទ​លេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ៕