មន្ត្រីយោធាផ្កាយ២ ត្រូវតំណាងអយ្យការស៊ើបសួរពេញ១ថ្ងៃ មិនទាន់ចប់ទេ ករណីប្រើអំពើហិ.ង្សាលើក្រុមគ្រួសារ
- ភ្នំពេញ
រាជធានីភ្នំពេញ ៖ លោក ឆាយ ហុង ព្រះរាជអាជ្ញារង តំណាងអយ្យការអមសាលាដំបូងរាជធានីភ្នំពេញ
រាជធានីភ្នំពេញ ៖ លោក ឆាយ ហុង ព្រះរាជអាជ្ញារង តំណាងអយ្យការអមសាលាដំបូងរាជធានីភ្នំពេញ នៅថ្ងៃទី៩ ខែមករា ឆ្នាំ២ ០២៣ នេះ បានបើកការស៊ើបសួរលើសំណុំរឿងមន្ត្រីយោធាពាក់ផ្កាយ២ ម្នាក់ ដែលជាប់ពាក់ពន្ធករណីប្រើអំពើហិ.ង្សាក្នុងគ្រួសារ ហើយការស៊ើបសួរនោះបានធ្វើឡើងពេញមួយថ្ងៃ ប៉ុន្តែមិនទាន់ត្រូវបញ្ចប់នៅឡើយទេ ដូច្នេះតំណាងអយ្យការបានសម្រេចផ្ញើលោកផ្កាយ២យោធា ទៅសមត្តកិច្ចកងរាជអាវុធហត្ថរាជធានីភ្នំពេញគ្រប់គ្រងវិញ និងតម្រូវឲ្យនាំមកសាកសួរបន្តថ្ងៃទី១០ ខែម ករា ស្អែកនេះ ។
ដូច្នោះរង់ចាំតាមដានតទៅទៀត តើជោគវាសនាចុងក្រោយរបស់លោកផ្កាយ២យោធា ពាក់ព័ន្ធករណីប្រើអំពើហិ.ង្សាក្នុងក្រុមគ្រួសារ អាចរួចផុតពីការចោទប្រកាន់ពីសំណាក់ស្ថាប័នអយ្យការដែរឬទេ តែបើសិនរឿងនេះភាគីខាងជនរងគ្រោះមិនព្រមដកពាក្យបណ្តឹងវិញនោះ លោកផ្កាយ២យោធា ប្រឈម និងការឃុំខ្លួនដាក់ពន្ធនាគារជាបណ្តោះអាសន្ន ។
តែទោះជាយ៉ាងណាក្តី រឿងនេះជារឿងទំនាស់ក្នុងក្រុមគ្រួសារទេ សូមឲ្យភាគីទាំងពីរទទួលយកការសម្រុះសម្រួលគ្នា ដោយសុខសន្តិភាពវិញទៅ អាណិតអនាគតកូន ។
សូមជម្រាបថា លោកឧត្តមសេនីយ៍យោធាពាក់ផ្កាយ២ ម្នាក់ បម្រើការងារនៅក្រសួងការពារជាតិ ត្រូវបានកម្លាំងសមត្តកិច្ចកងរាជអាវុធហត្ថរាជធានីភ្នំពេញ ធ្វើការឃាត់ខ្លួនពាក់ពន្ធករណី.ប្រើអំពើហិ.ង្សាលើក្រុមគ្រួសារ ។ លោកឧត្តមសេនីយទោយោធារូបនោះមានឈ្មោះ អឿង ប៉ុលភិវឌ្ឍន៍ ភេទប្រុស អាយុ៥៦ ឆ្នាំ បម្រើការងារនៅនាយកដ្ឋានសរុប នៃក្រសួងការពារជាតិ មានអាស័យដ្ឋានស្ថិតនៅសង្កាត់បឹងកក់២ ខណ្ឌទួលគោក រាជធានីភ្នំពេញ ។ សំណុំរឿងខាងលើនេះត្រូវបានមន្ត្រីជំនាញកងរាជអាវុធហត្ថចាត់ បញ្ជូនមកដល់ស្ថាប័នអយ្យការអមសាលាដំបូងរាជធានីភ្នំពេញ កាលពីរសៀលថ្ងៃទី៨ ខែមករា រួចហើយ ចំណែកមន្ត្រីយោធាដែលពាក់ផ្កាយ២ នោះ និងត្រូវនាំខ្លួនទៅសាកសួរនៅព្រឹថ្ងៃស្អែក នេះ ។
តាមប្រភពព័ត៍មានឲ្យដឹងថា ដើមបណ្តឹងក្នុងសំណុំរឿងអំពើហិ.ង្សានោះមានជនរងគ្រោះ៣ នាក់ ទី១-ប្រពន្ធ ទី២-ប្អូនថ្លៃ ទី៣-ក្មួយស្រី ។
តាមពាក្យបណ្តឹងបានបញ្ជាក់ថា កាលពីយប់ថ្ងៃទី៥ ខែមករា ឆ្នាំ២០២៣ លោកឧត្តមសេនីយ៍ទោ អឿង ប៉ុលភិវឌ្ឍន៌ បានមកផ្ទះ ហើយក៏កើតមានទំនាស់ពាក្យសំដីជាមួយក្មួយ ស្រី ប្អូនថ្លៃ និងប្រពន្ធ រហូតឈានដល់ប្រើអំពើហឹង្សាលើក្រុមគ្រួសារទៀតផង ។ យប់ថ្ងៃកើតហេតុជនរងគ្រោះក៏បានទាក់ទងទៅកម្លាំងសមត្តកិច្ចកងរាជអាវុធហត្ថមូលដ្ឋាន ឲ្យទៅជួយអន្តរាគ មន៍ ដើម្បីទប់ស្កាត់កុំមានគ្រោះថ្នាក់ដល់ជីវិត ។
ពេលសមត្តកិច្ចកងរាជអាវុធហត្ថទៅដល់ ក៏បានសម្រុះសម្រួលគ្នាឲ្យភាគីទាំងពីរស្ងប់ស្កាត់ និងចូលបន្ទប់ដេករៀងខ្លួនទៅ ។ លុះព្រឹកឡើងភ្ញាក់ពីដំណេក បុរសជាប្តីនៅតែបង្កាត់ភ្លើងទំនាស់ជាពាក្យសំដី និងប្រើអំពើហឹង្សាមកលើក្រុមគ្រួសារដដែល ធ្វើឲ្យជនរងគ្រោះមានការភ័យខ្លាច ទើបពួកគាត់បានទាក់ទងទៅកម្លាំងសមត្តកិច្ចកងរាជ អាវុធហត្ថ ឲ្យទៅជួយអន្តរាគមន៍ម្តងទៀត នៅពេលសមត្តកិច្ចចុះ ទៅដល់ បានធ្វើការឃាត់ខ្លួនលោកផ្កាយ២ និងដកហូតអាវុធអា កា២ ដើម និងគ្រាប់មួយចំនួន ។
ជនរងគ្រោះឲ្យដឹងទៀតថា លោកផ្កាយ២យោធារូបនោះ មិនមែនទើបតែប្រើអំពើហិ.ង្សាលើក្រុមគ្រួសារម្តងនេះទេ គឺកើតឡើងជាញឹកញាប់អស់រយៈពេល ៧ទៅ៨ឆ្នាំមកហើយ ដែលក្រុមគ្រួសាររងទុក្ខលំបាក តែក៏មិន បានប្តឹងផ្តល់នោះដែរ ដើម្បីទុកកិត្តិយសឲ្យគាត់ ប៉ុន្តែអំពើហិ.ង្សាពេលនេះទ្រាំលែងបាន ទើបពួកគាត់សម្រេចចិត្តប្តឹងសមត្តកិច្ចឲ្យអនុវត្តតាមច្បាប់ជាធរមាន ដូច្នោះសុំឲ្យតុលាការជួយផ្តល់ភាពយុត្តិធម៍ ដល់ពួកគាត់ជាជនរងគ្រោះផង ៕
ចែករំលែកព័តមាននេះ