ចិន២នាក់ពាក់ព័ន្ធករណីប្ល.ន់ចិនដូចគ្នា ត្រូវចាប់បញ្ជូនទៅតុលាការ
រាជធានីភ្នំពេញ ៖ ករណីជនជាតិចិន២នាក់ ដែលបានមករស់នៅប្រកបមុខរបររកស៊ីក្នុងស្រុកខ្មែរ
រាជធានីភ្នំពេញ ៖ ករណីជនជាតិចិន២នាក់ ដែលបានមករស់នៅប្រកបមុខរបររកស៊ីក្នុងស្រុកខ្មែរ ត្រូវបានកម្លាំងសមត្យកិច្ចនគរបាលការិយាល័យព្រហ្មទណ្ឌកម្រិតស្រាលរាជធានីភ្នំពេញ ចាប់ខ្លួនបញ្ជូនទៅតុលាការ កាលពីរសៀលថ្ងៃទី៩ ខែមករា ឆ្នាំ២០២៣ ពាក់ព័ន្ធករណីប្ល.ន់យកប្រាក់ពីជនជាតិចិនដូចគ្នា ។
ទាក់ទិនករណីខាងលើនេះ លោកវរៈសេនីយ៍ឯក ប៊ុន សត្យា នាយការិយា ល័យនគរបាលព្រហ្មទណ្ឌកម្រិតស្រាលរាជធានីភ្នំពេញ បានឲ្យ ដឹងតាមទូរស័ព្ទថា កាលពីថ្ងៃទី៦ ខែមករា ឆ្នាំ២០២៣ វេលាម៉ោង៥និង៣០នាទីល្ងាច មានករណីលួចមានស្ថានទម្ងន់ទោស (ប្រើអាវុ.ធខ្លីម៉ាក Lock ១៩ ពណ៌ខ្មៅ និងកូនកាំបិ.តភ្ជង់ប្ល.ន់យកប្រាក់ចំនួន៧៣៩ដុល្លារសហរដ្ឋអាមេរិក) ពីជនជាតិចិន នៅចំណុចហាងហួយយ៉ូវ ផ្លូវបេតុង ក្រុម៧៨ ភូមិ១៤ សង្កាត់ទន្លេបាសាក់ ខណ្ឌចំកាមន រាជធានីភ្នំពេញ (ក្នុងកោះពេជ្រ) ។
ក្រោយកើតហេតុ លោកឧត្តមសេនីយ៍ឯក ស ថេត អគ្គស្នងការរង នគរបាលជាតិ និងជាស្នងការ នគរបាលរាជធានីភ្នំពេញ ក៏ដូចជាលោកឧត្តមសេនីយ៍ទោ សុង លី ស្នងការរង ទទួលផែនការងារនគរបាលយុត្តិធម៍ បានដាក់បទបញ្ជាឲ្យកម្លាំងការិយាល័យជំនា ញនគរបាលព្រហ្មទណ្ឌកំរិតស្រាលរាជធានីភ្នំពេញ ចុះស្រាវជ្រាវស៊ើបអង្កេតជាបន្ទាន់តាមរយៈកាមេរ៉ាសុវត្ថិភាព និងសាកសួរសាក្សីផ្សេងៗ ដើម្បីកំណត់មុខសញ្ញាឈានទៅដល់ការចាប់ខ្លួន ។
លោក ប៊ុន សត្យា បន្តថា លុះនៅថ្ងៃទី៧ ខែមករា ឆ្នាំ ២០២៣ វេលាម៉ោង២និង៣០នាទីរសៀល ប្រហែល១៩ម៉ោង ក្រោយពេលកើតហេតុ កម្លាំងនគរបាលជំនាញព្រហ្មទណ្ឌកំរិតស្រាល បានឃាត់ខ្លួនជនសង្ស័យចំនួន២នាក់ ក្នុងនោះម្នាក់ឈ្មោះ YAO YUHONG ភេទប្រុស ជនជាតិចិន អាយុ៤៣ឆ្នាំ និង ម្នាក់ឈ្មោះ WANG YANG ភេទប្រុស ជនជាតិចិន អាយុ៣៦ឆ្នាំ នៅចំណុចផ្លូវមុខច្រកចូលបុរីចំការមន ផ្លូវព្រះនរោត្តម សង្កាត់ទន្លេបាសាក់ ខណ្ឌចំកាមន រាជធានីភ្នំពេញ និងដកហូតបានអាវុ.ធខ្លី១ដើម ម៉ាក LOCK ១៩ ពណ៌ខ្មៅ បង់២ និងគ្រាប់ចំនួន១៧ គ្រាប់ និងកូនកាំបិ.តបត់ដងឈើ ១ ។
នៅពេលឃាត់ខ្លួន ជនសង្ស័យទាំងពីរខាងលើ ត្រូវសមត្តកិច្ចបាននាំយកទៅសាកសួរ ទើបជនសង្ស័យសារភាពថា ពួកគេពិតជាបានធ្វើសកម្មភាពភ្ជ.ង់ប្ល.ន់យកប្រាក់ចំនួន ៧៣៩ ដុល្លារអាមេរិក ពីជនជាតិចិនដូចគ្នានោះពិតប្រាកដមែន ។
បន្ទាប់ពីមានពាក្យបណ្តឹងជនរងគ្រោះ និងចម្លើយសារភាពរបស់ជនសង្ស័យ រួមទាំងវត្ថុតាងអាវុ.ធខ្លីដើម ពាក់ព័ន្ធសកម្មភាពប្ល.ន់លុយខាងលើនោះ សមត្តកិច្ចបានកសាងសំណុំរឿងបញ្ជូនទៅកាន់សាលាដំបូងរាជធានីភ្នំពេញ តាមនីតិវិធី៕
ចែករំលែកព័តមាននេះ