ប្រុសព្រានម្នាក់ រត់គេចខ្លួនច្រើនឆ្នាំ ត្រូវតុលាការសម្រេចហើយ
- កំពត
ខេត្តកំពត ៖ ដោយអនុវត្តតាមដីកាបង្គាប់ឲ្យចាប់ខ្លួន របស់លោក ខៀវ ផាន់ណា ចៅក្រមជំនុំជម្រះ
ខេត្តកំពត ៖ ដោយអនុវត្តតាមដីកាបង្គាប់ឲ្យចាប់ខ្លួន របស់លោក ខៀវ ផាន់ណា ចៅក្រមជំនុំជម្រះសាលាដំបូងខេត្តកំពត កាលពីថ្ងៃទី៧ ខែមករា ឆ្នាំ២០២៣ កម្លាំងសមត្តកិច្ចនគរបាលជំនាញ ខេត្តកំពត បានធ្វើការចាប់ខ្លួនឈ្មោះ ហេង ទ្រៀង ភេទប្រុស អាយុ៣១ ឆ្នាំ មានទីលំនៅភូមិកោះផ្ដៅ ឃុំកំពង់ត្រាចខាងលិច ស្រុកកំពង់ត្រាច តាមដីកាបង្គាប់ឲ្យចាប់ខ្លួនលេខ៤៦ ចុះថ្ងៃទី ៧ ខែកុម្ភៈ ឆ្នាំ ២០១៧ ពាក់ព័ន្ធពីបទ.រំលោ.ភសេពសន្ថវៈមានស្ថានទម្ងន់ទោស ប្រព្រឹត្តនៅភូមិកោះផ្ដៅ ឃុំកំពង់ត្រាចខាងលិច ស្រុកកំពង់ត្រាច ខេត្តកំពត កាលពីខែមិថុនា ឆ្នាំ២០០៩ ។
ដីកាបង្គាប់ឲ្យចាប់ខ្លួនឈ្មោះ ហេង ទ្រៀង តម្រូវឲ្យនាំយកទៅដាក់ពន្ធនាគារកំណត់១០ ឆ្នាំ ពីបទ.រំលោ.ភសេពសន្ថវៈមានស្ថានទម្ងន់ទោស តាមអំណាចសាលក្រមជំនុំជម្រះ បានប្រកាសជាសាធារណៈ ដោយកំបាំងមុខជនជាប់ចោទ ដែលចូលជាស្ថាពរ ។ ដូច្នេះជនជាប់ចោទដែលជាប្រុសព្រាន ខំរត់គេចខ្លួនជាច្រើនឆ្នាំកន្លងមកហើយនោះ និងត្រូវទៅដេកក្នុងគុក១០ឆ្នាំ តាមសាលក្រមខាងលើនេះ ដើម្បីទទួលយកទោសដែលខ្លួនបានប្រព្រឹត្ត ៕
ចែករំលែកព័តមាននេះ