Messi នឹងចុះកុងត្រាថ្មីក្រោយពេលក្រេបទឹកឃ្មុំរួចរាល់
តាមប្រភពព័ត៌មាន Goal បានឲ្យដឹងថា ខ្សែប្រយុទ្ធរបស់ក្រុម Barcelona នឹងចុះកុងត្រាថ្មីជាមួយនឹងក្លឹបដដែលក្រោយពេលមកពីក្រេបទឹកឃ្មុំជាមួយភរិយា
តាមប្រភពព័ត៌មាន Goal បានឲ្យដឹងថា ខ្សែប្រយុទ្ធរបស់ក្រុម Barcelona នឹងចុះកុងត្រាថ្មីជាមួយនឹងក្លឹបដដែលក្រោយពេលមកពីក្រេបទឹកឃ្មុំជាមួយភរិយា
តាមប្រភពព័ត៌មាន Goal បានឲ្យដឹងថា ខ្សែប្រយុទ្ធរបស់ក្រុម Barcelona នឹងចុះកុងត្រាថ្មីជាមួយនឹងក្លឹបដដែលក្រោយពេលមកពីក្រេបទឹកឃ្មុំជាមួយភរិយារួចរាល់នៅពាក់កណ្តាលខែនេះ ។ តាមពិតទៅ Messi និងភរិយាថ្មីថ្មោងដែលបានរៀបការនៅកាលពីថ្ងៃសុក្រគ្រោងថានឹងត្រឡប់មកវិញនៅថ្ងៃសុក្រនេះ តែក្រោយមកពួកគេក៏បានលើកថ្ងៃទៅដល់ថ្ងៃទី១២ ខែកក្កដា វិញ ។ ក្រោយពីរៀបការរួច នាពេលនេះពួកគេពីរនាក់ប្តីប្រពន្ធ និងកូនប្រុសពីរនាក់កំពុងតែរីករាយជាមួយនឹងដំណើរកម្សាន្តក្រេបទឹកឃ្មុំនៅកោះ Antigua និង Barbuda ដែលស្ថិតនៅក្នុងតំបន់ Carribean ។
ជាមួយគ្នានេះដែរ បន្ទាប់ពីត្រឡប់មកវិញនៅថ្ងៃទី១២ ខាងមុខនេះ Messi ក៏ត្រូវទៅធ្វើការពិនិត្យសុខភាពត្រៀមខ្លួនសម្រាប់លេងនៅរដូវកាលថ្មីផងដែរ ព្រោះគ្រប់កីឡាករ Barcelona ទាំងអស់ត្រូវតែធ្វើដូចនេះនៅថ្ងៃនោះ ។
គួរបញ្ជាក់ថា កិច្ចសន្យារបស់ Messi នាពេលបច្ចុប្បន្ននេះនឹងផុតនៅឆ្នាំ២០១៨ ។ តែសម្រាប់កិច្ចសន្យាដែលនឹងចុះនៅពេលខាងមុខនេះទាល់តែឆ្នាំ២០២១ បានផុត ហើយ Messi នឹងក្លាយទៅជាកីឡាករបាល់ទាត់ដែលមានប្រាក់បៀវត្សប្រចាំឆ្នាំច្រើនជាងគេបំផុតពោលគឺ២៥លានដុល្លារក្រោយពីកាត់ពន្ធរួច ៕
ចែករំលែកព័តមាននេះ