រាជធានីភ្នំពេញ ៖ មន្ត្រីនគរបាលម្នាក់ត្រូវបានប្រពន្ធតាមទាន់លួចលាក់មានស្រីថ្មីនៅក្នុងបន្ទប់ជួល ហើយក៏មានទំនាស់គ្នាបែកផ្សែង រហូតប្តឹងនគរបាលមូលដ្ឋានអោយជួយអន្តរាគមន៍ តែស្រីស្នេហ៍និងបុរសជាប្តីបាននាំគ្នារត់គេចខ្លួនបាត់ស្រមោលទៅហើយ ។ ហេតុការណ៍តាមទាន់ប្តីមានស្រីនេះ បង្កអោយមានការភ្ញាក់ផ្អើលកាលពីវេលាម៉ោងប្រមាណ១២និង៣០នាទីយប់ឈានចូលថ្ងៃទី០៦ មករា…
រាជធានីភ្នំពេញ ៖ មន្ត្រីនគរបាលម្នាក់ត្រូវបានប្រពន្ធតាមទាន់លួចលាក់មានស្រីថ្មីនៅក្នុងបន្ទប់ជួល ហើយក៏មានទំនាស់គ្នាបែកផ្សែង រហូតប្តឹងនគរបាលមូលដ្ឋានអោយជួយអន្តរាគមន៍ តែស្រីស្នេហ៍និងបុរសជាប្តីបាននាំគ្នារត់គេចខ្លួនបាត់ស្រមោលទៅហើយ ។
ហេតុការណ៍តាមទាន់ប្តីមានស្រីនេះ បង្កអោយមានការភ្ញាក់ផ្អើលកាលពីវេលាម៉ោងប្រមាណ១២និង៣០នាទីយប់ឈានចូលថ្ងៃទី០៦ មករា ឆ្នាំ២០២៣ នៅចំណុចបន្ទប់ជួលមួយកន្លែង ក្នុងភូមិវិមានទ្រុង សង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ។
បុរសជាប្តីលួចលាក់មានស្រីថ្មី នោះឈ្មោះប្រាក់ សុភារ៉ា ភេទប្រុស អាយុ៣៦ឆ្នាំ មុខរបរជាមន្ត្រីនគរបាលថ្នាក់អនុសេនីយ៍ឯក (ពាក់សក្ត័៣) នៅរាជបណ្ឌិតសភា ។ ចំណែកស្ត្រីជាប្រពន្ធ ឈ្មោះ សុខ ថាវរី អាយុ២៩ឆ្នាំ មានលំនៅស្នាក់នៅ ភូមិ៣ ឃុំក្អមសំណ ស្រុកលើកដែក ខេត្តកណ្ដាល មានកូនស្រីតូចម្នាក់រស់នៅក្នុងបន្ទុក។ ដោយឡែក នារីជាស្រីស្នេហ៍ពុំត្រូវបានស្គាល់អត្តសញ្ញាណឡើយ ។
បើតាមស្ត្រីជាប្រពន្ធបានអោយដឹងថា គាត់នឹងប្តីបានរួមរស់នៅជាមួយគ្នាជាប្តីប្រពន្ធរយៈពេល៤ឆ្នាំមកហើយ ដោយពុំបានរៀបការឡើយ បានត្រឹមតែសែនព្រេន តែបានចុះអេតាស៊ីវិលត្រឹមត្រូវ ។ ការរស់នៅជាមួយគ្នាបានកូនស្រីមួយ ។ នៅពេលថ្មីៗ គាត់២នាក់ប្តីប្រពន្ធ មិនសូវចុះសម្រុងគ្នា ហើយប្តីតែងតែបង្កជម្លោះក្នុងគ្រួសារ និងប្រើហិង្សាជាញឹកញាប់ និងបានគេចមិនចូលផ្ទះ ។
ស្ត្រីជាប្រពន្ធបានអោយដឹងទៀតថា ដោយមានការសង្ស័យថា ប្តីមានស្រីថ្មី ហើយចេះតែរករឿងប.ង្ក.ហិ.ង្សា គាត់ក៏បានជួលគេឱ្យតាមដានប្តី និងដឹងដំណឹងថា ប្តីមានស្រីនិងបើករថយន្តស្លាកលេខនគរបាល មកដេកនៅផ្ទះជួលជាមួយស្រីស្នេហ៍ខាងលើ ។
បន្ទាប់ពីដឹងប្តីមានស្រី គាត់ក៏បាននាំម្តាយ និងកូនស្រីជួលរថយន្តគេជិះមកពីស្រុកកំណើតតាមរកប្ដីហើយ បានប្រទះឃើញ ប្តីនៅក្នុងបន្ទប់ជួលជាមួយស្រីស្នេហ៍ក៏មានទំនាស់គ្នា បង្កអោយផ្អើលពេញភូមិតែម្តង ។
តាមព័ត៌មានអោយដឹងទៀតថា ខណៈបុរសជាប្តីក៏បានគំរាមកំហែង បម្រុងប្រើហិ.ង្សាមកលើស្ត្រីជាប្រពន្ធទៀត។បន្ទាប់ពីប្រទះឃើញប្តីមានស្រីនិងទំនាស់គ្នាផ្អើលពេញភូមិ ស្ត្រីជាប្រពន្ធក៏បានប្តឹងនគរបាលមូលដ្ឋានអោយជួយអន្តរាគមន៍ ។ លុះក្រោយមក បុរសជាប្តីនិងស្រីស្នេហ៍បានបើកទ្វារចេញពីបន្ទប់រត់គេចខ្លួនបាត់ស្រមោល ។
ព័ត៌មានបន្ថែមនឹងមានផ្សាយជូនលើកាសែតកោះសន្តិភាព ។
ចែករំលែកព័តមាននេះ