ជិះម៉ូតូបុកទ្រូងពុះចែកផ្លូវខ្ទាតចូលក្រោមរថយន្តស្ទួចតែ…
រាជធានីភ្នំពេញ ៖ បុរសម្នាក់ចេញពីផឹកស៊ីវិញបានជិះម៉ូតូជ្រុលទៅបុកទ្រូងផ្លូវបណ្ដាលឱ្យម៉ូតូនិងមនុស្សខ្ទាត់ចូលក្រោមរថយន្តស្ទូចដែលធ្វើដំណើរស្របទិសគ្នាធ្វើអ្នក
រាជធានីភ្នំពេញ ៖ បុរសម្នាក់ចេញពីផឹកស៊ីវិញបានជិះម៉ូតូជ្រុលទៅបុកទ្រូងផ្លូវបណ្ដាលឱ្យម៉ូតូនិងមនុស្សខ្ទាត់ចូលក្រោមរថយន្តស្ទូចដែលធ្វើដំណើរស្របទិសគ្នាធ្វើអ្នកបើកម៉ូតូរងរបួសធ្ងន់ ហេតុការណ៍នេះកើតឡើងនៅវេលាម៉ោង២និង៣០នាទីរំលងអធ្រាត្រឈានចូលថ្ងៃទី៣ ខែកក្កដា ឆ្នាំ២០១៧ ទល់មុខនឹងផ្សារហេងលី ផ្លូវ២៧១ សង្កាត់ទឹកល្អក់៣ ខណ្ឌទួលគោក ។
តាមប្រភពព័ត៌មានពីកន្លែងកើតហេតុបានឱ្យដឹងថា មុនពេលកើតហេតុគេបានឃើញបុរសម្នាក់មិនដឹងថា ចេញពីផឹកស៊ីវិញនៅកន្លែងណានោះទេគឺជិះម៉ូតូម៉ាកហុងដាឌ្រីម ស៊េរីឆ្នាំ២០១៣ ពណ៌ខ្មៅ ពាក់ស្លាកលេខ ភ្នំពេញ 1BX-4613 បានធ្វើដំណើរតាមផ្លូវ២៧១ក្នុងទិសដៅ ពីត្បូងទៅជើងក្នុងល្បឿនលឿនព្រមទាំងស្រវឹងផងនោះ ខណៈមកដល់ចំណុចកើតហេតុបានជ្រុលទៅបុកនឹងទ្រូងផ្លូវពេញទំហឹងបណ្ដាលឲ្យម៉ូតូព្រមទាំងមនុស្សខ្ទាត់ចូលទៅក្រោមរថយន្តស្ទូច ពណ៌ស ពាក់ស្លាកលេខ ភ្នំពេញ 3B-7125 ធ្វើដំណើរស្របទិសគ្នាធ្វើឱ្យរថយន្តកិនពីលើម៉ូតូ និងអ្នកបើកម៉ូតូរងរបួសធ្ងន់ ភ្លាមៗជនរងគ្រោះត្រូវបានរថយន្តសង្គ្រោះបានមកដឹកយកទៅសង្គ្រោះនៅគ្លីនិកឯកជន ។
ដោយឡែកខាងរថយន្តវិញពេលដែលឃើញសាភាពការដូច្នេះហើយបានទុករថយន្តចោលរួចរត់គេចខ្លួនបាត់ស្រមោល ។ ក្រោយពេលកើតហេតុ រថយន្តព្រមទាំងម៉ូតូត្រូវបានសមត្ថកិច្ចជំនាញមកវាស់វែងរួចយកទៅរក្សាទុកនៅការិយាល័យចរាចរណ៍ជើងគោករាជធានីភ្នំពេញ ដើម្បីរង់ចាំធ្វើការដោះស្រាយ ៕
ចែករំលែកព័តមាននេះ